SA TANANG buhay ni Camillo ay ngayon lamang niya nagawang maging masaya.
Ngayon lamang siya nakahinga na walang pag-aalinlangan at iyon ay dahil kay Aria. Wala siyang ibang gusto kundi pasayahin lamang ang babae at iparamdam dito na importante ito sa kanya. Kahit pa hindi niya maamin sa kanyang sarili.
Kay Aria ay kontento siya. Kaydaming binabago ni Aria sa kanyang buhay...Dahil sa babae ay natuto siyang ngumiti. Natuto siyang makinig at lalong natuto siyang makisama. Alam niyang hindi siya yun... Ibang Camillo na siya ngayon.
Kinuha niya ang panyo sa kanyang bulsa at pinunasan ang labi ng dalaga. May sauce kasi ng caldereta ang gilid ng bibig nito. Nagulat pa ito sa kanyang ginawa. Maging si Richel ay napatingin sa kanila. May himig na panunukso ang mga mata nito. Hindi niya alam kun
