NANGINGINIG ang kamay ni Aria nang tawagan niya si Agnes. Nagkunwari siyang kukumustahin lamang ang mga ito. Ilang sandali pa ay sinagot na ni Agnes ang kanyang tawag.
"Agnes," wika niya. Garalgal ang kanyang boses
"Ate Aria? Ikaw ba ito?"
"Oo, Agnes. Kumusta na kayo?" napangiti siya nang mabosesan ang kapatid.
Ang boses nito ay tila galing sa pag-iyak at alam niya naman kung bakit. Tiyak na alam na ni Agnes ang nangyari sa ama nito.
"Ate Aria, wala na si papa ate... Pinatay siya," wika ni Agnes sa kanya at sinundan iyon ng hagulgol. Saglit siyang natigilan. Kunwari ay nabigla siya sa nalaman. Hati ang emosyon na nararamdaman niya. Galit siya sa kanyang stepfather dahil sa ginawa nito pero naaawa naman siya sa kanyang mga kapatid. Alam niya kung paano tingalain at mahalin ni Agnes at
