HINDI niya maintindihan ang reaksiyon ni Aria. Iniligtas niya na ito pero siya pa ang may kasalanan. Nang makita niyang hubo't-hubad ang tatlong lalaki sa harapan nito ay nagdilim na ang kanyang paningin. Hindi na siya nakapag-isip pa ng mabuti. Ang gusto niya lang naman ay ang maipagtanggol ito at maprotektahan. Kung kaya niya yun nagawa.
"Hindi ko maintindihan si Aria, Migs. Galit na galit siya dahil pinatay ko ang walang hiya niyang amain," wika niya sa pinsan. Nasa hotel room sila nito at umiinom. Ang inutusan nilang magtapon sa bangkay ng kanyang pinatay ay si Agapito.
"Ako nga rin ay nagulat sa ginawa mong pagpatay sa kanila. Hindi ko 'yun inaasahan at sigurado akong ganoon din ang reaksyon ni Aria. Naging ama niya pa rin kasi si Luis, Camillo. Ang makita niyang namatay ito sa kany
