PUMASOK na si Jasmin nang sumunod na araw. Sinalubong siya ng lukot na mga mukha ng mga dati niyang kasamahan sa department. Napangiti siya sa isip. Tama lang pala ang desisyon niyang huwag pumasok nang nagdaang araw—nakaligtas siya sa pandadamay ni Montalvo sa kamiserablehan ng buhay nito.
"Pigilan mo kaming lahat, Jas!" OA na bulalas ni Elvina habang hawak ang sa hula ni Jasmin ay patong-patong na printed ads sample. "Magre-resign kami nang sabay-sabay in seven days!"
"Parang threat ni Sadako?"
"Masahol pa kay Sadako ang boss mo! Letse siya!"
"Hoy, Elvz!" sigaw ni Connie. "Boses mo! Baka mapaaga ang dating ni Sadako, lagot tayo, loka ka! Ulitin mo na lang 'yan. Ibigay mo ang gusto ng Sadakong boss ni Jas!"
"Babalik si Sir G," sabi ni Jasmin para pagaanin ang loob ng mga kasama. "Pag
