HUMINGA ako ng malalim at muling ipinagpatuloy ang pagpupunas sa likod ni Sir Dauvit. Nakita ko naman mula sa gilid ng mga mata ko ang paglapit sa amin ni Sir Dame Lei.
"Mukhang maaga ka ring nagisi--" Naputol ang sinasabi ni Sir Dauvit at bigla na lamang ding may humaklit sa braso ko at hinila ako papalayo. "Hey! ... What the heck? Where are you taking Ces?!"
"Sir, s-sandali lang po. Sir Dame Lei... Teka lang naman po!" Kaagad ko namang inagaw mula sa kanya ang braso ko, at nagtagumpay naman ako.
Napalingon naman siya sa akin. Bahagya na kaming nakalayo sa kambal niya.
"Ano'ng ginagawa mo?" mariin niyang tanong sa akin. Para siyang sisiklab sa galit sa hindi ko malamang dahilan.
"Ano'ng ginagawa ko?" ulit ko namang tanong sa kanya. "Oras po ba ngayon ng trabaho ko para tanungin niy
