LUNA
Nandito ako sa headquarters ng TAJSO. Dahil tinawagan ako ni Mr. X. Hindi ko alam kung paano niya nalaman ang nangyari. Nang maihatid namin si Forrest sa hospital at tumakas muna ako. Mabuti na lamang at abala sila dahil sa pagdagsaan din ng press upang alamin ang nangyari sa anak ng senador. Hindi ko na nakausap ang senador dahil nagmamadali na akong umalis kanina. Baka si Sir James na lamang ang magpapaliwanag sa kanya sa nangyari.
“Luna, ito ang unang beses na gumawa ka ng sarili mong desisyon. Paano mo naatim na iwanan ang misyon mo? Kahit pa may hidden agenda ka sa pagpasok sa kanilang pamilya. Obligasyon mo pa rin ang iligtas sila. Dahil yun ang ipinunta mo doon. Paano kung nakaalis ka na bago pa sila sumugod? Paano kung napatay ang anak ni Senator Revillia? Maari kang matang
