LUNA
Pagkatapos kong magpalit ng damit, maghilamos at magtoothbrush ay lumabas na ako ng kuwarto. Bumaba akong muli at tapos na pala silang kumain. Dahil nililigpit na ang kinainan nila.
“Luna,” Tawag ni Sir James. Lumapit ako sa kanya.
“Yung sinabi ni Sir Forrest kani–”
“Huwag niyo na pong isipin yun. Alam niyo naman ang lalaking yun. Puro kalokohan lamang ang nasa isip.” Putol ko sa sasabihin niya.
“Pero–”
“Si Sir Forrest po nasaan?” Putol ko ulit sa sasabihin niya dahil baka kung ano pa ang susunod niyang sasabihin sa akin.
“Ah, eh nasa labas. Papunta na rin ako doon gusto mong sumabay?”
Tumango ako sa kanya kaya sabay kaming bumaba sa villa. Malayo pa lang kami ay tanaw na namin si Forrest. May kausap siyang tatlong babae, yung isa ay morena at yung dalawa naman ay foriegne
