GUARDED BY DESIRE

CHAPTER 4

Ilang taon na ang nakalipas ngunit gabi-gabi ay binabangungot pa rin si Marcus tungkol sa karahasang nangyari sa kanyang mag-ina. Kailangan pa niyang pagurin ng husto sa trabaho ang kanyang katawan upang makatulog ng ilang oras. Malaking tulong ang kanyang pagtira sa hacienda ng kaibigang si Samuel Velasquez. Nagtatrabaho siya bilang foreman/supervisor sa hacienda at labis ang kanyang pasasalamat kay Samuel at sa asawa nitong si Jessica sa kanilang kabutihan.

Si Samuel pa rin ang manager ng hacienda pero dahil masyado itong abala sa kanyang love life, kadalasan ay siya ang gumagawa ng mga trabaho nito. He hired, trained and supervised workers engaged in planting, cultivating, irrigating, harvesting, marketing crops and livestock raising. He would also inspect the farm structures such as animal buildings and fences and took care of any maintenance activities as needed. He's also in-charged in monitoring pasture or grazing land used to ensure that live stocks are properly fed.

Pero ang pag-maintain ng mga financial, operational, production or employment records ay hindi na niya pinakialaman. Si Samuel pa din ang bahala sa pakikipag-negotiate sa mga buyers ng kanilang mga harvest at ang pag-secure na mga additional funds kung kinakailangan.

Isang araw ay napansin niyang may ilang parte ng kanilang mga bakod ang nasira at kailangan ng repair. At dahil nagkasakit ang ilan nilang mga tauhan, walang choice si Marcus kundi siya na mismo ang nag-ayos ng mga nasirang bakod.

Pawisan siya ng makabalik sa kanyang sariling apartment na nasa loob ng Hacienda. Magsa-shower na sana siya nang marinig ang boses ng kaibigan na nasa labas. Kumunot ang kanyang noo. Simula kasi ng makapag-asawa si Samuel, bihira na lang itong bumisita sa kanyang tinitirhan. Hindi rin naman niya masisi ang kanyang kaibigan dahil ilang taon din itong nagtiis bago nakapiling muli ang babaeng minahal.Pagbukas niya ng pintuan agad na pumasok si Samuel at naupo sa sofa.

"Alexander needs our help," pagkuwa'y sabi nito.

"Babae?" Kilala niya si Alexander Demakis at kung meron man itong problema, babae ang dahilan.

"You're right, but this time, he's serious. In fact, he wanted her to be his wife." Ibinalita ni Samuela ang kanyang nalaman mula sa kaibigang si Nicholas Demakis.

"Really? I thought I’ll never see a day when that notorious bastard will settle down." Sa loob ng ilang taon, ngayon lang muling nabuhayan ng loob si Marcus Madrigal. Ah, that chap! They used to be in the same circle before he chose to live peacefully and simply in Camotes Island.

"The chopper's ready in fifteen minutes, okay? Nagpaalam na ako kay Jessica kaya hihintayin na kita dito." sabi ni Samuel sa kanya.

"You're just kidding, right?" Ngunit nang mapansin niyang hindi kumibo ang lalaki, alam niyang seryoso nga ito. Mabilis siyang nagtungo sa banyo upang mag-shower. At nang makapagbihis, binuksan niya ang isang vault na naglalaman ng kanyang mga gamit tuwing sasabak sa isang labanan.

Kinuha niya ang isang maitim na bag at doon inilagay ang kanyang Glock 45, AK-47, Point Rifle, mga bala, at ballistic knife. Para siyang si Antonio Banderas sa pelikulang Desperado. Bitbit ang malaking bag na lumabas ng silid at sabay na silang nagtungo ni Samuel sa helipad zone ng Hacienda.

Two days later, nakabalik na sina Samuel at Marcus sa Hacienda Velasquez na animo walang nangyari. Ngunit ramdam ni Marcus sa kanyang sarili na malaking tulong na muli siyang sumubok sa aksyon at nabuhay ang kanyang dugo.

Gaya ng nakasanayan, hands-on si Marcus sa farm at sa tuwing nasa field siya ay lagi niyang nakasalubong ang accountant ni Samuel. Maganda si Alicia, at seksi ang pangangatawan ngunit hindi siya interesado. Si Veronica pa rin ang laging laman ng kanyang isipan at puso. Bawat gabi ay napanaginipan niya ang yumaong asawa at sa tuwina ay umiyak ito.

Kagagaling lang niya sa kwadra ng mga kabayo at hindi pa siya tapos magbihis nang biglang tumunog ang kanyang cellphone. "O Samuel, napatawag ka?" Tinanong niya ang lalaki at nag-alala siya na baka may problema sa mga kabayong bagong dating galing Texas.

"Marcus, good news pare. Alam kong matutuwa ka sa trabahong ito. Hindi ba't na-miss mo na rin ang ganitong klase ng assignment? Naalala mo ba si Ortega?” sabi ni Samuel.

Bahagyang kumunot ang noo ni Marcus nang banggitin ni Samuel ang pangalan ng isa pa nilang kaibigan na may sariling detective agency. "Of course, bakit?"

"May trabaho siya para sayo. Check your email, buddy.” Sabi ni Samuel. 

"Wait-”, nabitin sa ere ang sasabihin ni Marcus nang ma-disconnect ang tawag ni Samuel.Minabuti niyang buksan ang kanyang email. Gusto niya sanang tanungin si Samuel kung bakit binigyan siya ni Ortega ng trabaho gayung matagal na silang hindi nagkita. “Hmmmm,” sandal niyang hinimas ang kanyang nguso habang nakatitig sa picture na ipinadala ni Ortega sa kanya at ang description ng magiging trabaho niya.