الشيطان يعظ ( الجزء الاول )

الفصل الثالث

الفصل الثالث

محمود : اديني ساكت لما نشوف الوسخ

امي : (بصوت عالي سكت الكل) بس بس مش عايزه صوت هنا

محمود : انتي مش شايفه الي بيعمله ابنك

امي : انا شيفه كلامك انتا الي زي السم ده اخوك الكبير ازي تصدق كلام الكل و تكذبه اخوك الكبير صادق

محمود : ليه نبي

امي : لا اخوك الكبير

انا : الباشا ابن عمك الي انتا خايف عليه و زعلان زق عليا واحد صحبي هو الي معرفني عليه علشان يطلبي في قعده ض*ب المفروض اكون قايم منها على ايد اخوك جمال او حد من اعمامك لو مكنش ابوه الي لحقني منه هو محمد ابن خالتك عرف و جالي اخدني و اخد الواد في شنطه العربيه على المزرعه و خلي الغفر ينزله فيه ض*ب لحد ما اعترف صورته بس انا محكتش لي حد لحد ما بنت عمك المخلصة جت هنا و دخلت الاوضه بتاعتك و مسحت الفيديو من على تلفوني و مبقاش معايا دليل و ساعتها مرات عمك المصون شاورت عليا اني مجنون و اديني بناخد علاج مرضي نفسين علشان بس الباشا يعيش في انجلترا و يركب للامبورجيني بفلوس حماه شوفت يا ابن ابويا و امي

محمود : شكلك عايز تاخد الدوا انتا مريض كل الناس في مؤامرة عليك انتا

انا : محمد ابن خالتك لسه عايش روح اسأل

امي : قولي يا ابني انتا تعرف الست دي منين

انا : بالصدفه يا ماما صدقيني بالصدفه

امي : طيب يا حبيبي ابعد عن الست دي

انا : انا بعيد عنها هيا الصدفه بس مش اكتر

امي : طيب يا حبيبي

انا : لا مش طيب محمود انتا شايف اني فاشل صح خلاص بدماغك انا سيبها ليك بور (يعني ارض بور) خضرها انتا (يعني وريني شطارتك) سلام

امي : استنا يابني

انا : لا مستني وله زفت

نزلت من البيت و رحت على برج فيه شقه باسمي كنت بأجرها بس هيا دلوقتي فضيه دخلت جوه و انا ق*فان كلمت يسري يجبلي بن و عده قهوه و قعدت شويه لحد ما جيه خبط قومت فتحت

انا : ادخل يا يسري ادخل

يسري : (دخل و قعدنا) اتفضل دي الحصاله بتاعت اليوم و ده كشكول الشغل

انا : (اخد الفلوس عدتها و شوفت الكشكول و حسبت الدنيا) تمام يا يسري

يسري : لو ممكن بس توريني مكان الحمام لو مفيش فيها رخامه

انا : رخامه ليه هو انا القعده ادخل الممر ده الحمام في الوش

يسري : طيب ادي حس لحسن يكون حد هنا

انا : لالا ادخل مفيش حد هنا

يسري : طيب

دخل يسري الحمام و انا قعدت اعمل قهوه ليا و ليه طلع بعد شويه شربنا القهوه مع بعض

انا : قولي يا يسري الحجه عمله ايه

يسري : تمام بتسلم عليك

انا : سلملي عليها كتير و قلها عايزن ندوق الاكل بتعها تاني

يسري : يوصل

انا : ها الفرح بتاعك امته

يسري : اخر الشهر الجي

انا : طيب ربنا يتمم على خير

يسري : امين اتكل انا

انا : ماشي يا يسري اعمل حسابك ها نفتح في معدنا ماشي

يسري : ماشي تصبح على خير سلام

انا : تلقي الخير سلام

مشي يسري و رجع بيته امه فتحت ليه

ام يسري : قولي يا حبيبي ريحيني

يسري : في ايه يا حجه بس

ام يسري : مسافر ازي

يسري : بطياره يا ماما ها يكون ازي

ام يسري : يعني مش مسافر هرابي

يسري : لا

ام يسري : طيب ليه انتا شغل هنا كويس

يسري : يا ماما مش نفسك كده تروحي تحجي انا مسافر علشان تحجي و نقولك يا حجه

ام يسري : ليه البهدله في الغربه يابني اد*ك هنا وسطنا و شغال مع مازن هو قصر معاك في حاجه

يسري : لا بس انا محتاج شغل بفلوس احسن من كده

ام يسري : طيب و مازن

يسري : انا صفيت حسابي مع مازن النهارده و اتفقت مع الي ها ينزل مكاني

ام يسري : ماشي يا حبيبي توصل بالسلامه

اخد شنطه هدومه و طلع بره اخته كانت في الصاله

اخته : خلاص مسافر

يسري : مش بعد بكارلوس تجاره اعمل قهوه لي الناس

اخته : طيب ها تشتغل ايه

يسري : عند عماد السراجي ابن عم مازن الراجل اول ما عرف اني خريج تجاره جبلي شغل في شركه حماه في انجلترا

اخته : طيب يا حبيبي تروح و توصل بالسلامه خلي بالك من نفسك ماشي

يسري : ماشي خلي بالك انتي من ماما ماشي

اخته : ماشي يا حبيبي

طلع يسري من بيته و ركب عربيه من على موقف المنيا و طلع على اسيوط يركب من المطار هناك

المشهد الريسي

نايم في الشقه بتعتي و صحيت على خبط في الباب قومت افتح لقيت في وشي حوريا

انا : انتي ايه الي جابك هنا

حوريا : (زقتني من الباب و دخلت) اوعي كده مفيش اتفضلي

انا : (قفلت الباب وراها) اتفضلي

حوريا : ها يا سيدي مالك قافش مع اخواتك و امك ليه

انا : حوار و بعدين انا قافش مع محمود بس

حوريا : اشمعنا

انا : كا العاده محمود

حوريا : صحيح محمود بس امك مش مبسوطه مينفعش

انا : اهي امي هيا الي مصبراني على محمود لحد دلوقتي بقالي سنتين مستحمله بس انا جبت اخري

حوريا : لسه بدري اخرك ايه انتا لسه ها تدخل جامعه و تدرس و تتخرج و تتجوز و تقعد في بيت عيله الي هو كمان ها يتجوز و عيش فيه

انا : لالا كفايه كده اوي مش ها قدر استحمل اكتر من كده

حوريا : ده الي قدامك يا مازن استحمل علشان كده بقولك لسه بدري مش اخرك

انا : لا بجد يا حوريا انا تعبت منه

حوريا : تجاهل وجوده اصلاً

انا : طيب انتي كنتي فين كده

حوريا : في الجامعه و لسه طلعه

انا : طيب هادخل اغير و انزل اوصلك

حوريا : انتا معاك لبس هنا لميت هدومك من البيت

انا : (افتكرت اني معيش اي حاجه هنا) تصدقي لا كنت ناسي ادخل اغسل وشي و ننزل

حوريا : طيب

قومت دخلت الحمام اغسل وشي و لبست الجزمه و طلعت بره اخدت حوريا و نزلنا ركبنا تا**ي وصلتها الاول و بعد كده رحت على الكافيه فتحت بس يسري مش باين خالص قعدت لحد الضهر و هو مش باين ارن عليه تلفونه مقفول رنيت اكتر من مره برده مقفول قومت بالشغل لوحدي لحد ما جيه الليل كانت الساعه سته المغرب و لقيت حمله دخله عليا

ضابط : انتا مازن محمد السراجي

انا : ايوه يا فندم انتو اكيد بتوع الصحه صح

ضابط : لا مكافحه م**رات فتشه المكان

انا : (استغربت جدا مكافحه م**رات ازي و ليه) ليه يا باشا في مشكله

ضابط : ها تعرف دلوقتي

انا : طيب ممكن اذن النيابه

ضابط : شكلك مثقف و ها تتعبني امسك (فتحت الورقه و كان الاذن مظبوط) خلصت (اخده تاني)

عسكري : لقينا حشيش يا فندم

ضابط : فين

عسكري : زي ما مذكور في المحضر جوه اكياس البن

ضابط : حلو اوي انتا عندك شقه في (.......)

انا : (وشي اصفر و مستغرب فشخ) ايوه

ضابط : ها توه معانا و شمعه المكان و فتش الناس الي قعده دي كلها

بداء العساكر تفتش الناس و انا واقف لبس الكلبش و مش فاهم حاجه وله عارف حاجه بعد كده ركبت البو** و رحنا على الشقه بتعتي الي كنت بايت فيها فتحه الشقه و دخله فتش*ها طلعه طربتين حشيش من تحت السرير بتاعي الي في الاوضه نزلت و انا مش فاهم حاجه اكتر من الاول ركبنا البو** و رحنا المدريه كل ده كان متصور من واحد

في مشهد اخر

انجلترا مكتب في شركه اسمها اسمرك لي السياحه مكتب المدير التنفيذي عماد حسن السراجي قاعد و ماسك التلفون وصله فيديو متصور من واحد في مصر و انا لبس الكلبش خلص الفيديو

عماد : تعيش و تاخد غيرها يا ميزو

يسري : (قاعد قدامه بعد ما وصل) انا حاسس اني كنت غلط ازي اعمل كده في استاذ مازن

عماد : تأنيب الضمير طيب قولي يا يسري عندك كام سنه

يسري : عندي 27 سنه

عماد : طيب يا راجل مازن عنده 20 سنه و تقوله استاذ مازن في فرق سن كبير غير كده انتا راجل دارس و متعلم لكن هو حتت فاشل مش عارف يعدي الثانويه العامه و لما عداها بمجموع زباله زيه طيب قولي مين احسن مكانه انتا وله هو اكيد انتا انتا راجل متعلم و بعدين انتا كنت بتقبض كام عنده يعني 300 جنيه في اليوم لكن هنا ها تاخد مرتب لا يقل عن 10 الف دولار في الشهر قولي انهي احسن تسمع كلام ضميرك و تاخد اول طياره و على حسابي انا الشخصي و تروح تعترف علشان يطلع مازن و سعتها انتا ها تدخل مكانه وله تقعد هنا و تشتغل معنا اربع سنين تكون فهمت الدنيا و بعدها يا سيدي عايز تمشي و تروح مكان احسن روح و بعدين يا سيدي الاربع سنين دول اتعرف على واحده خوجايه اتجوزها و لو عايز تكمل مع خطبتك براحتك انتا حر بس هنا في اختيارات كتير لكن هناك مفيش غير السجن

يسري : طيب و انا ها ستلم شغلي امته

عماد : ها تنزل تدريب سنه هو بدون مرتب بس انا بخدم الناس الجدعه الي بتخدم زيك و في مرتب اول سنه و زي ما قولت في الاول 10 الف دولار

المشهد الريسي

انا في القسم في مكتب رايس المباحث

رايس المباحث : قولي يا مازن شغال في الم**رات من امته

انا : عمري ما اشتغلت فيها

رايس المباحث: طيب انتا بتشربها

انا : عمري ما شربت م**رات في حياتي

رايس المباحث : طيب حط نفسك مكاني انتا ممسوك عندك في البيت فرشين حشيش و غير الي في المحل بتاعك و بتاع المحل متقطع و محطوط في اكياس علشان البيع يعني القضيه مكتمله الاطراف

انا : ممكن اي حد من الي شغلين معايا يكون حطها

رايس المباحث : طيب ده بالنسبه لي الي في المحل طيب و الشقه بتعتك الي انتا في العادي مش بتروح هناك و انتا كنت بايت هناك امبارح و نازل النهارده الصبح قولي دليل انا في القضيه العاديه بتاعت القتل بضور على الدافع لكن م**رات لا بس انا هنا عايز دافع يحركني انا يفهمني انتا شاب من عيله كبيره مش صغيره و ليك ناس في الدخليه و الحربيه و النيابه قولي سبب واحد بس

انا : هو ليه حضرتك متأكد اني ببيع م**رات يعني ايه السبب في ده

رايس المباحث : من الي انا شايفه كل حاجه بتقول انك شغال في الم**رات طيب قولي انتا جبت منين فلوس الشقه و فلوس محل بتاعك الي تمنه مليون و نصف كل ده منين بعت من أرضك طيب

انا : لا من تعبي و شقايه انا كنت بقف ابيع قهوه في الشارع في عربيه شاهين م**ره و كنت بقف قدام المحل ده جمعت فلوس بس علشان اخده إجار و اخدته و شغلته بس شغلته صح و شغل عالي حضرتك تقدر تسأل عن شغلي انا في ناس بتيجي من اخر محافظه في مصر علشان خاطر البن بتاعي و مش ببيع رخيص لا ببيع غالي و حضرتك زبون عندي و عارف كده كويس من شغلي اشتريت المحل الي انا فيه و من شغلي اشتريت الشقه دي

رايس المباحث : مازن انا عايز اسعدك

انا : و انا عرفت حضرتك كل حاجه و شغلي حضرتك عرفه كويس انا تاجر بن عمر حضرتك اشتريت بن من عندي و لقيت فيه حشيش او اي نوع م**رات لا

رايس المباحث : (بص ليا شويه) امرنا نحن رايس المباحث حجز المتهم لي حين العرض على النيابه العامه خده بابني

اخدوني على التخشيبه و نزلت تحت دخلت و مكنش في اي حد فيها قعدت و انا ضهري للحيط مش فاهم ايه الي بيحصل وله في ايه لدرجه اني شكيت في نفسي اكون فعلاً شغال في الم**رات

في مكتب رايس المباحث دخل عمي مصطفي و هو عقيد في الشرطه العسكريه دخل و معاه اتنين ضباط و عسكري حراسه

رايس المباحث : اهلا يا مصطفي باشا

مصطفي : ايه الي بيحصل ده ازي تقبضه على ابن اخويا

رايس المباحث : اهدي يا مصطفي باشا

مصطفي : اهدي ازي مازن ده لسه عيل هو فين

رايس المباحث: في التخشيبه

مصطفي : تخشيبه مازن عيل صغير يا باشا تخشيبه ازي و بعدين مازن دون السن

رايس المباحث : كان من كام شهر بس دلوقتي هو كمل السن القانوني و بعدين انا منزل مازن في تخشيبه لوحده

مصطفي : فهمني ايه الي حصل

رايس المباحث : (شرح الموقف كله) بس

مصطفي : مستحيل مازن بني نفسه بنفسه بدون مساعده من حد

رايس المباحث : حضرتك ادري بالقانون و ادي المحضر اهو قدامك

مصطفي : مازن لزم يخرج امه دخلت المستشفي لما سمعت الخبر

رايس المباحث : انا اقدر اسمح ليه انه يزور ولدته بس دخوله عليها بالكلبش و هو نازل من البو** مش ها تكون كويسه

مصطفي : طيب و الحل

رايس المباحث : المحضر مفهوش حل بس تقدره تجيبه محامي شاطر يجبه حكم مخفف

مصطفي : حكم انتا مجنون وله ايه مازن السراجي ياخد حكم انا ادفنك فيها

رايس المباحث : انا مقدر الحاله الي حضرتك لو مش مقدر ها يكون في كلام تاني

مصطفي : كلام تاني فوق انتا شايف مين الي قدامك انا مصطفي السراجي بعيد عن البدله الي لبسها دي الي اقدر بتلفون انقلك بيها انا اقدر اولع في المحافظه كلها انتا مش عارف قابض على مين

رايس المباحث : مصطفي بيه انا لحد دلوقتي مقدر الموقف كل الي اقدر اخدمك فيه هو اني مازن ميدخلش حجز عام و ابداء اشوف الموضوع انه متركب و حد ملبسه القصه دي غير كده لا مقدرش اعمل اكتر من كده لو حضرتك عايز حاجه اكتر تقدر تتكلم مع الوزير بتاعي او مدير الامن و ساعتها هو الي عمل الاستثناء مش انا

طلع عمي مصطفي و جمال كان بره

جمال : طمني يا عمي

مصطفي : مش خير الموضوع لبسه

جمال : ازي انا نزلت الشغل ده مكان مازن اسبوع لو بيبيع م**رات كنت عرفت

مصطفي : شهدتك مجروحه يا مصطفي انتا اخوه لزم تشهد في صفه

جمال : اقول ايه الي امي الي في المستشفي

مصطفي : مش عارف تعاله نروح نبص عليها

جمال : طيب يله

طلعه من المديرية و راحه على المستشفي طلعه لي الدكتور

جمال : طمني يا دكتور ايه الي حصل

دكتور : الاسف يا استاذ جمال الحجه جتلها جلطه في المخ نتيجه لي صدمه احنا قدرنا ندوب الجلطه بس حالتها الصحيه مش كويسه

جمال : يعني ايه امي بتروح مني

مصطفي : اهدي يا جمال امك ست قويه و ها تعدي منها متخفش طيب يا دكتور نقدر ندخل ليها

دكتور : تقدره بس مش كتير

مصطفي : شكرا يا دكتور

دخله الاوضه الي فيها

المشهد الريسي

قاعد في التخشيبه و الوقت هناك غير العادي بطيء جدا و مش مفهوم و الفكر اصعب انا قاعد براجع كل حاجه حصلت مش في الكام يوم دول لا في حياتي كلها مش لقي سبب لي وجودي هنا جيه الليل و انا صاحي و جيه النهار و انا برده صاحي لحد ما عسكري جيه اخدني لي مكتب رايس المباحث

شخص : بس يا باشا

رايس المباحث : (بص للورق الي قدامه) تمام يا متر تقدر تخد مازن

شخص : شكرا بس لو ممكن تفكه الكلبش

رايس المباحث : مازن انتا نزلت شحنه بن جديده

انا : لا معاد البن الي بيوصل بيكون اول الشهر

شخص : يا باشا انا فهمت حضرتك اني السبب هو الواد الي شغل معاه هو الي استلم

رايس المباحث : طيب تقدر تتفضل و تاخد مازن معاك مازن انتا معاك محامي شاطر اوي و مش عايز اشوف وشك تاني طول ما انا في الخدمه اتفضل البطاقه

اخدت البطاقه و طلعت بره و معايا المحامي كان في عربيه وقفه بره ركبتها

انا : هو حضرتك مين

شخص : انا فريد شوقي المحامي و جي علشان اطلعك

انا : طيب هو مين الي عين حضرتك

فريد : ها تعرف دلوقتي

انا : طيب هو انا طلعت ازي

فريد : جيه واحد شال القضيه

انا : ازي

فريد: انا اديت ورق من شركه البن الي انتا بتتعامل معاها انهم ورده بن ليك و موظف الشحن هو الي حط الم**رات ليك

انا : ازي ازي تجيب واحد بريء يشيل القصه دي

فريد: هههههه انتا طيب يا مازن بيه بس متخفش الي شال القضيه مش بريء اوي يعني الي شال القضيه هو واحد من اسكندريه هربان و ضارب ورق كان هربان من حكم في قضيه ا****ب لي عذراء

انا: انتا بتتكلم بجد وله بتقول كده علشان اسكت

فريد: لو عايز اسكتك مش ها قول كده اخلي السوق يلف العربيه نرجع هناك و تعترف على نفسك انا معنديش وقت اقعد اقنع فيك بس انا عندي خبر مش كويس ليك

انا : ايه هو

فريد: مدام امل

انا : امي

فريد : ايوه اول ما سمعت الخبر دخلت المستشفي اهدي احنا ريحين في الطريق دلوقتي ليها ماشي اهدي بس

في مشهد آخر

سحر وصلت المستشفي و كان مصطفي هناك

مصطفي : ليكي وحشه يا سحر

سحر : و انتا اكتر يا مصطفي فين امل

مصطفي : جوه مازن عملتي ايه معاه

سحر : جي في السكه انا دخله ليها ماشي

مصطفي : ماشي

دخلت سحر الاوضه و امي متوصله بأجهزة قعدت جنبها

سحر : امل

امي : سحر عايزك تحلفي على مصحف انك ملكيش علاقه بالي حصل لي مازن

سحر : انتي عايزني احبس مازن مازن ده ابني انا حته مني مقدرش اعمل فيه حاجه

امي : فين مازن

سحر : جي في السكه انا قومت ليه اكبر محامي و طلع و جي في السكه

امي : (بتاخد نفسها بالعافيه) اوعديني مازن يبقي في امان و محدش يلمس منه شعره ارجوكي يا سحر حفظي على الواد

سحر : و انتي رحتي فين يا صحبتي يا اختي

امي : انا مش عرفه ريحيه فين وله عرفه ايه الي ها يحصل بعد كده بس لو حصلي حاجه مصطفي و جمال ابني عرفين الحقيقه متخفيش لو مت مش ها تموت معايا

سحر : متقوليش كده يا امل انا ها جيب اشطر دكاتره في مصر علشانك مازن مش ها يعرف يعيش من غيرك

امي : مازن راجل و يقدر يستحمل ها يتعب في الدنيا بس متخفيش عليه انا ربيت راجل يقدر يدخل في الدنيا بص*ره خلي انتي بالك منه

تيت تيت تيت

طلعت سحر و خرجت دكاتره تجري على الاوضه بتاعت امي و انا داخل مع فريد رحت لي عمي مصطفي

انا : ايه الي حصل امي فين فين الاوضه بتعتها

مصطفي : (بص في الارض و حط ايده على كتفي)

انا : لالالا الجو ده انا عرفه لا امي كويسه صح قول يا عمي مصطفي قول اكيد كويسه

سحر : (دمعها على خدها خدتني في حضنها) شد حيلك يابني

انا : (بعدت عنها) لا اشد حيلي ازي لا

دكتور : (طلع من الاوضه) البقيه في حياتكم يا جماعه

محمود : لا امي لا انتا السبب انتا السبب مش ها سيبك يا مازن انتا الي موتها انتا السبب هقتلك هقتلك

خليل و الحرس واقفه في النص بنا

مصطفي : (ماسك ايدي) قدرها يابني عمرها خلص

انا : (بعدم اقتناع) لا لا قدر ايه لا امي عايشه صح اكيد الدكتور بيهزر اكيد صح صح انتا بتهزر ايوه بتهزر امي عايشه امي عايشه (بزعق بعالي صوت) امي يا امي يا ماما يا امل قومي قومي مش ها تموتي (محستش بحاجه تاني خالص غير و انا بقعد على الارض و سامع سحر بتقول ابني و محمود بيقول هقتلك و بكاء جمال)

اخدني الدكتور و دخل بيا اوضه علشان يكشف عليا و بعدها طلع لي سحر

سحر : ابني

دكتور : اللاسف احنا بنحاول بس حصلت ليه صدمه عصبيه شديده جدا و المخ مش قادر يتعامل معاها فدخل في حاله الثبات دي احنا بنحاول و الي ها نقدر عليه ها نعمله

سحر : (مسكت الدكتور من هدومه) اسمع انتا قولت نفس الكلام عن امل و ماتت و كانت صاحبة عمري لكن الي على السرير جوه ده ابني ابني الوحيد يا تفوقه يا احجز ليك سرير جنبه انتا الي يتشدد ليك فاهم مازن لازم يفوق يعني لازم يفوق

دكتور : (شايف الشر في عين سحر) طيب طيب ها حاول

سحر : مفيش ها حاول في ها قومه لو حكمت اجيب منظمه الصحه العالميه لحد عنده ها جيب بس يفوق مازن لازم يفوق

دكتور : حاضر حاضر

دخل الدكتور و بعد شويه بدأت الناس توصل علشان يخلصه ورق الدفن و الكلام ده خلصوه و دفنه و عمله العزاء و انا في اوضه المستشفي محدش فكر يجي يبص عليا من اهلي او الي كنت فاكرهم اهلي مفيش غير جمال الي كان كل يوم يجي يبص عليا و يشوف سحر لو عايزه حاجه في يوم راح و كانت سحر في الاوضه بتاعتي قاعده و بصه ليا و مهديه النور

جمال : (خبط و دخل) ازيك يا سحر هانم مازن عامل ايه دلوقتي

سحر : مفيش جديد يا جمال

جمال : ها يقوم انا عارف اخويا كويس ها يقوم

سحر : (بصه لي وشي) عارف يا جمال زمان كان عندي استعداد ادفع نص عمري علشان اكون هنا و قريبه منه اشوفه و هو نايم بس مش عايزه اكتر من كده لحد ما جيه القريه عندي اول يوم اخدت المفتاح و دخلت الشاليه طلعت لي الاوضه بتاعته و قعدت جنب سريره فضلت قاعده و بصه ليه محستش بالوقت وله انا قعدت قد ايه كنت فرحانه بالشاب الي قدامي و شكله مكنش مهم ليا انه محترم او لا مش مهم بس اكتشفت انه انسان محترم لما لحظت انه مش بيشرب خمره ولا يعرف ستات الي كبره في نظري قوي انه رفض يقعد معايا و راح قعد مع بنت اسمها حوريا علشان يخلي باله منها عرفت قد ايه ان امل عرفت تربي صح و تطلع راجل انا مكنتش هاعرف اربيه خالص امك عملت معجزه امك دي اعظم ست في الدنيا بس مازن بيروح مني و بخسره قدام عيني زي ما خسرت ابوه قدام عيني

جمال : (بص ليا) مفيش خساره تاني خلاص مازن ها يقوم انا عارف اخويا كويس ياخد كل قلم و التاني و يقوم زي القرد مازن بلاش تمشي و قوم

و هما باصين ليا منتظرين معجزه تحصل حاله تشنجات جامده و جسمي يتنفض من مكانه دخل الدكتور و التمريض طلعوهم بره نص ساعه و جمال ماسك دماغه خايف يخسر اخوه ايوه انا مش اخوه بس اتربينا مع بعض من صغرنا حرفياً كنا مع بعض في كل حاجه و سحر خليفه تخسر ابنها الوحيد الي علشانه مستعده تعمل

تعمل اي حاجه و احذر ست ممكن تخسر ابنها بتبقي زي الوحش الكاسر

دكتور : (طلع من الاوضه و هو خايف جدا من سحر) اللاسف يا جماعه الحاله نزلت اكتر من الاول و المساله وقت مش اكتر

سحر : ازاي

دكتور : (بلع ريقه) التشنجات دي اخرت الحاله اكتر و بقت مسأله وقت بعد اذنكم

مشي الدكتور و سحر قعدت و مسكه رسها و جمال قعد على الارض و انا في الاوضه مش حاسس بحاجه غير حلم طويل جدا بس مش عايزه يخلص علشان فيه امي نايم في حضنها و هيا بتلعب في شعري

امي : ايه مش عايز تقوم

انا : لا عايز افضل في حضنك

امي : لو فضلت هنا مش ها تعرف تطلع خالص

انا : انا مش عايز اطلع انا عايز افضل معاكي لحد الاخر انتي طول عمرك حنينه عليا احن من الدنيا دي كلها

امي : بس لازم تقوم انا طول عمري بقولك قوم مهما الدنيا ت**ر فيك لزم تقوم مهما الدنيا تكون قسيه عليك و مش كويسه معاك لزم تقوم لزم تقوم علشان لو فضلت هنا مش ها تعرف تطلع خالص (شورت على باب الشقه الي بيتقفل) اطلع يا مازن

انا : (بتحايل عليها زي العيل الصغير) انا عايز افضل في حضنك

امي : لا انتا كبرت و كان ها يجي الوقت الي تطلع فيه من حضني و تبقي الراجل الي انا عملته انا عملت منك راجل مش عيل صغير يجي يستخبي في حضن امه قوم يا واد قوم

انا : ها شوفك تاني

امي : انا مكاني ثابت لكن انتا ها تمشي في الدنيا بس الي مطمني انك عارف مكاني

قومت من حضنها و حاسس اني روحي بتطلع بوست ايدها و رحت عند الباب و طلعت منه كان حلم جميل جدا و انا كنت سعيد فيه جدا

قومت في الرعايه و انا نايم على السرير اول حاجه شوفتها هيا الدكتور

دكتور : انتا كويس

انا : (هزيت راسي بايوه)

دكتور : مب**ك رجوعك يا بطل

يتبع....