الشيطان يعظ ( الجزء الاول )

الفصل الرابع

الفصل الرابع

كنت فاكر اني املك مصيري كنت فاكر اني المتحكم لحد ما لقيت اني وله حاجه مهما فكرت نفسك قوي يطلع خازوق تلبسه يبين ليك انك وله حاجه اصلاً مجرد ورقه طيره ملهاش لزمه بلاش نفتكر اني احنا عرفين كل حاجه عن نفسك علشان في الاخر بيطلع الي نعرفه نقطه في بحر

بدايه الفصل

فوقت في اوضه الانعاش و الدكتور اطمن عليا و بعد كده طلع بره

دكتور : اطمنه يا جماعه الحاله مستقره

سحر: يعني فاق

دكتور : ايوه فاق بس ها يفضل تحت الملاحظه شويه

جمال : مش مهم المهم انه فاق

دكتور :فاق و ها يبقي كويس بس مع الوقت

سحر : مش مهم

دكتور : طيب عن اذنكم

مشي الدكتور و سحر و جمال ارتاحه شويه

في مشهد اخر

عمي مصطفي قاعد مع اعمامي كلهم

مصطفي: متجمعين ليه يا ولاد ابويا

عا** : قولي يا مصطفي ايه حكايه الست الي اسمها سحر الخديوي دي فعلاً هيا و مازن على علاقه

محمود: طبعا علشان كده طلعته

مصطفي: اخرس يا محمود بدل ما اقوم اجيب رقبتك دلوقتي قدام الكل حكايه مازن و سحر ابعد من كده بكتير

عا** : طيب فهمني ايه الحكايه

مصطفي : طيب (عرفهم الحكايه من اولها لي اخرها) بس

محمود : يعني الحيوان ده عاش معانا و دخل بيوتنا و احنا فاكرين انه من اهلنا و في الاخر لا

مصطفي : بلاش تشتم اخوك

عا** : اخو مين بقي خلاص

مصطفي : مازن تربيه محمد اخونا ولو ناسيين محمد عمل ايه لي كل واحد فيكم افكركم انتا يا عا** لما اترفضت في شرطه زمان و ابونا رفض يدفع فلوس ليك هو دفعها من نفسه من جيبه و انتا كمان يا مرتضي حتي انا كمان لبس البدله دي بس علشان محمد ساعدنا

عا** : يبقي اولي نقف جنب اولاد محمد مش واحد غريب

محمود : هو سبب حسره امي و موتها انا ها قتله

مصطفي : اعقل يا محمود بلاش عبط

عا** : بص يا مصطفي يا اخويا مازن يطلع ابن العفريت الازرق مش مهم المهم اني الورث الي اخده يسيبه يا إما زي ما دخل علينا ملفوف يطلع من هنا ملفوف بكفنه

مصطفي: تبقه مجانين الي ها يقرب من مازن انا الي هاقف في وشه مش حد تاني (قام وقف وسطهم) ده لو جيش سحر الخديوي مخلصش من كل واحد فيكم سلام يا ولاد ابويا

قام مصطفي و رجع بيته لي مراته و اولاده عنده احمد الكبير دكتور بشري و عنده محمد ده طالب في كليه الشرطه و عنده اخر العنقود نور دي ثانويه عامه و لسه مخلصه معايا و مراته اسمها حنان

حنان : مصطفي انتا جيت

مصطفي : ايوه (اترمي على الكرسي)

حنان : فيك ايه شكلك تعبان

مصطفي : اخواتي مطلعين عيني و ناوين لي مازن على نيه مش كويسه غير محمود واخد صفهم

حنان : معلش يا مصطفي اخواتك مصدومين من الي حصل مين قال اني مازن يطلع مش ابن محمد و انتا كنت عارف

مصطفي : اعمل ايه يا حنان السر مش بتاعي علشان اطلعه السر يخص اصحابه و لوله اني امل قالت قبل ما تموت احكي مكنش حد عرف لحد ما اموت و السر يموت معايا

حنان : كنت شايل في قلبك كتير بس الي مش قدره افهمه رغم انك عارف انه مش ابن اخوك عمري ما شوفتك بتبعد مازن عن نور ابدا كنت تسبهم يروحه الدروس مع بعض و يلعبه مع بعض و هما صغيرين

مصطفي : علشان مازن طيب دلوقتي لو مازن شايف السكينه على رقبت الكل في العيله دي ها يكون هو الي بيحوشها رغم انهم مش حبينه و له عمرهم حبوه و الي زاد و غطي لما الكل رفع صباعه في وشه و قاله عليه مجنون

حنان : بس يعني الكلام ده حقيقه وله لا

مصطفي : لا انا عارف مازن عاقل جدا هو عماد الي ابن كلب زي ابوه و أمه طول عمرهم يحبه الفلوس و لو حتي على حساب اي حد مهما كان طول عمرهم طماعين

حنان : انتا ها تقولي على مرات اخوك دي دي عايزه تخطب بنتها لي أحمد

مصطفي : و انا لو القطر قطع مني حتت مش ها حط ايدي في ايد حسن اخويا خالص بعد الي عمله مع مازن

حنان : عندك حق بعد الي عملوه ملهمش امان

مصطفي :قليلي فين البنت

حنان : مع صاحبتها بره من ساعت ما الكافيه بتاع مازن اتقفل و هما مش لاقين حته يرتاحه فيها

مصطفي : و الكافيه مش ها يتفتح تاني مازن لما يفوق امه ها تاخده معاها الي شافته من بعد ابنها عنها كان صعب و دي ام و انتي ادري

حنان : عندك حق يا مصطفي

مصطفي : (تلفونه رن) ده جمال استر يا رب (رد عليه) ايوه يا جمال

جمال : مازن فاق يا عمي

مصطفي : بجد حصل امته

جمال : من كام ساعه

مصطفي : طيب اقفل اقفل انا جاي دلوقتي سلام

جمال : سلام (قفل السكه)

حنان : ايه الي حصل يا مصطفي طمني

مصطفي : مازن فاق من كام ساعه و هو كويس

حنان : طيب تعاله نزوره بسرعه

مصطفي :طيب البسي كويس اني لسه لبس يله

لبست حنان و نزله ركبه العربيه و راحه على المستشفي لقه الدور كله مقفول

حارس : م***ع يا استاذ

مصطفي :م***ع ازاي

حارس : الدور كله مقفول

مصطفي : بامر من مين

حارس : من سحر هانم بعد ازنك اتفضل و بلاش تعملي مشاكل لو سمحت

مصطفي : طيب (لمح جمال) يا جمال يا جمال

جمال : بعد ازنك دول معايا انا

حارس : اتفضل يا فندم احنا اسفين

دخله جوه الدور

مصطفي : ليه كل الحراسه دي يا جمال

جمال : سحر هانم امرت اني الدور كله يتقفل

مصطفي : ليه

جمال : مش عارف

سحر : مصطفي عامل ايه

مصطفي : انتي الي عامله ايه معلش كنت مقصر معاكي بسبب الشغل بس

سحر : عارفه يا مصطفي و بعدين جمال قام بالواجب و زياده

مصطفي : اعرفك حنان مراتي

سحر : اهلا يا حنان

حنان : اهلا بيكي و الف سلامه على مازن

سحر : الله يسلمك

مصطفي : قوليلي يا سحر ها تعملي ايه دلوقتي مع مازن

سحر : مش عارفه و مش عارفه احكيله حاجه

مصطفي : طيب سيبي موضوع الحكايه ده عليا انا مازن بيثق فيا

سحر : طيب يا مصطفي

مصطفي : طيب انا داخله

سحر : اتفضل

جمال : سحر هانم

سحر : هانم ايه بس يا جمال انتا زي ابني ده انتا مولد علي ايدي يا واد قولي يا سحر عادي

جمال : طيب حضرتك ها تعملي ايه مع مازن يعني

سحر : (فهمت هو قصده ايه) بص يا جمال انا كده كده كنت ناويه اخد مازن طالت قصرت هاخده بس انا مقدرش احرمك منه انتا كنت ليه اب و اخ و اكتر كمان

جمال : (مبتسم لانه هيقدر يوفي بالوصيه) شكرا

في الاوضه جوه كنت نايم على السرير و دخلي عمي مصطفي و فهمني الحكايه من اولها لي اخرها

انا : (دموعي على خدي) ليه

مصطفي : مكنش في حل غير كده يا كده يا تموت بس امل قالت ذنبه ايه عيل صغير يروح في الرجلين بسبب غلطه هو ملهوش يد فيها

انا : و انا كنت الغلطه دي صح

مصطفي : لا الغلطه غلطه عزام الخديوي ساب امك ضهرها للحيط عيله صغيره و معاها مليارات و اخواتها طماعين صدقني يا مازن انتا و سحر مظلومين كتير في الحكايه دي هيا مظلومه علشان مش قدره تاخدك في حضنها 20 سنه كاملين و انتا مظلوم عشت كذبه عمرها 20 سنه محدش طلع من القصه دي **بان خالص

انا : ليه يحصل فيا كل ده ليه

مصطفي : ده قدرك يابني و لازم تعيش معاه يا تغيره و تغير القدر مش بأدينا يبقي تتعايش معاه طول عمرك في ضهر امل زي ما تكون الكبير و اكتر كمان بس سحر محتاجه ده اكتر انتا عندك اخوات بنات و لزم تقف جنبهم هما عايزنك اكتر (قام مصطفي من على الكرسي و راح ناحيه الباب و وقف) بص انتا بأيدك الاختيار يا مازن يا تاخد حقك من الدنيا يا تسيب الدنيا من اخرها علشان الدنيا مفيش فيها ضعيف

طلع مصطفي و انا فضلت قاعد بفتكر كل حاجه حصلت في حياتي الست الي بره دي عمرها ما كانت امي

انا : عمرها ازي دي امك

انا : امي امي كانت فين 20 سنه

انا : انتا عارف ال20 سنه دول كان فيهم ايه شافت ايه عاشت ايه و هيا بطولها يعني لوحدها سحر يمكن عمرها ما كانت جنبك خالص في تعبك و فرحك بس كان نفسها تبقي جنبك القدر يا صديقي القدر هو الي مكنش قابل وجدكم مع بعض يمكن الي انتا شوفته في حياتك تأهيل للجي انتا تعرف منين

انا : انتا طول عمرك طيب بتسامح

انا : (ابتسمت بسخريه) طيب كنت طيب بس الي احنا شوفنه مع بعض خلاص مفيش طيبه تاني يا مازن الي جي كله مشاكل و اكبر مشكله هيا محمود تفتكر ها يعمل ايه ده على جثه امه و قال انك السبب و انتا مظلوم خلاص يا مازن كفايه كده تعيش في دور المظلوم و تبقي ظالم تختار انهي تعيش في دور الضحيه كله جيه عليك بس تعيش في دور الجاني تبقي ملك و اد*ك شايف عماد جاني و عايش ملك و محبوب الملك يا صاحبي مش لي المظلوم الملك للظالم يا ميزو

خلصت جلسه النقاش مع الذات و قعدت افكر في كلامه طلع فيه شيء من المنطق و كلامه عقلاني انا محمود مش ها يسبني في حالي وله اي حد تاني دخلت سحر و انا سرحان

سحر : احم احم انتا صاحي

انا : (بصيت ليها و حركت دماغي ايوه)

سحر : طيب محتاج حاجه اجبها ليك

انا : (حركت دماغي لا)

سحر : طيب تحب تحكي شويه تتكلم يعني لو تحب

انا : (فكرت شويه و بصيت ليها) نتكلم نتكلم في ايه انتي اختارتي و انا بدفع الفاتوره

سحر : مش لوحدك صدقني مش لوحدك انا دفعت من عمري 20 سنه من غيرك زي ما يكونه قرون او ملاين السنين من غيرك انتا يابني بس كان قدامي حل تاني اخدك و تموت او اسيبك لحد ما تكبر و ترجع لي حضني تاني

انا : طبعا اختارتي الحل التاني الاسهل

سحر : عمره ما كان سهل عليا اسيبك يوم بعيد عن حضني بس علشان تعيش (دمعها نزلت) تعيش و تبقي الراجل الي قدامي راجل ملو هدومك راجل كبير و عاقل عندك دماغ توزن بلد مش عيل بايظ كان ممكن اسيبك في اي حته تاني بس اختارت امل علشان تطلعك راجل الراجل الي قدامي دلوقتي

انا : طيب اضمن منين لما ارجع معاكي عمرك ما تسبيني في اول مطب

سحر : ارجع انتا بس و كل حاجه انتا عايزها تحصل ارجع معايا يابني

انا : (فكرت شويه) ماشي راجع

اخدتي سحر في حضنها و انا مش حاسس بحاجه وله حاسس اي احساس ليها انها امي او خالتي حتي بس لما شوفت نظرتها ليا حسيت انه مينفعش اخذلها هي حطه امل كبير عليا

بعد مرور اسبوع.......

اخدت اسبوع في المستشفي بين علاج طبيعي و تمارين علشان الغيبوبه بعدها اقدر امشي على رجلي و سحر كانت معايا في كل حاجه هيا و جمال بعدها طلعت اول حته رحتها هيا المدافن دخلت جوه و قعدت

انا : سامحيني سامحيني لو مقدرتش اقف في العزاء اخده اسف انا مديون ليكي بكتير و دين مش فلوس لا دين بكل حاجه حلوه كل وقت انتي كنتي معايا كل خوف حستيه ناحيتي كل حب حستيه ليا انتي اعظم ست في الدنيا استحملتي كتير علشاني عمري ما هلاقي ست عظيمه زيك معادنا في الاخره متخفيش عمر ما حد ها ينسيني اسمك اول الي عملتيه معايا ابداً الي عمليته مينفعش يتنسي او يعدي ابداً سلام يا امي سلام

طلعت من المدفن و لبست نظاره شمس و ركبت العربيه مع سحر

سحر : قولي ارتحت

انا : لا لسه

سحر : مش زورت امل

انا: اطلع على بيت عا** السراجي

سحر : اشمعنا

انا : علشان اخلص من القصه دي و اقلب الصفحه على قصه جديده

سحر : خليل

خليل : ايوه يا هانم

سحر : هادخل انا و مازن و السواق لوحدنا و انتا و الرجاله بعدنا بمسافه

خليل : حصل يا هانم

اتحركنا و انا طول الطريق بفكر في كل حاجه حصلت و ها تحصل دماغي حرفين فيها كلاب صعرناه دلوقتي وصلنا عند بيت عمي عا** و دخلت السور كانه قاعدين فيه

انا : مفيش حمدلله على السلامه

عا** : كنت جايلك نتكلم يا مازن

انا : و اديني سبقت ايه مفيش اتفضل

عا** : لا طبعا اتفضل يا مازن اقعد

انا : (قعدت و هما قدامي كلهم باصص ليهم و جمال و محمود كانه قاعدين محمود مش طايقني باصص في عيون الكل و حاسس انهم ها ينهشه لحمي و انا قاعد مهتمتش ولعت سيجاره) قولي يا عا** كنت جي ليا في ايه

عا** : نتكلم

انا: طيب انا اهو نتكلم خير

عا** : بص يا مازن انتا دخلت علينا و دخلت بيوتنا و عادي احنا الي مربينك طلعت و قولت كلام بطال على عماد ابن عمك حسن و ساعتها طلعت مجنون و كلنا عرفنا بكده

انا : قصدك طلعت مجنون بعد ما حسن اتفق مع الدكتور علشان اطلع مجنون صح نتكلم على المكشوف احسن

عا** : اين كان الي في خيالك مش مهم ليا خالص الاني عارف انه مجرد خيال بس نتكلم في الواقع انتا شلت اسم محمد السراجي و ده اسم مش سهل و قاسمت اولاده في ورثهم و منه عملت المكان بتاعك و شقه في مكان نضيف عايز تطلع من هنا عايش يبقي تسيب كل حاجه يا اما اتطلع من هنا ملفوف

سحر : ملفوف

عا** : (بص ليها ببرود) هو و اي حد معاه

سحر : انتا بتتكلم زي ما تكون بتتكلم عن صباع محشي مش بني ادمين فوق يا بتاع انتا اين كان اسمك انتا قاعد قدام مازن هارون الخديوي عارف يعني ايه تلمس منه شعره هو او انا عارف يعني ايه انا اقلب ايامك جحيم انتا و اي حد

حسن : اسمع ياض انتا و المره الي معاك تطلع امك اختك تطلع زي ما تطلع انتا في البلد هنا عارف يعني ايه و انتا اكيد عارف احنا نقدر نعمل ايه

انا : مره اممممم بص يا حسن او اوضح اكتر جوز الست انا مش عايز منكم حاجه خالص (طلعت ورق و رميته على الارض) ده الي انته عايزنه صح بس الورق ده فيه المحل و الشقه الي من تعبي و شقايه بقشيش عليكم زكا مني ليكم ميله زي الكلاب خده العضم

مصطفي : لا طبعا مش ها ناخد منك حاجه محمد يوم ما كتب الوصيه بتاعته كان مذكور فيها جمال و مازن و محمود

انا : خلاص يا مصطفي بيه انا سيبها بور علشان يخضروها هما لما نشوف اخر كلامي الي ها يجي على سكتي تاني منكم مش ها سيبه زمان كنتم اهل ابويا لكن دلوقتي انته وله حاجه صفر على الشمال و بالنسبه لي جوز الست ابنك لو شوفته ها فعصه علشان زمان كان ابن عمي لكن دلوقتي هو وله حاجه (وقفت) سلام يا ولاد السراجي

محمود : تمشي فين لسه في حساب بنا انتا قتلت امي يا بتاع الم**رات

جمال : (ض*ب محمود قلم لوح وشه) مازن مهما حصل و مها قولته عليه لسه اخويا مها حصل اخويا فاهم

انا : (بصيت لي محمود و لي جمال) مكنش ليه لزمه

طلعت بره و سحر معايا ركبنا العربيه و الحراسه دخله معانا في الطريق

سحر : خلصت

انا : لسه

سحر : فاضل ايه تاني انتا سبت كل حاجه حتي حقك

انا : مش كله انا مش سايب حقي كله و مش ها سيب حقي كله اطلع على الكافيه

رحنا عند الكافيه و فتحت الباب و قعدت فيه عملت فنجان قهوه ليا انا و سحر

سحر : احنا بنعمل ايه هنا مينفعش انتا بعت الكافيه ليهم

انا : ايه خايفه

سحر : خايفه عليك

انا : لا متخفيش كل الجيران هنا بيحبوني و محدش يقدر يقرب ليا و انا هنا

دخل علينا واحد اسمه شاكر

شاكر : مازن عامل ايه

انا : انا تمام يا شاكر قولي ها تاخد البضاعه على كام

شاكر : بص يا مازن انا عارف اني المكن قديم بس كمان عارف انتا بتستخدم الحاجه ازاي و عارف رغم اني المعدات قديمه بس انتا بتستخدمها بالشوكة و السكينه بلاش تدبحني في السعر

انا : ماشي يا شاكر احنا بنا عيش و ملح

شاكر : طيب المكن و البن ها دفع فيها 200 الف و بلاش تقول لا انا عارف ان وصفة الملكي ها تعلى من شغلي كتير بس الي اقدر عليه يا صاحبي

انا : (فكرت شويه) طيب يا شاكر شيل حلال عليك

شاكر : تمام اتفضل دي الفلوس عدهم

انا : (ركنت الفلوس على البار) مفيش بنا الكلام ده شيل الاول و تمم على حاجتك و بعد كده ادفع انا علمتك كده

شاكر : لا انتا استاذي رغم فرق السن بس انتا مش غريب

انا : اليومين دول يا شاكر تحرص من القريب قبل الغريب شيل

دخلت الشباب الي معاه شاله البضاعه البن و مكان القهوه و حملهم على عربيه

سحر : بس كده يعني احنا قاعدين كل الوقت ده علشان الكام جنيه دول

انا : دول تعبي و شقايا الحقيقي بكره حد يفتح مكاني و يبيع الكميه دي و ي**ب اكتر من المبلغ ده بس لا هما قاله الشقه و المحل ياخده الشقه و ياخده المحل (وقفت على كرسي عالي و حركت حته في السقف كان فيها دفتر)

سحر : و ايه ده كمان

انا : دي وصفه بن الملكي سر كل الفلوس الي معايا متفرقش كتير عن اي تحويجه بس فيها سر الخلطه الي بسببه الناس بتيجي من اخر الدنيا لحد هنا علشانه يله نروح البنك هنا

سحر : نروح بكره اي بنك في القاهره

انا : لا هنا يله

ركبنا العربيه و اتحركنا على بنك مصر دخلت جوه لي استاذ منصور المدير

منصور : مازن عامل ايه

انا : انا تمام يا استاذ منصور اتفضل دول 200 الف عايزهم في حسابي تمام

منصور : بس كده سهل بس مفيش هديه من هداياك الحلوه

انا : بس كده امسك ده كيلو بن ملكي اخر كيلو بن ها تلقيه في مصر كلها و العالم كله و ده بن من الي انتا بتحبه امسك

منصور : ياه يا مازن اخر كيلو ده كتير عليا

انا : مفيش حاجه تكتر عليك بس عايزك تعمل حجب على حسابي الي هنا مش عايز حد يعرف به نهائي

منصور : بس كده سهله بس انا جالي قرار من النيابه بتجميد اي رصيد ليك بس متخفش محدش عرف طريق حسابك وله البنك المركزي نفسه

انا : تسلم الرجاله يا منصور استأذن انا

منصور : نورت يا مازن سلام

انا : سلام

نزلت من البنك و معايا سحر و هيا مش فاهمه

سحر : انا لحد دلوقتي مش فاهمه حساب ايه و فلوس ايه

انا : كل جنيه اشتغلت به حطه في حساب هنا محدش يعرف الحساب ده غير اتنين انا و (سكت)

سحر : (غمضت عنيها و اخدت نفس) امك قولها امك

انا : معلش في ثوابت صعب تتغير

سحر : بس مش مستحيل تتغير

انا : محدش عارف الحساب ده غيري انا و امي لما جيه قرار التجميد منصور عارف اني مش بتاع م**رات علشان كده خفي الحساب بتاعي

سحر : ها يكون فيه كام الحساب ده كام الف

انا : 3 مليون جنيه و 200 الف كل الي اشتغلت به في حياتي كنت بحط الجنيه مش 100 جنيه تعبي و شقايه ثلاث سنين شغل و بني في اسم الملكي

سحر : طيب يا مازن في مشاوير تاني وله نرجع الساعه دخله على خمسه

انا : لا يله نمشي (لفيت وشي ابص على البلد لي اخر مره) يله

ركبت مع سحر العربيه و طلعنا من المنيا و مسكنا الطريق الصحراوي ثلاث سعات وصلنا القاهره دي مش اول مره اروح القاهره بس المره دي غير رايح لي إقامه وصلنا لي قصر كبير و شكله شيك جدا نزلنا من العربيه و سحر مسكه ايدي

سحر : ده بيتك يا مازن

انا : (بصيت لي البيت من بره) طيب

سحر : خليل نزل الشنط و ها بعت حد من الشغالين يخدها

خليل: ماشي يا هانم

دخلنا جوه القصر كان قاعد واحد فيه شكله غريب

سحر : عمر

عمر : (قام و هو مبتسم) سحر

سحر : فين البنات عملت ايه فيهم

عمر : تؤتؤتؤ انا المس شعره من بنات اختي حبيبه قلبي عيب انا لقيت انك بره البيت بقالك شهر و البنات مينفعش يقعده في البيت و مفيش فيه راجل

انا : بس وجودك غير مرحب به اتفضل و البيت ده فيه راجل انا لما تدخل يكون بأذن مني انا

عمر : جميل اوي الواد ده (بص ليا) انتا جيت لي موتك

انا : موتي عايز راجل و بعدين انتي قلقانه من قعدته مع البنات هو يفرق ايه عنهم

عمر : (مسكني من شعري و لوي دماغي) انتا حشره يلا فوق انا افعصك وله تكون فاكر امك ها تحميك

انا : حلو الجو القديم ده بس خد دي (ض*بته بالبو** في مناخيره بعد عني و مسك وشه انا رجلي طويله قومت ض*به برجلي نطره لي وره وقع على الارض) من هنا و رايح البيت ده فيه راجل (ندمت بصوت عالي) خليل

خليل : (دخل بسرعه) ايوه يا مازن بيه

انا : تاخد البتاع ده ترميه بره القصر زي الكلب و تنبه على الحرس كلهم مشفش وشه في القصر وله يدخل غير بأمر مني انا فاهم

خليل : (بص ليا شويه)

انا : ايه ها تخدني صوره نفذ

خليل : حصل يا باشا (شال عمر)

عمر : هاقتلك مش ها سيبك يا مازن ها تموت على ايدي انا

انا : بره يا ع**ط بره

اخده خليل و طلع به بره لفيت لي سحر كانت وقفه و فرحانه جدا و عليها علامات السرور

انا : مين الخروف ده

سحر : ده اخويا بس سيبك منه يا راجل البيت

انا : قليلي الحرس الي بره دول بتثقي فيهم

سحر : بره خليل و الي كانه معانا في المستشفي لا

انا : طيب فين الاوضه بتاعتي

سحر : مش تشوف اخواتك البنات الأول

انا : معلش بكره النهارده كان يوم طويل عليا

سحر : بس كده تعاله و بكره شوفهم

مسكت ايدي و طلعنا الدور الي فوق دخلنا اوضه كبيره جدا و واسعه

سحر : دي الاوضه بتاعتك بالحمام ارتاح و النهارده و نفطر مع بعض بكره

انا : ماشي بعد اذنك علشان اريح

سحر : (ابتسمت برقه و سعاده) تصبح على خير

طلعت سحر و انا قفلت الباب و دخلت الحمام اخد دش و طلعت البس افتكرت اني مشيت من البلد باللبس الي عليا لبسته تاني و فتحت التلفون كلمت جمال على الوتساب اطمن عليا و قفلت معاه و نمت زي القتيل كان يوم طويل صحيت الصبح بدري قوي و نزلت تحت دخلت المطبخ اعمل فنجان قهوه ليا افوق به و قعدت اولع سيجاره و انا قاعد سرحان

واحده : (بصوت عالي) حرامي حرامي يا مامي يا حرس يا حرس حرامي في المطبخ

انا : اهدي بس حرامي مين انتي الي مين (بقرب منها)

واحده : (طلعت سكينه من على الرخامه) ابعد يا حرامي ابعد (و هيا بتقرب عليا) ابعد يا حرس يا حرس

انا : (طلعت على الرخامه في نص المطبخ) يا انسه اهدي بس افهمك

لقيت اربع ستات قدامي و مسكه سكاكين

واحده2 : حرامي فين الحرس فين

واحده 3: (بتتكلم بلغه مش مفهومه)

انا : يا ستي اهدي حرامي مين بس انا مازن انته الي مين و دخلته ازي

واحده : بجح و بتسأل

واحده4 : (كانت لفت من وره ضهري و خبطتني على دماغي وقعت من طولي اغمي عليا نفضت ايدها) اربطوه لحد ما نشوف الي نايمين على و دنهم بره دول

سحر : (بتدعك في عنيها من النعس و دخله المطبخ) صباح الخير يا بنات صوتكم عالي ليه بس (بصت قدمها و لقتني في الارض و سايح في دمي) يا نهار اسود يا نهار اسود يا نهار اسود قتلته الواد

واحد: ده حرامي

سحر : (رفعت دماغي لي فوق) قوم يا حبيبي قوم انتا ض*به اخوكم مازن حد ينادم خليل

الاربع في صوت واحد : اخونا

سحر : ها تتف*جه حد ينادم خليل بسرعه

بعد شويه قاعد على كرسي في الصاله و خليل فوق راسي

خليل : اثبت بس هيا غرزه واحده

انا : براحه براحة بتخيط غرزه لي حمار

خليل : بس كده خلصت

سحر : احنا لزم نروح مستشفي و نعمل اشعا على دماغك لا يكون في نزيف داخلي وله حاجه

خليل : لا يا هانم ده جرح سطحي مش اكتر

سحر : شكرا يا خليل شكرا بجد

انا : (بصيت لي خليل و لي سحر) انتا واقف كده ليه اتفضل بره و انا طالع ليك دلوقتي اتفضل

خليل : تمام يا باشا (طلع من القصر)

انا : (بصيت لي سحر كانت لبسه قميص نوم ) انتي قعده كده ليه

سحر : عادي

انا : عادي قعده بقميص نوم قدام خليل ايه مفيش راجل في البيت ازي تطلعي من الاوضه بقميص نوم

سحر : عادي يعني

انا : لا مش عادي يعني اوعي تطلعي كده تاني فهمه و حد يجبلي تلج علشان دماغي

سحر : (كلمت البنت الي انا مش فاهم كلامها هيا مش سوده لا فحمه) هاتي كيس تلج بسرعه يا تيكا

تيكا : (قعدت ترطم بكلام مش فاهم خالص و بصه ليا بغضب و قام مهوشاني و مشيت)

انا : تتحرقي اكتر مانتي محروقه امشي (بصيت قدامي لقيت اربع بنات قعدين) و مين الهوانم الي عمله المصيبه الي انا فيها دي

سحر : اخواتك يا مازن مش عارفهم

انا : انا معرفكيش انتي اساسا علشان اعرفهم مين دول

سحر : دي هند اختك الكبيره و دي نغم اصغر من هند بسنه و دي علياء اصغر من نغم بسنه و دي اخر العنقود و اختك التوئم بس مش متشابه اميره

انا : (بصيت ليهم شويه و اخدت نفس عميق علشان قدامي اربع بلاوي كبيره جدا) اهلا طيب مين الي كانت بتتخانق هنا دي و صوتها عالي اختي برده

سحر : لا دي تيكا الشغاله

انا : شغاله ايه دي بتخوف دي كانت ها تض*بني

اميره : (برخامه و هيا الي ض*بتني على دماغي في الاول) علشان خرع

انا : اسكتي انتي ده انتي فتحه دماغي (حطيت ايدي على دماغي حسيت اني خليل كبس دماغي ببن شميت ايدي و حسيت بجلطه في المخ) اه يا كفار

سحر : في ايه

انا : خليل كبس الجرح ببن

سحر : ينفع كده لا لزم تروح لي دكتور تنضف الجرح

انا : ده كل الي في دماغك ينضف الجرح الباشا كبس الجرح ببن الملكي البن بتاعي تعبي و شقايه و بعدين انتي لسه قاعده قومي غيري هدومك يله

سحر : ماشي

قامت سحر و انا بصيت لي الاربع مصايب و انا مبتسم

انا : منورين الدنيا

هند : (مبتسمه) شكرا يا مازن

انا : العفو و انتي يا نغم و علياء مش بترده ليه

نغم : معلش اصل الموقف صعب شويه و غريب حسه انه فيلم هندي

علياء : ايوه ناقص فيل في الجنينه

انا : بس كده نجيب الفيل و انتي يا اموره يا صغيره مش ها تردي وله ايه

اميره : انتا ها تصحبني يا ابني انتا

انا : عربجي معانا في البيت عربجي

قومت و طلعت بره القصر قعدت في الجنينه الي قدامه و جالي خليل

خليل : حضرتك احسن دلوقتي

انا : ايوه اقعد يا خليل

خليل : ميصحش

انا : لا يصح اقعد بس

خليل : (قعد) خير حضرتك عايزني

انا : اولا بلاش كلمه حضرتك مش بحبها ماشي ثانين قولي يا خليل انتا شغال هنا من امته

خليل : انا كنت ضابط حراسه مع الوالد زمان ايام خدمته في الشرطه العسكريه بس بعد وفاته انا شغل مع الهانم

انا : طيب يا خليل انتا بتثق في الحراس دول

خليل : بره الي كانه في المنيا لا

انا : اشمعنا

خليل : اغلبهم كانه معايا في الخدمه و انا الي مختارهم لكن الباقي دول تعين اللواء صبري

انا : مين اللواء صبري ده

خليل : ده مدير امن المجموعه بتاعت الهانم

انا : طيب انا شايف فيهم اجانب

خليل : في امريكان و روس و كمان انجليز

انا : انا عايزك تفور الطقم ده تماماً

خليل : (استغرب) ازي

انا : زي الناس مشيهم و هات ناس تاني تكون انتا بتثق فيهم

خليل : و الهانم

انا : الهانم سبها عليا انا بس انا عايز رجاله زيك مضمونه و بتثق فيهم و الاهم يكونه اوفياء

خليل : (فهم انا قصدي ايه) تمام دي سهله بس ها تكون مكلفه

انا : مكلفه احسن ما يكونه شويه اجانب بتقبض بالدولار يوم ما يشوفه الاخضر يبيعه تقدر تقولي عمر دخل ازي القصر امبارح

خليل : مش عارف

انا : علشان لو سألت محدش ها يجاوب كله ها يعمل هندي

خليل : تمام يا كبير اعتبره حصل

انا : ماشي و في شويه حاجات لازم نكون متفقين عليها مع بعض دخول البيت بأذن مش تدخل براحتك ماشي

خليل : (ابتسم) ماشي استأذن

انا : اتفضل

في مشهد اخر

شخص قاعد علي جزيره غير معروفه ماسك صناره و بيصيد دخل عليه المساعد بتاعه

مساعد : (طلع صوره ليا) مازن هارون الخديوي

شخص : مازن (ساب الصناره و اخد الصوره) رجع ابن هارون

مساعد : أعين فريق يخلص عليه

شخص : لا

مساعد : بس مازن ها يكون عقبه في طريقنا

شخص : (رجع مسك الصناره تاني) خليه تحت عنينا

مساعد : حصل

مشي المساعد

شخص : رجوعك يا مازن شكله ها يعمل مشكله كبيره بس كل مشكله عندي ليها حل

المشهد العام

مازن ساب كل حاجه بس طلع منها **بان علشان مش ها يقدر يسيب تعبه و شقاه لي اي حد و اول ما وصل و شاف القصر اخد نفس. عميق من الخوف اصل القصر كبير و اي حاجه كبيره بتيجي معاها مسؤوليه كبيره و فعلاً لقي اربع مصايب و امهم تقوله ليه اقلكم اصلهم بنات مدلعه عايشين عيشه فلافي خالص و ده مش كويس مازن اتعود على الست تبقي في البيت ايوه تشتغل بس بحدود مش يدخل على اخته مع واحد تقله ده هاني.

يتبع......