الشيطان يعظ ( الجزء الاول )

الفصل الثاني

الفصل الثاني

قومت من النوم اخدت دش و غيرت هدومي و كلمت امي

امي : مازن عامل ايه يا حبيبي

انا : انا تمام يا امي انتي الي عمله ايه

امي : كويسه

انا : بقولك ايه اخدتي الادويه بتاعتك

امي : ايوه يا حبيبي اخدتها الضغط و السكر

انا :طيب انتي كويسه يعني

امي : ايوه اقفل بقي و ورح شم هوا كده و غير جو يله

انا : ماشي يا ست الكل سلام

امي : سلام

قفلت مع امي و كلمت يسري

يسري : صباح الخير يا استاذ مازن

انا : صباح النور يا يسري ها طمني

يسري : الباش مهندس جمال جيه فتح النهارده و كان في ناس جيه من بني سويف اخده كيلو بن ملكي و اخده ربع بن عرايس (ده بن فيه خلطه اقوي من الفياجرا)

انا : طيب ركز انتا في الخلاطات و الحجت دي ماشي

يسري :ماشي يا استاذ مازن

انا :طيب سلام

يسري : سلام

خلصت من يسري و طفيت السيجاره و نزلت تحت على السلم الدخلي لقيت واحده لبسه هوت شورط و فوقه تي شرت حماله كنت فاكرها حوريا

انا : مش قولت اللبس ده يتغير

مروه : ايه ده صباح الخير يا مازن

انا : مروه انتي هنا من امته

مروه : انا بايته هنا اساسا

انا : طيب ازاي

حوريا : (نزلت بعد ما غيرت هدمها) في ايه

مروه : مازن بيسأل انا هنا ازاي

حوريا : امبارح مكناش لقين مكان ليها تمام فا قولت ليها تيجي معانا و انتا كنت نايم امبارح و معرفتش اقولك

انا : نايم امته

حوريا : يابني انتا نمت على الكرسي امبارح في الرسبشن

انا : كنت تعبان شويه معلش طلبتي الفطار

حوريا : ايوه طلبته (الباب خبط)

مروه : اروح افتح

انا : استني تروحي فين باللبس ده اقعد هنا (روحت افتح كان محمد الي شوفته امبارح) نعم

محمد : (مبتسم) صباح الخير يا مازن بيه الفطار يا فندم ها تدخله البنات

انا : طيب اتفضله

دخله ثلاث بنات بثلاث صواني عليهم الفطار و بعد كده طلعه و قعدت على السفره

انا : ايه الجبن دي كلها ها ناكل جبن

مروه : فيها ايه

انا : لا عادي بس اتعودت على فطار الحاجه ام جمال

مروه : بجد نفسي اعرف عليها

انا : اشمعنا

مروه : ها لا اصل حوريا ديمن تحكي عن عمتها و كده فا بقيت متشوقه اشوفها

انا : طيب

قعدنا نفطر و بعدها طلعت قدام الشاليه بره الولع سيجاره و لقيت ست نازله من عربيه جولف

ست : صباح الخير

انا : صباح النور

ست : انتا مش فاكرني

انا : الصراحه محصلش الشرف

ست : احنا اتقابلنا امبارح بليل انتا كنت عامل مشكله مع مدير القريه

انا : اه صح افتكرت اسف جدا احنا اتقابلنا و انا تعبان و مرهق فا مش فاكر حضرتك كويس اتفضلي

ست : انتا كنت قاعد بره ليه

انا : الشاليه م***ع فيه التدخين

ست : اه صح

دخلنا جوه الشاليه و قعدنا

انا : تشربي ايه

ست : انتا في مكاني المفروض انا الي اعزم

انا : مكان حضرتك ازي

ست : انا سحر الخديوي صاحبت القريه

انا : اه تمام طيب يا سحر هانم احنا عندك اه بس ممكن اعمل انا الواجب ده تشربي قهوه

سحر : نشرب قهوه

انا : ثانيه واحده

طلعت الاوضه بتاعتي ديما باخد معايا عده قهوه صحراوي (و ده واقع في حياتي انا بعشق القهوه) و نزلت تحت فتحت الشنطه و طلعت العدة و عملت اتنين قهوه

انا : اتفضلي

سحر : (اخدت الفنجان و داقت منه) اممم طعمه حلو البن ده اسمه ايه

انا : الملكي

سحر : بس انا عمري ما سمعت عن نوع بن بالاسم ده

انا : علشان ده بن انا الي بعمله بنفسي و تحويجه خاصه بيا

سحر : انتا شكلك بتحب القهوه بجد

انا : جدا القهوه دي انا بحبها من زمان و مجنون بيها و غير كده هيا تجارتي

سحر : تجاره

انا : اه عندي المحل بتاعي في البلد اسمه محل الملكي

سحر : بس انتا سنك صغير انتا بتدرس ايه

انا : بدرس ثانويه عامه

سحر : لا ده انتا صغير اوي كمان

انا : انا كملت النهارده 21 سنه دي السنه الربعه او التالته ليا في الثانويه

سحر : انتا مش بتحب الدراسه وله ايه

انا : الصراحه بحبها بس هيا مش بتحبني يعني جربت اروح اعمل تظلم روحت و صححت الورق و كان ليا درجات بس برده محصلش حاجه

سحر : كل تأخيره و فيها خيره (خلصت الفنجان) شكرا على القهوه يا مازن

انا : شرفتي يا سحر هانم

طلعت سحر من الشاليه و انا طلعت بره اتمشي على البحر شويه و حوريا كانت مع صحبتها في الرحله علي البحر قعدت انا على جنب شويه و بعد كده نزلت اعوم انا من عشاق اللون الاسود في ناس بتختار اللون ده من دافع الشياكه و في ناس بتختار من دافع الغموض لكن انا مش عارف بختاره ليه و ده دليل على الاكتئأب تسأله ايه يخلي واحد زي يكتئب اقلكم ها تعرف بعدين قعدت شويه على البحر و الدكتور ناصر نادم عليا رحتله

ناصر : قاعد لوحدك يعني

انا :لا عادي يا دكتور

ناصر : طيب قولي عملت ايه في القضيه بتاعتك

انا : جري ايه يا دكتور حد يرفع قضيه على وزاره و ي**بها

ناصر : عندك حق يابني بكره في رحله بحريه و غطس تيجي

انا : اكيد

ناصر : طيب

قعدت شويه مع الدكتور ناصر و رجعت الشاليه حوريا و مروه كانه بيتكلمه اول ما دخلت سكته

حوريا : ميزو مين كان هنا

انا : هنا فين

حوريا : في برفان حريمي قوي جدا شماه في المكان

انا : حريمي

مروه : ايوه

انا : دي سحر هانم

حوريا : سحر هانم بجد

انا : ايوه

حوريا : عرفتها انا كده يعني مين سحر هانم دي

انا : فاكره الست الي عملنا معاها مشكله امبارح

حوريا : ايوه

انا : هيا دي كانت معديه سلمت عليا عزمتها على قهوه بس و طلعت صاحبه القريه

حوريا : امممم طيب

انا : اطلبي الغدا على ما أخد دش

مروه :حاضر

طلعت فوق

مروه : يخربيت حلاوته

حوريا :مازن مش شكل فريد من نوعه في شبه كتير

مروه : عرفه بس هو شخصيه غامضه جدا و غريب و هادي

حوريا :مازن زمان كان شخصيه مرحه جدا كان يهزر مع كل الناس كان يقول اكبر المشاكل تتحل بضحكه او نكته مش اكتر لكن دلوقتي لا بطل يضحك و يعمل دوشه

مروه : اشمعنا ايه الي حصل

حوريا : محدش عارف غير اهله بس و اهله مقصود بيها امه و اخواته بس

مروه : طيب انتي جربتي تسألي

حوريا : لا و اقفلي كلام علشان نازل

انا : (نزلت) طلبته الغدا

مروه : ها نكلمه حلاً

انا : طيب

قعدت شويه ماسك التلفون و مركز فيه و جيه الغدا و كان عباره عن اكله بحريه سمك و جمبري و استاكوزا

محمد : اتفضله

انا : ايه كل ده احنا مطلبناش اكل بحري

محمد : لا ده من سحر هانم و بتقول ليك شكرا على القهوه

انا : بس ده كتير

محمد : دي اوامر سحر هانم

انا : طيب اشكر الهانم كتير

محمد : اكيد يا فندم

مشي محمد و قعدنا ناكل و الاكل كان تحفه و بعد كده طلعنا نلبس علشان ريحين مسرح في القريه فيه عروض و كده ركبنا عربيه جولف تبع القريه نفسها وصلنا المسرح و قعدنا على التربيزه الي عليها الرحله

واحد : (قاعد على التربيزه) ايه يا مازن مش بتتكلم مع حد ليه

انا : مليش اصحاب هنا

واحد : بس كده سهله انا سامي ممكن نبقي اصحاب لو تحب

انا : اه اوي اوي ليه لا انتا منين يا سامي

سامي : من المنيا نفسها ساكن في شلبي

انا : احسن ناس

واحنا قاعدين كانت سحر قاعده على تربيزه بعيده بس شيفانه و احنا كمان شيفنها قعده و حوليها الحرس بتاعها و دخل راجل في اول الخمسين

سحر : عدلي بيه وصلت بالسلامه

عدلي : اه وصلت من شويه

سحر : طيب اتفضل

عدلي : (قعد جنبها)

سحر : قولي الوضع فيه ايه

عدلي : مشاكل كتير في شركه السياحه غير عدم الاستقرار مسبب ازمه

سحر : مين قال ان مفيش استقرار سينا دلوقتي أمن حته في مصر كلها رجاله الجيش عاملين شغل كويس

عدلي : بس ده ميمنعش اني في كام عمليه بتتعمل كل فتره تقلب الدنيا

سحر : طيب اسمع نزل الاسعار بتاعتنا و زود منافذ الاعلام

عدلي : اوكي بس انا خايف لا تكون النتيجه مش في صالحنا

سحر : ادينا بنحاول مع سوق بيموت

عدلي : تمام يا هانم بعد اذنك

سحر : اتفضل روح ارتاح من السفر

عدلي : سهره سعيده يا هانم (قام مشي)

سحر : خليل

خليل : (قائد الحرس لي سحر) ايوه يا هانم

سحر : روح لي مازن السراجي و قوله اني عايزه على التربيزه بتاعتي بس بلطف

خليل : تمام يا هانم

مشي خليل و جالي

خليل : مازن بيه السراجي

انا : ايوه

خليل : سحر هانم بتطلب من حضرتك تشرفها على التربيزه بتعتها

انا : طيب (كلمت حوريا) بقولك ايه انا هنا و راجع

حوريا : ماشي

قومت مع خليل و رحنا على التربيزه بتاعت سحر

انا : انا مش عارف اشكرك ازي على الغدا الصراحه السمك تحفه

سحر : المهم انه عجبك

انا : لا الصراحه عجبني ده اجمد من القهوه

سحر : هههه مفيش اجمد من القهوه اتفضل اقعد واقف ليه

انا : معلش مش هقدر اقعد علشان بنت خالي معايا

سحر : و فيها ايه

انا : لا فيها كتير حد يعا**ها يزعلها لازم اكون موجود انا هنا علشان كده

سحر : ليه يعني مش عجبك المكان

انا : لا المكان تحفه و الاحسن الاستقبال بس مكنتش عايز اسافر علشان الشغل و بعدين السفريه دي هديه عيد ميلادي

سحر : صحيح كل سنه و انتا طيب

انا : و انتي بالصحه والسلامه بعد اذنك اشوف حوريا

سحر : مع انه عيب ترفض عزومه من حد و انتا صعيدي و عارف بس علشان بنت خالك اتفضل

انا : شكرا

مشيت و رجعت تاني التربيزه

حوريا : هيا الست دي عايزه منك ايه

مروه : ايوه ست غريبه يعني تعتذر ماشي علشان سمعه المكان لكن تبعت الغدا و ده علشان القهوه طيب هيا طلبتك ليه

انا : ايه جو المحقق كونان ده

مروه : اصل غريب يعني

انا : لا عادي مفيش اي مشكله ست و عايزه تتعرف عليا

مروه : ايوه ليه

انا : (بزعيق علشان انا مش معايا اجابه السؤال ده) معرفش اروح اسأل الست انتي عايزه تتعرفي عليا ليه

مروه : (سكتت و بصت قدمها)

حوريا : انتا متنرفز ليه

انا : من امته بتنرفز غير لما حد ينرفزني

حوريا : طيب خلاص اهدي

قعدنا نتف*ج على العرض و بعد كده رجعنا الشاليه و انا ساكت مش بتكلم مع حد خالص دخلت الشاليه و طلعت الاوضه بتعتي غيرت هدومي و نزلت تحت قعدت قدام التلفزيون اتف*ج على فيلم و بعد شويه طلعت مروه و هيا لبسه شورت و تي شرت فاضحين جسمها و قعدت جنبي مسكت الرمود و جابت قناه عليها فيلم كرتون

انا : ايه ده

مروه : انا عايزه ده

انا : ماشي بس من الزوق في حد بيتف*ج نحترمه وله ايه

مروه : ماشي نحترمه بس انا بحب الفيلم ده

انا : طيب اطلبي بأدب كده رخامه

سبتها و طلعت الجنينه اولع سيجاره و الجو حلو و مسترخي خالص

في مشهد آخر

سحر دخلت الفيلا بتاعتها و كان في واحد قاعد جوه

شخص : اخرتي يعني

سحر : (بق*ف) و انتا مالك

شخص : لا لا عيب انا خال البنات اخوكي ردي عليا كويس

سحر : انا ارد زي ما انا عايزه وله فاكر نفسك مين

شخص : الوريث متنسيش انك لوحدك و انا لازم اكون موجود

سحر : تبقي مجنون فوق يا عمر انا مش سحر بتاعت زمان خلاص انسي

عمر : مش سحر بتاعت زمان اممممم بصي يا سحر علشان نكون واضحين انا باخد الي انا عايزه ديما و زي ما قولت في الاول القريه دي هاخدها

عمر : انتا ايه يا اخي مش بتشبع

عمر : (ببرود) لا معاكي يومين ورق القريه دي يكون عندي و ده لي مصلحتك المره الجايه ها تزعلي و مش ها طلب بلطف ها يكون على جثه واحده من البنات زي ما اخدت ورثي على جثه جوزك يا سحر سلام يا بنت ابويا

طلع عمر من الفيلا و دخل خليل

سحر : خليل

خليل : ايوه يا هانم

سحر : ها نأخر التنفيذ شويه

خليل : حصل

المشهد الريسي

تاني يوم رحنا الرحله البحريه و عدي اسبوع في الاسبوع ده اتقابلت مع سحر كام مره و بس و بعدها جهزنا نفسنا علشان نسافر قبلها رحت المكتب لي سحر

سحر : مازن عامل ايه

انا : تمام يا هانم انا بس كنت جايب هديه على الاستقبال الممتاز

سحر : (سابت القلم الي في ايدها) ليه هو انتا مسافر

انا : الاسبوع خلص

سحر : طيب انتا ممكن تمد كمان مده

انا : مش ها ينفع

سحر : ليه هو انتا مش قولت اني الاستقبال عجبك و كمان الإقامة خلاص اقعد

انا : الاسف المكان هنا جميل جدا بس انا عندي شغل كتير و لازم اسافر اخلصه

سحر : يعني وسط شغلك مينفعش تاخد إجازة

انا : انا اخدت خلاص نرجع لي الشغل اتفضلي (ادتها علبه خشب مكتوب عليها الملكي)

سحر : (فتحت العلبه كان فيها عدت قهوه نحاس و كمان كيلو بن من النوع الملكي طلبته من يسري و هو بعته في شحن) امممم بن الملكي بس ده كتير

انا : لا مش كتير الاستقبال و الإقامة كانه حاجه شيك لازم يكون قدمها هديه شيك

سحر : (بصت لي الهديه شويه) هديه مقبوله بس لو نزلت في القريه دي او اي قريه تانيه شيله اسم الخديوي اديهم الكارت ده (عطتني كارت زي بتاع الفيزا)

انا : انا مش جايب الهديه علشان اخد هديه

سحر : الكارت ده هديه علشان تيجي تردها و اتشرف بيك تاني

انا : (اخدت الكارت) ماشي يا سحر هانم بعد اذنك

سحر : (قامت وصلتني لحد الباب) شرفت يا مازن

طلعت بره المكتب و نزلت تحت ركبت العربيه و طلعنا من القريه و مسكنا الطريق بعد 15 ساعه وصلنا البلد وصلت مروه لحد بيتها و حوريا كمان و رجعت البيت كانت الساعه سبعه الصبح كانت امي صحيه سلمت عليها

امي : حمدله على السلامه يا حبيبي

انا :..... يسلمك يا امي

امي : قولي كنته فين اسم القريه ايه و كانت حلوه وله لا

انا : لا كانت حلوه ممكن نروح هناك الصيف الجي مع بعض

امي : ماشي كويس انك مبسوط يله ادخل نام شويه

انا : لا انام ايه عندي شغل لازم انزله

امي : و انتا كده شكلك تعبان

انا : هدخل اشرب قهوه افوق و انزل

امي : يابني بيع البن بي**ب و كل حاجه و انتا بتحبه عارفه بس مش صحي كتره و بعدين انتا لسه عامل عمليه في القلب (عملت عمليه كوي بموجات الرديم في القلب)

انا : يا ام جمال انا تمام و صحتي تمام غير كده انا قلبي تمام دلوقتي

امي : انا خايفه عليك

انا : انا تمام متخفيش عليا

قومت دخلت المطبخ طلعت بن امريكي اقوي بن في العالم يد*ك طاقه و بور 24 ساعه كملين و يتعمل منه كميه صغيره خالص عملت كبايه صغيره و طلعت فوق السطح عاملين قعده فوق قعدت ولعت سيجاره و قلبت في التلفون شويه لحد الساعه تسعه ونص لقيت نفسي زهقان نزلت فتحت المحل و شوفت الاردارت الي موجوده و بدأت اعمل الخلطات وصل جمال لقي المحل مفتوح

جمال : ايه يابني انتا هنا بتعمل ايه

انا : (طفيت السيجاره علشان دخل) مفيش قولت انزل اشوف الشغل

جمال : كنت اخدت النهارده راحه

انا : انا نزلت علشان الخلاطات و كده قربت تخلص

جمال : طيب تعاله نتحاسب

انا : حساب ايه بس عيب

جمال : مفيش عيب ده شغلك يله انا خايف اكون لغبط الدنيا

انا : طيب (قعدنا اتحاسبنا و جمال من و هو صغير و الرزق يجري وره زمان لو مشي في الشارع ممكن يلقي الف جنيه وقعه كان يرجعها و يرزق باكتر منها طول عمره مرزق) تمام يا جيمي امسك ده البن

جمال : انتا سمعت كلام سما دي بتهزر

انا : لا مش زعلان منها سما دي اختي الكبيره

جمال : طيب يا ميزو ماشي انا

انا : ماشي يا جيمي سلام

مشي جمال و انا كملت اليوم بالزق و بعد كده رجعت البيت انام من التعب من التعب نمت بهدومي كلها حتي الجزمه صحيت الصبح بالعافيه عايز اكمل تاني يوم بس ضغط على نفسي و قومت اخدت دش و نزلت الشغل فضلت كده شهر كمل لحد امتحانات الثانويه دي للمره الرابعه دخلت و انا رميها خالص مش فرقه قعدت في الامتحانات شهر و بعدها بمده طلعت النتيجه كنت مش مهتم اعرف النتيجه

يسري : استاذ مازن

انا : ايه يا يسري

يسري : نتيجه الثانويه طلعت

انا : طيب

يسري : طيب مش تروح تشوف النتيجه

انا : لا

يسري : ليه طيب

انا : علشان مش فارقه انجح اسقط كلها محصله بعضها سيبك من النتيجه و خلينا في الشغل

يسري : بعتنا الاوردرات الي ريحه قنا في الشحن بس انا عندي فكره حلوه

انا : فكره ايه

يسري : نجيب عربيه صندوق و نشتغل في التسويق احسن من الشغل القطاعي بالطلب ده

انا : هيا فكره يا يسري بس الي بيوزع بياخد بن من بره مصر و انا مش حمل الاستيراد و الجو ده مكلف اكتر بكتير من شغلنا ده و بعدين دي مجازفه كبيره مش معادها دلوقتي بس في الحسبان

يسري : ماشي

انا : (تلفوني رن) الو يا جيمي

جمال: الحقني يا مازن

انا : في ايه

جمال : امك وقعت في البيت و مش عارفين نفوقها

انا : (عرفت اني امي جابت النتيجه زي كل سنه و تعبت) طيب يا جمال انا جاي اقفل (قفلت مع جمال) يسري خلي بالك من المكان و خد المفتاح اقفل انتا سلام

يسري : سلام

طلعت من المحل اخدت تا**ي لحد البيت دخلت اجري فتحت الباب كان في فرقعه و جليتر كتير

امي : الف مب**ك يا حبيبي

انا : انتي كويسه

امي : طبعا كويسه و فرحانه كمان

انا : ايه الي حصل

جمال : نجحت يا ميزو

انا : نجحت؟؟؟؟؟

جمال : ايوه جبت النتيجه بتاعتك و طلعت ناجح صافي

انا : بجد

جمال : ايوه يا سيدي نجحت

امي : (دمعها على وشها من الفرحه) بص مش مهم المجموع لو مفيش كليه او معهد هنا ياخدك روح ادرس بره مش مهم

انا : (اخدتها في حضني و انا فرحان الي ربنا نصرني بجد فرحه كبيره) مش مهم الكليه المهم اني نجحت

امي : يا حبيبي فرحت بيك

قضيت اليوم مع امي و جمال و سما و محمود مظهرش خالص و انا مش شايف انها غريبه عنه طول عمره كده و جيه اعمامي و اخوالي يبركه ليا و تاني يوم نزلت الشغل كان يسري فاتح بارك ليا و احنا قعدنا في الشغل لحد المغرب و الليل جيه و لقيت عربيه بي ام موديل السنه وقفت قدام المحل و نزل منها سحر هانم و دخلت المحل انا كنت عطيها ضهري و مركز في الخلاطات و المطحنة

سحر : مساء الخير يا مازن

انا : (لفيت ليها و انا مستغرب) سحر هانم

سحر : عامل ايه

انا : (عسلت ايدي من الشغل و لفيت من البار) تمام كويس حضرتك الي عمله ايه

سحر : انا تمام ايه مش ها تقولي اتفضلي

انا : ايه لا اتفضلي طبعا

قعدنا على البار

سحر : عامل ايه يا مازن

انا : انا كويس حضرتك الي عمله ايه و اسف بتعملي ايه في المنيا

سحر : مفيش جيت على بالي قولت اعدي اسلم

انا : نعم تيجي من شرم لي هنا تسلمي عليها

سحر : باين اني بكذب صح

انا : الصراحه ايوه

سحر : هههههه لا بس الصراحه كنت في اسوان بشوف الشغل في الفندق هناك بالصدفه مدير الفندق طلع بياخد بن ليه من عندك فا جيت على بالي قولت اعدي اسلم

انا : انتي مشرفاني يا سحر هانم تشربي ايه

سحر : بن ، محل بن هاشرب ايه اكيد بن

انا : ههههه لا مش بن بس في مشروبات تاني لو حضرتك عايزه في عصاير و كلها فرش

سحر : لا من بعد البن بتاعك مش هاشرب غيره

انا : طيب نشرب بن

سحر : ممكن نشربه في البيت عندك اتعرف على ولدتك وله انتا شايف اني مش قد المقام

انا : لا ازي مش قد المقام احنا نتشرف طبعا اتفضلي

قومت معاها و بعت رساله لي امي اني جاي البيت و معايا ضيوف تعمل حسبها و كلمت مونجيني يبعت حلويات على البيت وصلنا

امي : فين الضيوف يا ميزو

انا : احب اعرفك يا ماما على سحر هانم الخديوي سحر هانم دي امي امل

امي : (بصت ليا و لي سحر و ابتسمت) اه اهلا يا هانم

سحر : اهلا يا مدام

انا : اتفضلي يا سحر هانم اتفضلي

سحر : شكرا

دخلنا قعدنا في الصالون و امي مش من محبي الشغالين في البيت فا كل حاجه هيا الي بتعملها عملت القهوه و رجعت كان جمال و سما نزله من فوق و محمود طلع من الاوضه بتاعته

سما : و حضرتك تعرفي مازن منين

سحر : كان نازل في القريه بتاعتي في شرم عمل مشكله مع المدير فا اتكلمت معاه و حلتها

امي : صدفه

سحر : اه صدفه بس صدفه جميله اني اتعرفت على شاب محترم زيه عرفتي تربي يا امل هانم

امي : شكرا

سحر : الف مب**ك النجاح يا مازن

انا : حضرتك عرفتي منين

سحر : من الفيس بوك

محمود : (بستهزاء) نجاح ايه الي 50٪

سحر : (مبتسمه وبصه لي محمود) نصيب يا محمود

امي : الجو هنا حر اوي

انا : اشغلك التكيف

امي : لا مش بحبها البتاع ده مفيش احلي من الهوا الطبيعي على فكره يا سحر هانم مازن عامل قعده فوق البيت تحفه تحبي تشوفيها و نتكلم شويه

سحر : اوي اوي احب طبعا

امي : اتفضلي خليكم هنا يا اولاد ده كلام ستات

انا : (مش فاهم هيا عايزه سحر في ايه و ايه كلام الستات) ماشي يا امي

امي : اتفضلي يا هانم

سحر : من بعدك

طلعت سحر مع امي فوق السطح و نورت النور دخلت سحر الأول و بعدها امي قفلت الباب ورها بالمفتاح

سحر : عندك حق الهوا هنا حلو يا امل

امي : انتي جايه ليه

سحر : علشان مازن

امي : عايزه ايه من ابني

سحر : ابنك منين يا امل

امي : انته اتقابلته ازي

سحر : صدفه

امي : (اتنرفزت) صدفه

سحر : ايوه و بعدين ايه المشكله

امي : مش ها سمحلك تخديه

سحر : امل انتي نسيتي ده ابني

امي : ابنك كنتي فين انتي لما ابنك كان بردان كان تعبان كان عيان انا الي كنت معاه مش انتي تقولي ابنك كنتي فين لما يسخن و يتعب كنتي فين لما دخل عمل العمليه بتعته انتي عمرك ما كنتي امه مستحيل اوافق انك تخديه

سحر : انتي مش عارفه انا كنت في ايه وله عملت ايه يا امل مازن ابني (مسكت امي من رقبتها و بتخنقها) و عندي استعداد اقتل صاحبه عمري علشان ابني مش هتفرق ، امل ابني هاخده يعني هاخده ماشي

سابت امي و فتحت الباب و نزلت من على السلم

انا : حضرتك رايحه فين

سحر : (مبتسمه) معلش يا حبيبي لزم امشي علشان عندي شغل ها نتقابل تاني متخفش

انا : (وصلتها لحد ما ركبت عربيتها) شرفتينا يا سحر هانم

سحر : (وشها احمر مش عارف من ايه) الشرف ليا انا يا مازن سلام

مشيت سحر و طلعت فوق البيت دخلت كانت امي قعده سكته

محمود : بس حلوه سحر رغم اني سنها كبير بس بطل اتجوزها يا مازن كام سنه و تموت و تورثها دي عندها قريه سياحيه

انا : (بصوت عالي) انتا امته ها تبطل وساخه

محمود : ده الي هو انا صح

انا : ايوه انتا مش قادر تصدق ليه

محمود : علشان انتا عيل زباله لفيت على فريده مرات ابن عمك زمان تتسلي بيها و لما هيا فكرت تتجوز جريت عليه الفت قصه ع**طه كل ده علشان طمعنا في فلوسها و فلوس ابوها و اد*ك جايب واحده قد امك تتجوزها علشان تصرف عليك مش ها تبطل وساخه طول عمرك وسخ يا مازن طول عمرك علشان كده.... مش راضي عنك و عمرك ما ها ت**ب ابدا

انا : (باصص لي محمود و مش قادر اصدق هو ازي يصدق عليا الكلام ده حكايه فريده انا مظلوم فيها و هو مش مصدق ليه انا اخوه و عمري ما كنت واحش معاه مش عارف ايه الي حصل خلاني اض*به قلم يفوقه يمكن يفوق) انا الي وسخ يا حيوان

جمال : (قام في النص بنا) ايه ها تمده ايدكم على بعض و انا قاعد بلاش انا امك الي قعده دي

محمود : هو الي وسخ يا جمال و بيمد ايده عليا لا راجل راجل يعني بكره اجي ابارك ليك على جوازك من الهانم قصدي فلوس الهانم يمكن تنظفك

يتبع.......