الشيطان يعظ ( الجزء الاول )

الفصل الخامس

الفصل الخامس

الحياه عايزه حرب دايما تحارب و تخلي عينك وسط راسك علشان محدش عارف الطلقه جايه منين ولا ينفع تأمن ولا تثق في حد مهما كان مين حتي لو كانت نفسك كلمه جميله قلها واحد مجنون اعرفه اوعي تثق في صوابع ايدك مهما كان لازم تشك فيها

بدايه الفصل

قاعد بره القصر بشرب قهوه و لقيت سحر طلعه من القصر و جايه ناحيتي

سحر : يله يا ميزو

انا : يله فين

سحر : بص عمله ليك برنامج تحفه النهارده ها نفطر بره مع بعض و بعد كده نروح نشتري لبس و بعدها نروح الملاهي دريم بارك

انا : بصي انا مقدر مشاعر الامومه الي عندك دي كلها على عيني و راسي تمام بس انا كبرت على دريم بارك و الكلام ده انا عندي 20 سنه

سحر : بس

انا : انا على عيني انزل معاكي بس ممكن نأجل لي بعدين وله ايه

سحر: ماشي يا ميزو انا رايحه الشغل ممكن

انا : هو انا الي ها قول ممكن وله لا انتي حره

سحر : عارفه بس انا ملحظه انك عمال تدي اوامر كده البسي و اخلعي قولت اشوف رأيك لو مش موافق

انا : لو مش موافق ها تقعدي

سحر : لو ها تبقي مبسوط اقعد

انا : انا مبسوط روحي الشغل و الاوامر دي بس علشان الصح و الغلط مش اكتر مينفعش تقعدي بقميص نوم بره الاوضه بتاعتك ماشي

سحر : ماشي يا ميزو

انا : و بلاش ميزو دي ها اسم رخم شويه خليها مازن

سحر : ماشي يا مازن سلام

انا : سلام

مشيت سحر و انا قولت ادخل اشوف المجانين الي جوه دول كانه لسه قعدين بس معاهم طفل صغير

انا : ايه ده هو انا ليا اخوات تاني صغيرين

هند : لا ده ابني ريان

انا : ريان ازيك.

هند : سلم على خالو مازن يا ريري

ريان : (دخل في حضن امه)

هند : معلش هو بس م**وف

انا : لا عادي بكره ياخد عليا بس هو فين ابوه

هند : (ابتسمت ب**ره) موجود

انا : طيب بما انه موجود و انتي موجوده و ريان باشا موجود تعالي معايا

هند : فين

انا : عايز انزل اجيب شويه حاجات و بالمره اتعرف على ريان باشا لو حبه يعني

هند : اه اوي اوي اطلع البس يله يا ريري

طلعت هند فوق مع ابنها

علياء : ميزو انتا درست ايه

انا : بلاش ميزو دي مش بحبها و بعدين انا لسه مخلص ثانويه عامه مكملتش كام شهر

نغم : بجد طيب يا سيدي شد حيلك

انا : انتي دارسه ايه يا علياء

علياء : لسه في هندسه

انا : و انتي يا نغم

نغم : مخلصه بزنس

انا : و هند

نغم : هند دكتوره اطفال

انا : طيب و اميره

اميره : ملكش دعوه

انا : صحا يا معلم

هند : يله

انا : يله

نغم : بلبسك ده

انا : انا نازل اشتري لبس اصلاً يله يا هند

طلعنا بره و ركبت العربيه مع هند و انا الي سايق رحنا مول قعدنا نلف شويه و اشتريت لبس من هناك

انا : كام حسابك

موظف : 10 الف جنيه يا فندم

انا : كام

موظف : 10 الف جنيه

هند : مش مشكله انا معايا فلوس

انا : لا انا معايا (طلعت الفيزا من المحفظه) اتفضل الباسورد 8888

موظف : (اخد الفيزا و ض*بها في المكنه و طلع الفاتوره) شرف*نا يا فندم

انا : شكرا

اخدنا الاكياس و رحنا نقعد في كافيه اتكلمنا و هزرنا و حاسبت و رجعنا تاني على المغرب

سحر : ايه يا مازن رحت فين

انا : روحت اجيب هدوم ليا

سحر : طيب احنا مش اتفقنا ننزل مع بعض

انا : لا احنا متفقناش الكلمه لو طلعت من ل**ني اتفقنا يبقي اتفقنا غير كده لا

سحر : ماشي يا مازن يله نتغدا

انا : طيب

رحنا السفره قعدت على راس السفره

سحر : قولي دفعت كام في اللبس

انا : اشمعنا

سحر : علشان ارجعهم ليك

انا : ليه هو انا محتاج و بعدين ده لبسي ادفع تمنه انا

سحر : ازاي

انا : زي الناس لما اكون مفلس ابقي اخد منك

علياء : ها تدرس فين يا مازن بعد الثانويه

انا : اي معهد

سحر : ليه معهد

انا : علشان انا يا يدوبك جايب 50٪ يعني وله حاجه

سحر : طيب تدخل الجامعه الامريكيا

انا : هو انا مجموعي مش واضح وله حاجه

سحر : مجموعك ده حتت ورقه و عليها ختم حكومه مش اكتر يعني ينفع تتغير

انا : تتغير ازي

سحر : زي الناس تتغير لو على ورق الحكومه سهل مفيش فيه مشكله خالص بس انتا وافق

انا : ماشي

سحر : انتا طلبت من خليل يغير الحرس

انا : ايوه انتي جايبه ناس اجنبيه و شويه خواجات يعني مش ها يعرفه يسده قدام المصريين وله واحد من بولاق وله واحد من الصعيد

سحر : اشمعنا يعني

انا : علشان لي الأمان لازم الحارس يكون من البلد دي يفهمني و افهمه مش اكلمه انجليزي كده احسن و بعدين تقدري تقوليلي عمر بيدخل البيت ازي

سحر : اموت و اعرف

انا : بصي للحرس و انتي تعرفي الاجنبي مش هاعرف احسبه لو حصل تقصير علشان الج*سيه بتاعته بتحميه لكن ابن بلدي اعرف اطلع عين الي خلفوه كويس

سحر : طيب انتا مش بتاكل ليه

انا : انا اكلت خلاص

سحر : ليه بس

انا : انا اكلتي ضعيف

سحر :طيب بكره احنا عاملين حفله بمنسبه رجوعك

انا : حفله ليه

علياء : انتا عايز رجوعك يعدي عادي كده

نغم : ده احنا نعمل حفله سنه قدام

انا : و بعد السنه

علياء : لا خلاص اخرك سنه بس

اميره : انا شايفه انه ملهوش لزمه

انا : عاقله يا اميره و انا كمان شايف كده

اميره : مش محتاجه رأيك

انا : ايه يا بت انتي اتكلمي كويس

اميره :انتا مش ها تعلمني اتكلم ازي

سحر : اتلمي يا اميره عيب تكلمي كويس مع اخوكي

اميره : انا بتكلم كويس و دي طريقتي عايز يعيش معانا يتعود على كده

علياء : معلش يا مازن هيا اميره كده

انا : كده يبقي تتغير عادي انا مش بحب الاسلوب ده لو بحبه كنت قعدت مع محمود في بيت عادي و ميفرقش عنها في حاجه

سحر : اهدي يا حبيبي اهدا

انا : انتي شوفتي محمود معنديش استعداد يبقي في محمود تاني في حياتي خالص

سحر : طيب اهدا علشان جيبالك هديه حلوه (ادتني ظرف) افتح يا سيدي

انا : ايه ده (فتحت لقيت بطاقه باسم مازن هارون الخديوي الان سحر و هارون ولاد عم و كمان رخصه قياده) شكرا

سحر : متقولش شكرا تاني انتا ابني و كل حاجه تحتاجها اعملها ليك احلم بس انتا

انا : (ابتسمت) حاضر (جالي تلفون من واحد اسمه صقر من البدو) الو يا صقر

صقر : كيف حالك يا مازن

انا : بخير يا غالي

صقر : جهزت ال*قارب ليك

انا : اهم حاجه العمر و النوع

صقر : العمر اسبوع و النوع الي طلبته

انا : تمام تستلم امته

صقر : بص انا على الحدود باجي كمان اسبوع

انا : ماشي حلو اسبوع اكون جهزت الفلوس و المكان

صقر : ماشي يا مازن بوصل و اكلمك سلام

انا : سلام (قفلت معاه)

سحر : مين ده يا مازن

انا : ده واحد من العرب اسمه صقر

سحر : و انتا تعرف ناس من العرب ليه

انا : جايب ليا شغل

سحر : شغل ليه يا حبيبي حد قصر معاك في حاجه و عايز شغل يا سيدي انزل معايا الشغل و بعدين شغل ايه ده

انا : مزرعه عقارب

علياء : عقارب!!!!!!!

انا : ايوه

سحر : طيب هو ايه الي ي**ب في مزرعه عقارب

انا : السم بتاع ال*قرب

نغم : لا معلش فهمني

انا : سم ال*قرب الجرام منه يساوي 1000 يورو بتاخده شركات الادويه و تحطه في الادويه مش رخيص بالع** ده مكلف جدا و انا كنت بفكر في الموضوع ده من فتره و كنت شغال عليه

سحر : الف يورو

هند : ايوه يا ماما اصل سم ال*قارب ده مش سهل و بعدين مش موجود غير في افريقيا

انا : غير كده انا جايب نوع تاني يدي سن اكبر و حجم اكبر مش مطلوب السم بتاعه بالسعر الكبيره ده بس مطلوب الجلد بتاعه و كمان اللحم بتاعه

سحر : لحم ال*قرب

انا : ايوه بيتص*ر لي كوريا و الصين و اليابان علشان يكلوه

سحر: (بصه ليا بفخر كبير جدا) طيب لو احتجت اي مساعده قلي

انا : ماشي لو احتجت

طلعت فوق دخلت الاوضه غيرت هدومي و قعدت شويه لقيت هند و نغم و علياء دخلين عليا

نغم : ممكن نقعد معاك وله مش فاضي

انا : لا انا صايع ادخله

دخله الثلاثه و قعده معايا

انا : قليلي يا هند فين جوزك

هند : موجود

نغم : اصلهم زعلانين مع بعض شويه

انا : ليه

هند : مشكله كده

انا :طيب لو تحبي اتعرف عليه و نشوف المشكله دي اكيد ليها حل

هند : طبعا بكره في الحفله اتعرف عليه

علياء : قلي يا مازن انتا مفيش واحده كده وله كده

انا : لا مفيش يا ستي

علياء : ايه مفيش واحده حلوه في حياتك وله ايه

انا : ايوه مفيش

نغم :و عايش ازي كده يابني

انا : ليه هو حد قلك اني ناقص ايد وله رجل عادي

نغم : قصدي يعني الحياه للرجل من غير ستات صعبه

انا : بصي يا نغم الراجل الي يقول كده او يقول انه مناصر لي حقوق المرأه هدفه الاول و الاخير هو شقط المرأه غير كده لا الراجل يقدر يعيش من غير ست عادي جداً

هند : عندك حق بقولك ايه انتا ها تسافر معانا قريب ماشي

انا : مسافرين فين

هند : رايحين الجونه ماما تشوف الشغل هناك و احنا نتفسح

انا : ماشي

تحت في القصر سحر وقفه في المطبخ

تيكا : يا هانم مينفعش انتي تعملي حاجه

سحر : بس انتي انا بعمل القهوه لي مازن مازن ده ابني

تيكا : يا هانم عيب ميصحش

سحر : اقعدي انتي بس انا عرفه بعمل ايه

اميره : مامي

سحر : (تلفونها رن) خلي بالك من القهوه لي اخوكي و انا ها رد على التلفون (مشيت بعيد)

اميره : (طلعت قطره و حطت منها في القهوه)

تيكا : يا هانم

اميره : بسي انا عمله مقلب في مازن

تيكا : احسن انا مش بحب الواد ده خالص خالص

رجعت سحر كملت القهوه و طلعتها ليا فوق الاوضه

سحر : امسك القهوه يا مازن

انا : شكرا (اخدت الفنجان و شربت منه بوق كان طعمه غريب بس نظره سحر ليا محبتش احرجها) تسلم ايدك تحفه

سحر : بص يا سيدي بكره نروح انا و انتا الجامعه نقدم الورق بتاعك

انا : تيجي معايا ليه هو انا صغير وله ايه لا انا رايح لوحدي

سحر : (زعلانه) الي يعجبك

انا : بس مفيش مانع تكلمي حد توصيه عليا يعني سحر هانم الخديوي متعرفش حد جوه

سحر : (ابتسمت الانها حست اني بشركها في حياتي) ماشي يا ميزو

انا : انتي بتدرسي فين يا علياء

علياء: في جامعه فيوتشر قدامي سنه و اخلص و ارتاح

انا : خلصي و تتجوزي عايزه تتجوزي صح

سحر : ياريت انا حسه اني مخلفه رجاله مش عايزن يتجوزه

انا :طيب انتي مستعجله على الشهاده ليه

علياء : علشان اول ما اتخرج اشتغل اصل بحب الهندسه اوي

انا : ها تشتغلي فين

علياء : ها نزل اشتغل عند حد لحد ما اتعلم اكتر و افتح مكتب ليا

انا : شاطره

سحر : شاطره ايه بس تنزل تمسك شركه المقاولات بتاعتنا بدل ما تتبهدل بعيد

علياء : بالع** انا عايزه اتعب بره علشان يوم ما اشتغل اعرف بقيمه الشغل ده

انا : جدعه انا بدأت كده برده لحد ما بقي ليا اسم لوحدي كبير

هند : بس معلش يعني من شغل البن

انا : شغل البن ده عرفني على ناس كتير جدا مهمين في مناصب كبيره مش شغل البن الي يحب شغله يعرفه على ناس كتير اوي

سحر : عندك حق يا ميزو يله يا بنات نسيب اخوكم يرتاح شويه

نغم : تصبح على خير

انا : و انته من اهله كلكم

طلعه بره و انا كلمت القهوه و قعدت شويه كلمني جمال اطمن عليا و بعد كده قعدت شويه و بعد ساعه نعست قومت نايم على الساعه 12 بليل دخلت اميره الاوضه و هيا معاها قصافه و مقص اخدت ضفر من صباع رجلي الصغير وشعري و نزلت تحت قدام القصر كان في عربيه مستنيه اخدت منها الحاجه و دخلت كل ده و انا واقف فوق و شايفها اصلها حطت في القهوه منوم و انا صعب يأثر فيا المنوم علشان كنت باخد منوم قوي جدا فا الي حطته ده لعب عيال يدوبك يهديني دخلت تاني و قفلت البلكونه و دخلت انام تاني يوم صحيت بدري لبست و نزلت تحت فطرت و طلعت بره القصر

خليل : صباح الخير يا مازن

انا : صباح النور يا خليل عملت ايه في الي طلبته

خليل : موجودين و انا حضرت البيانات بتعتهم

انا : طيب عايزهم موجودين في الحفله النهارده مكان القدام

خليل : لو ممكن اسأل ليه

انا : الي يجي لزم يلقي ناس جديده يشتت افكاره لو ناوي على حاجه ولو فاكرنا لقمه سهله يلقي انه لا

خليل : نسخه من المرحوم هارون بيه كان ذكي برده و بيعمل حساب كل حاجه

انا: طيب

خليل : العربيه جاهزه اتفضل

انا :طيب و سحر طلعت

خليل :من ساعه

انا: مش المفروض تكون معاها

خليل : هيا امرت اكون مع حضرتك النهارده

انا : طيب يله

جت عربيه مرسيدس بالسواق ركب خليل قدام و انا وره و اتحركنا رحنا الجامعه الامريكيا دخلنا جوه و رحنا مكتب العميد

العميد : اهلا يا اهلا يا مازن بيه شرفت يا فندم انا خالد عميد الجامعه

انا : اهلا يا دكتور خالد

خالد : الورق كله عندنا وصلني امبارح من خليل و بس محتاجين امضه حضرتك

انا: تمام

خالد : اتفضل الورق

انا : (اخدت الورق و مضيته) اتفضل

خالد : ده الكرنيه حضرتك دلوقتي طالب مقيض عندنا و الغياب و الحضور متقلقش منه و لو حصلت اي مشكله هنا تجيلي علي طول مكتبي مفتوح ليك

انا : شكرا يا دكتور خالد و لو تشرفنا النهارده في الحفله

خليل : (طلع ليه الدعوه)

خالد : ده الشرف ليا انا و اكيد هاجي

انا : ها نتظر حضرتك بعد ازنك

خالد : اتفضل شرفت يا مازن بيه

طلعت من عند خالد و ركبت العربيه مع خليل نزلت اشتريت بدله جديده و بعد كده نزلت منطقه اسمها العطرين دي الي اتعلمت فيها شغل البن رحت على محل عطاره اسمه محل المعلم خليفة دخلت لي مراته المعلمه كيداهم و هيا مكان جوزها بعد ما مات

كيداهم : يا الف اهلا و سهلا بناس الصعيد مازن باشا منور

انا : بنورك يا معلمه عامله ايه و اخبار المنطقه و الشغل

كيداهم : شغل يا مازن باشا بس ايه سر الزياره الكريمه دي جاي تسلم

انا : لا جي اصفي الشغل و حسابي المفتوح

كيداهم : ليه بس حد زعلك وله شوفت مورد تاني

انا : لا بس ها بطل و اشتغل في ال*قارب

كيداهم : (عضت على شفايفها بمحن) طيب بما اننا ها نصفي الشغل ودي اخر مره نشوف بعض فيها مش تخليني ادوق

انا : لا بصي انا جاي ابيع الوصف بتاعتي ها شريه

كيداهم : طبعا حد يطول يشتري وصف الملكي

انا : حطي سعر

كيداهم : 100 كويس

انا : 100 الف

كيداهم : لا 100 جنيه

انا : كده يبقي اروح لي المعلم غنيم الي ها يموت و يعرف انا بعملها ازي سلام (قومت)

كيداهم : استني بس متبقاش حمبلي كده زي ما حكمت 100 الف جنيه

انا : انا قولت 100 الف استغراب مش اكتر لكن سعر متنفعش

كيداهم : طيب انا دفعه 300 الف

انا : انا لو رحت لي مصنع ها يدفع كتير اوي

كيداهم : طيب يا مازن باشا 350 الف و ده اخر كلام

انا: (فكرت شويه و قومت شمرت كومي) طيب فين المطحنه

كيداهم : انتا عارف طريقها

انا : خليل خليك هنا

خليل : حصل يا كبير

دخلت جوه المحل و شغلت الرماله و المطحنه و بدأت احط الوصفه لقي كاميرا خلعت المريله و حطتها عليها عملت ثلاثه كيلو و فنجان واحد و طلعت بره

انا: دوقي

كيداهم : (داقت البن) اشتريت يا مازن (فتحت الخزنه و طلعت الفلوس) عد

خليل : (مسك الفلوس عدها) تمام يا كبير

انا : طيب(طلعت فلوس من وسطها) ده حساب البن الي اخدته

كيداهم : (مسكت ايدي) طيب ما تخليها هديه

انا : لا (حطيت الفلوس على البنك و طلعت دفتر الي فيه الوصفه الوصفة كلها ملهاش علاقه ببعض كلها بس العامل الرابط بنهم لبان دكر)

كيداهم : (بصت في الورق باستغراب ) لبان دكر اطحنه ازي ده

انا : اهدي يا معلمه

كيداهم : اهدي ايه لبان دكر لو اتحط في المطحنه يبهدلها

انا : ده مع الغشيم بصي يا معلمه اللبان الدكر يتبل لحد ما يطري خالص و بعد كده يتفرد في الشمس لحد ما ينشف و بعد ما ينشف يدخل فرن على درجه 20022 يطلع يت**ر و يتحط في المطحنه يا معلمه سلام

طلعت مع خليل ركبنا العربيه و اتحركنا

خليل : قولي يا كبير انتا بعت الوصفه ليه

انا : مين قال انها وصف الملكي

خليل : ازي

انا : افهمك الي اخدته وصف بن العرسان الي بعملها ها ت**بها كتير جدا بس الوصفات دي مش بتاعتي دي بتاعت المعلم خليفه هو الي علمني الشغل زمان و كيداهم لفت عليه و اتجوزته و حطت سم ليه في القهوه علشان يموت و تورثه و الي عرفته بعد كده انها رمت بناته في الشارع وصفه الملكي مش ملكي علشان ابعها اطلع على عين السيره

خليل : ماشي

اتحركنا على عين السيره وصلنا و بعد شويه جت واحده اسمها رقيا و معاها واد عمره 15 سنه اسمه منعم

رقيا : مازن عامل ايه

انا : تمام يا رقيا اول ما عرفت الي حصل جيت بسرعه

رقيا : خلاص الي حصل حصل بس كنت عايزني في ايه

انا : اتفضلي ده دفتر وصف الملكي

رقيا : بس ده حقك

انا : لا دي بتاعتكم انته و بتاعت ابوكم

رقيا : انتا مش عارف يا مازن احنا وضعنا ايه دلوقتي اتبهدلنا اوي

انا : مفيش بهدله تاني يا رقيا امسكي ده حقك و الفلوس دي هيا 350 الف جنيه انا بعت وصف بن العرايس لي كيداهم بالفلوس دي ابدأه بيها

رقيا : (مسكت كيس الفلوس و حسيت انها ها تعيط)

انا : بلاش تحسي انك قليله ده حقك انتي و اخواتك البنات و اخوكم منعم رقمي معاكي لو حصلت اي مشكله كلميني في اي وقت ماشي

رقيا : ماشي

انا : منعم خلي بالك من اخواتك البنات ياض انتا ابن ابوك ماشي و المعلم خليفه عنده رجاله تاكل الزلط

منعم :ماشي يا عمي مازن

انا : جدع يله اتفضله علشان مش ها ينفع نقف كتير كده سلام

رقيا : سلام يا مازن

ركبت مع خليل و اتحركنا و هو سرحان طول الطريق و انا ماسك ورق الناس الجديده الي ها تيجي حراسه طلعت عشرين ملف

انا : اعتمد دول يا خليل

خليل : ماشي

انا : سرحان يعني

خليل : مستغربك الصراحه ازي تسيب وصفه زي دي

انا : انتا عارف وصفه بن الملكي اخر مره اتعملت كانت سنه كام

خليل :كام

انا : 1984

خليل : ياه

انا : و محدش قدر يعرف بتتعمل ازي علشان كده سعرها غالي و بعدين ده حق بنات المعلم خليفة و انا **بت كتير جدا من وراهم

خليل : كنت سبت الوصفه لكن تسيب الفلوس ليه

انا : انتا عارف المعلم خليفة فتح خزنته قدامي و قلي لو عرفت تعمل الوصفه دي اعتبرها بتعتك عملتها و قالي خلاص حلال عليك بس بشرط الوصفه تفضل شغاله في السوق وافقت واحد تاني كان ربطني و خلى رجلته تنزل فيا ض*ب لحد ما تعرف اتعملت ازي و ي**ب هو ملاين بس لا الراجل عمل معايا الصح

خليل : لحد دلوقتي مش فهمك

انا : مش لزم تفهم يا خليل

خليل : احنا وصلنا

انا : طيب

نزلت و اخدت البدله و الجزمه و دخلت جوه طلعت اخدت دش و الحفله بدأت و الناس بدأت توصل و انا لبست و نزلت

سحر : تعاله يا مازن اعرفك على رشوان بيه

انا : مين رشوان بيه

سحر : ده رئيس ديوان رئأسه الجمهوريه

انا : يا نهار اسود انتي عايزه تحبسيني وله ايه

رشوان : هههههه لا احنا نقدر يا مازن بيه

انا : بيه ايه بس يا فندم خليها مازن بس

رشوان : متواضع كمان ماشي يا مازن

ويتر : القهوه يا فندم

انا : ايه يا رشوان بيه هو احنا مش ها نعرف نضيفك كده عيب

رشوان : معلش يا مازن بس انا بحب القهوه اوي

انا : (اخدت الفنجان و شميته و اخدت منه بوق و ابتسمت) مين الي جايب القهوه دي

رشوان : حلوه صح انا بخليها معايا في العربيه ديمن

انا : حلوه ايه بس دي تراب

سحر : (نغزتني و ابتسمت) ميقصدش يا رشوان بيه

انا : لا اقصد بعد اذنك يا رشوان بيه لو حضرتك بتحب القهوه اوي كده يبقي سبني اجبلك بن مفيش منه في مصر من ايام محمد علي

رشوان : (استغرب) بن ايه ده

انا : مش هاقدر اقولك على اسمه غير لما حضرتك تجربه و تحكم عليه

رشوان : ماشي بس لو مش حلو

انا : الي حضرتك تحكم به و انا قابل التحدي

رشوان : طيب دوقني

انا : هات فنجان بن ملكي

ويتر : تحت امرك يا مازن بيه

انا : دقيقه يا باشا و البن يجي بعد ازنك

مشيت شويه بلف على الناس في منهم ناس من الصعيد كانه زباين عندي زمان عرفتهم الحكايه علشان الاسئله الكتير و انا واقف مع لواء اسمه احمد من الصعيد

احمد: بس قصه غريبه يا مازن بجد

انا : الصراحه بجد غريبه

احمد: بس انتا تستاهل كل خير يا مازن بجد سواء كنت مازن السراجي او مازن الخديوي

انا : ده العشم يا احمد بيه بعد اذنك

رحت قعدت على تربيزه بدخن و لقيت القهوه نزله لي رشوان مرضتش ارحله هو ها يدوق و يجي ليا و فعلاً الي حسبته حصل و جالي

رشوان : ت**ب التحدي يا مازن انا كنت بشرب تراب فعلاً

انا : طيب بما انه تراب يبقي يترمي الانه بن زباله و ليك عليا بكره الصبح يوصلك بن من النوع ده

رشوان : بس بشرط

انا: الي تقوله

رشوان : تعرفني بتجيبه منين

انا : بس كده ماشي

قومت انا و هو بتمشي و بعد شويه لقيت عمر داخل الحفله و حوليه حراسه

انا : م***ع دخول الحراسه و تسيب سلاحك بره

عمر : بص حوليك و شكل الرجاله تاكل الزلط

انا : (بصيت لي الحرس الي معاه و ابتسمت) لو عايز تقلبها بحر دم انا معاك لحد الاخر بس بص لي شكل الحراسه الجديده غير كده في جوه ناس في مناصب كبيره غير كده انا مش ها سمح ليك تعمل غلطه واحده هنا انا قاعد ليك على غلطه زي ما قولت الحرس يقعده بره ياخده واجبهم و انتا تسيب سلاحك و تدخل غير كده لا

دخلت تاني و عمر عمل الي قولت عليه و دخل قعد مع رشوان جوه

رشوان : عمر عامل ايه

عمر : تمام يا رشوان بيه بس ينفع كده مازن يرفض ادخل مع الحرس و يقلي سيب سلاحك بره يصح

رشوان : لا طبعا عيب فين مازن يا سحر

سحر : ثانيه واحده خليل هات مازن

خليل جالي و عرفني و انا رحت

انا : ايوه يا رشوان بيه

رشوان : انا زعلان منك يا مازن بجد

انا : ليه بس يا فندم ايه الي حصل

رشوان : عمر يبقي خالك ازي ترفض دخوله بالسلاح

انا : عندي حق

عمر : حق ايه انتا لسه عيل

انا : رشوان بيه انتا راجل مش قليل في البلد غير هنا في قيادات في مناصب حساسه صح

رشوان : ايوه

انا : نفترض واحد من السرفز سحب سلاح خالي عمر و ض*ب واحد منهم بالنار تبقي فضيحه وله لا

رشوان : دي اكبر فضيحه

انا : طيب لو جت في حضرتك مثلا وله مساعد وزير الداخلية وله مدير امن وله قاضي في المحكمه الدستوريه حد ها يسكت

رشوان : الصراحه عندك حق يا مازن دماغك شغاله بس ابقي فهم خالك برده

انا : عندك حق فعلا اسف يا خالو اسمحلي ابوس راسك (روحت عند عمر و بوست راسه و كلمته في ودنه) بلاش تتحداني تاني علشان ب**ب

سحر : شاطر يا مازن صالح خالو

انا : انا اقدر ازعل خالو مني لا طبعا

سحر: جدع

رشوان : (فهم اني بقسم على عمر ابتسم) نسيت اعرفك يا مازن على المدام جيهان و بنتي هايدي

انا : اهلا منورين الحفله

جيهان : منور بيك يا مازن

انا : (شوفت هند مع واحد قولت اكيد جوزها) بعد ازنكم يا جماعه

رحت لي هند

انا : هند مش تعرفيني

هند : اه ده جوزي اشرف

اشرف : مين ده

انا : انا مازن هارون الخديوي

اشرف : (سلم عليا بق*ف) اهلا

انا : طيب يا اشرف انا سمعت انك زعلان مع هند و حابب اني المشكله دي تخلص مهما كان في بنكم طفل

اشرف : و انتا مين علشان هند تحكيلك عن مشاكلنا

انا : اخوها

اشرف : مش قولنا محدش يعرف بالي بنا

هند : (بخوف) اسفه اسفه

انا : (مسكت ايد هند و جبتها وره ضهري) انتا ازي تكلمها كده

اشرف: ملكش دعوه اكلمها زي ما انا عايز

انا : مش قدامي احترم نفسك فاهم مهما كان بنكم مشاكل لازم تتحل اننو كبار كفايه لحل مشاكلكم و عندك حق محدش يدخل بينكم علشان المشاكل متكبرش بس مش بالطريقه دي اتكلم بأدب

اشرف : و انتا الي ها تعلمني الأدب برده

انا : انتا و اي حد فاهم ولو مش عارف يبقي اعلمك فعلاً خليل

خليل : (ماشي في ضهري) ايوه

انا : خد الاستاذ اشرف وصله لحد عربيته و لما يهدي يبقي يجي يقابلني و يطلب يعتذر ل هند بدماغه ماشي

خليل : اتفضل معايا

اشرف : انته مجانين انا اقدر

انا : (قطعت كلامه) لا تقدر تعمل حاجه و امشي بالأدب بدل ما اطلعك من هنا على نقاله

اشرف : ماشي يا هند انا ها وريكي انتي و اخوكي ماشي (مشي مع خليل)

هند : مازن انتا مش فاهم

انا :مش عايز افهم دلوقتي بس بعد الحفله نتكلم ايوه انا اخوكي الصغير بس لو عندك مشكله اعرفها منك بدل ما اعرفها منه هو و اي مشكله ليها حل

جيه وقت الرقص قومت اخدت سحر رقصت معاها سلو

انا : قوليلي انتي عرفه المشاكل الي بين هند و اشرف

سحر : لا هما اول شهر مع بعض عادي جدا لكن بعد كده بدأت المشاكل بنهم

انا : طيب هيا ايه المشاكل دي

سحر : معرفش حتي هيا مش بتحكي ايه المشاكل دي

انا :طيب انا قابلت اشرف و اسلوبه معاها مش كويس انا ها تكلم معاه و احاول اصلح بنهم علشان ريان

سحر : انتا بتكبر كل يوم في نظري يا مازن

انا : طيب اسحبي علشان ارقص مع باقي اخواتي

سحر: ماشي يا ميزو

رقصت مع كل اخواتي البنات جت اميره و هيا بترقص معايا و مش طيقاني

انا: مالك مش طايقه الي جبوني ليه

اميره : انا حره و احسبها زي ما تحسبها

انا : عرفه يا اميره انا عشت 20 سنه مع عيله السراجي كنت بحب واحده اسمها فريده كنت بعشقها بس كنت بخاف احكي لي امي امل علشان كانت شديده اوي كنت بحكي لي مرات عمي كنت فاكر اني اقدر اثق فيها لحد ما عملت مشكله بيني و بين البنت دي لحد ما كرهتها و بعدها سمعت اني ابن عمي ها يخطب قولت مش مهم لحد ما عرفت انه ها يخطب البنت دي كنت ها تجنين لحد ما خلي واحد صاحبي عرفته عن طريقه هو طلبني اقعد معاه رحت و قعدت الواد كان متوصي بيا جدا خمره بانواع و حشيش و هرويين و كمان نسوان المفروض اقوم على ايد الحكومه و نيابه و تحقيق و حاجات كتير كشفته قدام الكل تخيلي قال عليا مجنون و دفعه فلوس لي دكتور علشان يقول عليا مجنون

اميره : (ملامح وشها متغيره) و انتا بتحكيلي الحكايه دي ليه

انا : اعرفك ليه من بعدها باخد ادويه مهدأت و منوم بأصناف قويه لدرجه انها عملت ليا مشاكل في القلب و من ساعتها الادويه دي مش يتأثر فيا يعني المنوم الي حطته في القهوه امبارح كان بالنسبه ليا لعب عيال استني بس بلاش تجاوبي انتي اخدتي عينه من شعري و الضوافر و كمان عينه من الل**ب يعني ده تحليل اثبات نسب انا مش زعلان بالع** انا عايزك تكملي فيه و لحد الاخر و تعرفيني النتيجه لو طلعت اخوكي لو لا يبقي تبلغي عني الداخليه يجه يخدوني (خلصت المزيكا و الناس بتسقف مسكت ايد اميره و بوستها) اتفقنا

مسمعتش ردها و سبتها الحفله خلصت و دخلت الاوضه بتاعتي كانت هند هناك و مفحوته عياط

هند : انا في مصيبه

المشهد العام

مازن عرف أصله فين و هو اساسا متعلم صنعه الكلام اصل الكلام صنعه و مش سهله بس مازن استاذ فيها عرف ي**ع كيداهم و ياخد حق اولاد المعلم خليفة اصله مش ها ينسي صاحب الفضل عليه و علم عليها و على عمر خاله و **ب راجل مهم في صفه زي رشوان بس هند اخته وراها مصيبه ايه هيا محدش عارف

يتبع......