الشيطان يعظ ( الجزء الاول )

الفصل السادس

الفصل السادس

ديما بيني و بين الدنيا مساومه كبيره مش ها تاخد حاجه منها تاخد فلوس تخسر راحه بال تاخد ناس تخسر راحه بال برده كأن الدنيا ها تديني كل حاجه بس راحه بال لا علشان دي الي انا طلبها بالاسم مش ها خدها

بدايه الفصل

دخلت الاوضه بتاعتي ارتاح فيها من التعب خلعت الجاكت و هند كانت جوه و بتعيط جامد

هند : انا في مصيبه يا مازن الحقني

انا : (حطيت الجاكت ببرود) مستعده تحكي

هند: بس بس ارجوك بلاش تاخد عني فكره واحشه ارجوك

انا : انا مليش احكم عليكي قولي في ايه

هند : انا اعرف اشرف من ايام الدراسه كنا مع بعض في الجامعه و حبينا بعض و اتجوزنا بس بعد شهر حسيت انه اتغير معايا بدأت ادور وراه لحد ما عرفت انه يعرف عليا ستات كتير بعد شهر جواز عملت معاه مشكله و نزل فيا ض*ب سبت البيت و جيت هنا و محدش يعرف الموضوع ده خالص بعد مده جالي و صالحني و انا كنت بحبه و ف يوم كننا سهرانين مع بعض وحطلي منوم وتاني يوم فاجأني بأنة مصورني مع واحدة جابها بليل وانا متخدرة ومصورنا ف اواه مش مويسة اتخانقت معاة لكن بعدها ست واستحملت لكن بعد كده طلب مني اعمل علاقه معاه هو و واحد صحبه رفضت نزل فيا ض*ب لحد ما سبت البيت و جيت هنا انا و ريان بس الحيوان هيقتلني .

انا : (بصيت ليها شويه و انا بفكر و عارف انها مش ها تكون سعيده لحد الاخر ابداً) طيب يا هند انا مليش احكم عليكي انا و انتي كل واحد فينا من عالم تاني خالص انا من عالم مينفعش فيه الست تقدم واجب لي ضيف مهما كان بس انا واقف معاكي لحد ما تاخدي حقك منه و مش ها يفكر يجي جنبك ابداً

هند : انتا ها تعمل ايه

انا : انتي لسه خايفه عليه

هند : انا خايفه عليك انتا يا مازن انتا لسه صغير و اشرف دماغه سم

انا : لو دماغه سم فا انا تاجر سموم روحي نامي و خدي ريان في حضنك و اوعي تخافي او تنزلي دمعه من عينك ماشي و الكلب ده حسابه معايا انا يله اتفضلي

قامت هند و عنيها في الارض خايفه مني و م**وفه برده خلعت البدله و دخلت الحمام مليت البانيو و قعدت فيه بفكر اعمل ايه مع اشرف و هند زهقت من القعده طلعت بره لبست لبس نوم و دخلت السرير انام و صحيت تاني يوم الصبح بدري و نزلت المطبخ عملت سندوتش جبنه و فنجان قهوه و قعدت اشرب القهوه و اميره دخلت عليا

اميره : صباح الخير

انا : صباح النور (لقتها ماسكه ملف) ها ايه النتيجه

اميره : (م**وفه)

انا : بصي يا اميره انا مش عايزك تت**في لا قولي بصراحه من الاول انا مش واثقه فيك و سعتها انا الي ها د*كي العينه بنفسي و انتي اعملي التحليل في الحته الي تعجبك

اميره : اصل انتا مش فاهم قد ايه البيت هنا هش و مهزوز و اقل حاجه تأثر فيه كان لزم اتأكد

انا : و انا مش زعلان منك بالع** انتي كبرتي في نظري علشان مش بتثقي في كلام اي حد حتي لو كان امك

سحر : (دخلت علينا و هيا لبسه بجامه مقفله) صباح الخير يا اولاد

انا : صباح النور

سحر : ايه الورق الي في ايدك ده يا اميره

انا : (اخدت الورق) ده بتاعي

سحر : دي تحليل انتا عامل تحليل ليه

انا : مفيش انا بحب اعمل تحليل كل سنه علشان اطمن على الأنيميا و كده

سحر : طيب وريني اشوف النسبه

انا : (فتحت الورق و بصيت فيه) لا النسبه 12 كويس النسبه المناسبه

سحر : طيب يا حبيبي انتا رايح فين على الصبح كده

انا : رايح المنيا

سحر : تعمل ايه في المنيا

انا : اطمن على المزرعه و اشوف الناس خلصت لحد فين شغل

سحر : طيب خلي خليل و الحرس معاك

انا : لا انا رايح لوحدي من غير خليل او الحرس

سحر : لحسن تحصل مشكله

انا : لو عيله السراجي مش بتحبني فا المحافظة كلها بتحبني ماتخافيش عليا (بوست راسها) سلام (بوست راس اميره) باي يا قمر

طلعت و انا معايا ورق التحاليل و ركبت عربيه و طلعت على دكتور شاطر طمني على التحليل و اتأكدت بنفسي و بعدها روحت شقه في الجيزه في شارع البحر الاعظم نزلت من العربيه و دخلت عماره طلعت الدور الثالث كانت شقه فيها رقيا

رقيا : مازن اتفضل

انا : صباح الخير يا رقيا

رقيا : صباح النور ايه توهت في العنوان

انا : لا مش بعيد حلو المطرح ده

رقيا : اول ما اخدت الفلوس رجعت البيت لميت هدومي انا و اخواتي و اجرنا الشقه دي العماره دي بتاعت واحد صاحب ابويا اساسا و كلمت واحد جابلي الخامات و المطحنه و بدأت شغل من الفجر

انا : انتي شاطره يا رقيا فين منعم و سعاد

رقيا : منعم راح يوصل طلبيه و سعاد راحت توصل طلبيه تاني اول ما الناس عرفه اني هاشتغل تاني الطلبات مش بتقف

انا : علشان ده من سمعه ابوكي الحج خليفة كل دول يتمنه يرده الجميل ليه المهم انا عايز كيلو بن ملكي

رقيا : بس كده في ثواني يكون جاهز (قامت رقيا و طحنت البن و رجعت) اتفضل يا سيدي

انا : و انته ها تفضله في الشقه دي كتير مش ها ينفع

رقيا : هو بس في الاول لحد ما نعمل مبلغ

انا : طيب لو محتاجه فلوس قولي

رقيا : خيرك سابق

انا : قصدك خير ابوكي سابق ها قوليلي ها تحسبي الكيلو بكام

رقيا : ده كلام يا مازن فلوس ايه بس احنا اهل

انا : لو كنتم اخوات اتحسبه قولي الحساب كام لو لقيتك بتعملي اي تخفيض هاروح اشتري بن من بره

رقيا : طيب يا مازن الي تحسبه

انا : الي تحسبيه انتي

رقيا : خلاص يبقي 1000 جنيه

انا : بس كده ماشي اتفضلي يا معلمه رقيا سلام

رقيا : سلام يا مازن

نزلت من عندهم و ركبت العربيه رحت على ديوان رئأسه الجمهوريه و طلبت اقابل رشوان اول ما عرف اني بره قالهم يدخلوني دخلت من البوابه بره بعد تفتيش كتير جدا و رحت مكتب رشوان

رشوان : اهلا يا مازن منور الديوان كله

انا : ده نور بحضرتك اتفضل البن

رشوان : بنفسك يا مازن ده كتير اوي

انا : لا كتير وله حاجه دي حاجه بسيطه

رشوان : طيب يا سيدي حسابه كام

انا : لا كده شتيمه في حقي

رشوان : لا شتيمه وله حاجه قول بس

انا : لا مش ها قول ده هديه

رشوان : طيب يا سيدي هديه (بص ليا شويه) بص احنا نخلي بتوع البوفيه يعمله اتنين بن من الكيس الجامد ده و نتكلم ماشي

انا : ماشي

طلب البوفيه و جيه واحد اخد كيس البن و بعد شويه رجع و معاه اتنين قهوه

رشوان : قولي يا مازن شكلك مرهق و مش نايم كويس مالك يا ابني

انا : انام ازاي بس يا باشا وسط كل ده انا عندي في البيت خمس مصايب

رشوان : خمس مصايب ايه هما

انا : امي و اخواتي البنات انا متربي في عالم تاني خالص متزمت

رشوان : عندك حق يا مازن على فكره انا صعيدي زيك انا من سوهاج و عارف انتا حاسس بأيه

انا : غير كده هند اختي جوزها مد ايده عليها

رشوان : انا عرفت سحر هانم من الاول اني الواد ده مش من مستواها بس اختك **مت عليه

انا : اخرت الدلع ده عيل قليل الادب في الحفله امبارح يقولها ازاي تدخلي اخوكي بنا

رشوان : بص حلها عندي يطلقها و بعدين دي هند هارون الخديوي يعني الف واحد يجري عليها علشان يتجوزها

انا : صعب مش ها يطلق بسهوله و بعدين مش حابب يكون في محاكم علشان ريان ابنهم غير كده الفضايح

رشوان : طيب معلش قرصه ودن مني

انا : لالا يا باشا انا مش جاي لي كده لا و بعدين انا مش عايز اسم حضرتك يجي في القصه دي

رشوان : ماتخافش انا عارف انك مش جاي لي كده و مش ها جيب اسمي خالص ها عملها بعيد عني و معلش سبني انا علشان لو سبتك انتا لا انتا شاب و اكيد طايش و عارف دماغ الصعيد كويس

انا : بس

رشوان : من غير بس اسمع كلام الاكبر منك في السن

انا :طب

رشوان : بلاش دماغك تبقي نشفه

انا : طيب الي تشوفه بس بلاش اهم حاجه اسم حضرتك يكون بعيد

رشوان : ماتاخفش بعيد جدا كمان بص هو ها ياخد اسبوع في الحجز لحد ما انتا تقول اذا يطلع وله لا

انا : كلمتك سيف على رقبتي

رشوان : ماشي

قعدت ارغي معاه شويه و بعد كده مشيت انا رايح كده كده علشان موضوع اشرف من الاول بس كان لزم يكون في شويه حب و مينفعش و ميصحش و اسم حضرتك ممكن تشوفه انه نفاق بس مجبر اخاك لا بطل ) طلعت من الديوان و ركبت العربيه و مسكت الطريق لي المنيا روحت حته ارض في الجبل فوق بتاعتي و ارض الجبل رخيصه ارخص من التراب شوفت المبني و العمال و جالي جمال

جمال : (اخدني بالحضن) واحشني

انا : و انتا اكتر

جمال : انتا ليه طلبت نتقابل بره كنت جيت البيت و لو على محمود اوقفه عند حده

انا : لالا محمود مهما كان عيل صغير مخ بس انا مش قادر ادخل البيت و هيا مش فيه

جمال : (حط ايده على كتفي) وله انا كل ما اقعد في البيت احس اني نفسي مش قبله و برده مش عايز اهجره

انا : اوعي تهجر البيت دي كبيره و تزعلها في طربتها المهم طمني على محمود

جمال : مش مرتاح خالص يا مازن الواد واخد صف حسن ابو عماد و كل يوم الغدا هناك و العشا هناك السهره هناك

انا : علشان بنته جميله متنساش اني بابا كان اكتر واحد في اخواته ارض و ملك يعني طمعانين و بعد شويه تلقيه بيعمل معاك مشاكل و عايز يقسم الورث بينك و بينه دخل عمك مصطفي في النص

جمال : انا قلقان عليه يا مازن خايف لحسن الواد يشرب على ايدهم و انتا عارف حسن ايده في الحشيش

انا : خلي محمد ابن خالتك ياخده اسبوع الجبل يقعد في المزرعه فوق بس خلي محمد هو الي يقوله ماشي

جمال : ماشي بس انتا انشغلت فيا قولي الدنيا فيها ايه عندك

انا : بيت فيه خمس حريم و ملهوش كبير بس اخوك شيال

جمال : طول عمرك يا مازن

انا : نازل الشغل امته

جمال : يعني معايا شويه

انا : طيب بس اظبط محمود قبل ما تنزل علشان سما متقعدش لوحدها في البيت و مش عايزن الواد يض*ب خالص لو حصل و قال قسمه و دخلت عمك مصطفي و مكبرش حد كلمني و انا عندي الحل

جمال : طيب ماتخافش انتا و لو حصلت حاجه ها كلمك امسك الطبق ده

انا : ايه ده

جمال : ده طبق بسبوسه عامله سما اول ما عرفت اني ها شوفك

انا : تسلم ايدها

جمال : ابقي رجع الطبق علشان ده في القيمه ماشي

انا : ههههههه ماشي يا جيمي

جمال : توصل بالسلامه

انا : سلام

مشي جمال و انا قعدت شويه مع العمال و بعد كده اخدت العربيه و رجعت تاني القاهره بعد ثلاث ساعات دخلت البيت كانه قعدين كلهم تحت و معاهم فريد المحامي

انا : متجمعين في الخير بس خير

سحر : في مصيبه اشرف جوز هند اتمسك بمخدارت في العياده بتاعته

انا : و بعدين

سحر: بعدين ايه لزم نشوف حل دي سمعتنا

انا : طيب ها تعملي ايه

فريد: صعب خروجه انا بحاول اكلم ناس الكل تلفونه مقفول

انا : اكيد الشبكه وقعه

سحر : انتا بتهزر

انا : ايوه بهزر اعمل ايه يعني

سحر : اشرف مش بتاع م**رات

انا: و انتي عرفتي منين انتي شغاله مباحث

فريد : المشكله في السمعه يا مازن

انا : وله اي سمعه انا اختي طلبه الطلاق اساسا صح يا هند عندك استعداد تقعدي مع واحد شغال في الم**رات

هند : لا

انا : خلاص بس علشان احنا ولاد اصول ها نقف معاه لحد ما يطلع صح

هند : (بص ليا و مش فهمه) الي تشوفه

سحر : انا مش فهمه حاجه انته مخبين عليا ايه انتا و اختك

انا : وله اي حاجه بس دي الاصول هو فين يا متر

فريد : في مديريه الامن

انا : طيب لو حضرتك فاضي نروح نبص عليه و نطمنه وله الأصول بتقول ايه يا متر

فريد : كلامك هو الاصول يا باشا

انا : طيب هند دخلي الطبق ده التلاجه و اوعي حد يجي جنبه و لما اجي اقسمه علينا ماشي

اميره : طبق ايه ده

انا : بسبوسه بس ايه مفيش منها اتنين في العالم كله

سحر : احنا في ايه وله ايه

انا : لا حسبي البسبوسه دي اهم من اشرف نفسه و من اي حد خدي يا هند يله يا متر من بعدك

طلع فريد و انا وره ركبنا العربيه تاني

انا : (فريد كان باصص ليا كتير ولعت سيجاره) خير يا متر ها تخدني صوره

فريد : لا بس مستغرب من برودك تقتل القتيل و تمشي في جنازته

انا : (ركنت على جنب و نورت نور الصالون) بقولك ايه يا متر انتا محامي و الكلام لعبتك قول الي انتا عايزه مره واحده انا جاي من سفر و مرهق و عندي مشورا اشوف فيه جوز اختي

فريد : اصل المحضر بتاع اشرف انا الي كتبه بنفسي للضابط بامر من رشوان بيه و لما سأله قال انتا الي عايز تقرص ودانه بس لما شوفتك و تعرف اني ها دخل و ساعتها اشرف ها يطلع في ثانيه شوفتك بارد و مش خايف او متوتر فا مستغرب

انا : عادي اصل انا رايح لي واحد مش سهل وله صغير علشان يجي حتت محامي هلفوت زيك يطلع اشرف لا انتا لو حاولت ها تشرف جنبه على ارض الحجز

فريد : و ايه لازمة الغلط ده

انا : ده واقع اكذب و اقول انك حاجه بالنسبه لي رايس ديوان رأسه الجمهوريه

فريد : عجباني دماغك

انا : نفسي اقولك اتفضلها بس دي الي طلعت بيها من الدنيا

فريد : ماشي يا مازن بيه بس لما تحب تعمل حاجه زي دي عرفني بلاش الكبار يدخله علشان طلب رد الخدمه مش ها يكون صغير

نفضت من كلامه و اتحركت وصلنا مديريه الامن دخلنا جوه و قابلنا مدير الامن و فريد كان قاصد ده علشان يوريني هو قد ايه واصل معلش اصل انا الحصان ال**بان في سباق عائله الخديوي طلع فريد مع مدير الامن و قعدت انا لحد ما جيه اشرف دخل ولعت سيجاره

انا : اقعد

اشرف : جاي ليه

انا : جاي اتف*ج عليك الصراحه شكلك حلو

اشرف : انتا متعرفش انا اقدر اعمل ايه في اختك

انا : لا عارف كويس جدا بس حبيت اوريك انا اقدر اعمل ايه بص يا اشرف انتا ها تقعد هنا اسبوع اهلك ها يلفه عليك اقسام و مديريات مصر كلها بس محدش ها يعرف ليك طريق حتي لو كلمه الوزير نفسه بعد اسبوع ها تتعرض على النيابه بس مع عدم حضور اهلك و مع فريد المحامي اصل احنا ولاد اصول نقف مع نسيبنا و ساعتها النيابه ها تحولك لي القاضي الي ها يشوف الكميه و يحولك لي المفتي تاخد اعدام قضيه زي دي تاخد من ثلاث اشهر لي خمسه بس انا اقدر اخليهم شهر او اسبوعين و محدش من اهلك ها يحتك بيك و مش ها تقدر تعرف حد ينشر الفيديوهات

اشرف : بس انا سايب الفيديوهات دي مع واحد علشان لو حصلي حاجه

انا : (سقفت ليه) ههههه لا حلوه انتا بتقراء قصص كتير صح و ساعتها اربطك و اصورك و انتا مع واحد و سلعتها يبقي فيديو قصاد فيديو صح و شغل العيال ده علشان تطلع تقول انه حصل و انتا تحت تهديد السلاح او مربوط احنا اغتصبانك كل ده شغل عيال انا مش عايز اصغر نفسي ليه بص انا عندي ليك عرض كويس جدا تسمع

اشرف : لا انا الي عندي ليك عرض كويس

انا : طيب انا ها احترم فرق السن اتكلم انتا الاول يا سيدي قول

اشرف : اطلع من هنا و اخد 10 مليون جنيه و اطلق اختك

انا : مش عايز حد ينتف حواجبك بالمره يا روح امك (هديت) موافق بس ها تطلع من هنا بعد اسبوع

اشرف : مازن يا مازن

انا : مازن بيه احترم فرق المقام زي ما احترمت فرق السن يا جوز اختي

اشرف : طيب طيب يا مازن بيه ارجوك طلعني

انا : بص انا كلمتي واحده بعد اسبوع ها تطلع و هتلاقي خليل في وشك بالعربيه ياخدك على الفيلا الي اختي جيباها تاخد دش و تفوق و نتكلم سلام يا دكتور

طلعت بره المديريه

فريد: تمام

انا : تمام يا فريد اركب اوصلك

فريد : مش عايز اتعب حضرتك

انا : طيب (نزلت من على السلم و وقفت قدام العربيه) ها تيجي اوصلك وله امشي

فريد : طيب جي

نزل فريد ركب العربيه جنبي و طلعنا على المكتب بتاعه

فريد : بس هنا شكرا قولي صحيح يا مازن

انا : خير

فريد : لو انا اعرف اطلع اشرف كنت فعلاً ها تخليني جنبه اصل انا ماسك كل شغلكم ها تضحي بيا عادي

انا : لو ها تعرف تطلعه اول حاجه ها عملها اني ادخلك جنبه و بعد كده ها تعب شويه لحد ما الاقي محامي شاطر غيرك سلام يا متر

نزل فريد و انا رجعت البيت و دخلت المطبخ لقيت الخونه مخلصين طبق البسبوسه

انا : البسبوسه

اميره : معلش يا كابتن أصلها حلوه

نغم : الصراحه مفيش احلي من كده

علياء : جامده جامدة يعني

انا : و انتي يا هند ايه رايك

هند : حلوه

انا : تتحرقه بجاز يا ولاد سحر الخديوي

سبتهم و انا بضحك و هما كمان طلعت الاوضه بتاعتي لقيت سحر فيها

انا : مش عارف ايه الحكايه كل ما ادخل الاوضه القي فيها حد خير يا ست الكل

سحر : انتا عملت ايه مع اشرف

انا : رحت زرته و اخدت معايا عيش و حلاوه

سحر : مازن يا حبيبي صارحني لو سمحت ممكن

انا : قولي عايزه ايه مش بحب المقدمات

سحر : انتا سبب في الي حصل لي اشرف

انا : ايوه

سحر : ليه كده انتا جربت الظلم ليه تعمل كده

انا : انا جربت الظلم لما كنت بريء بس اشرف مش بريء اشرف بيدفع تمنه اخطائه اشرف كان بيض*ب هند و انا موتي و سمي حد يمد ايده على واحده حتي لو كانت مراته

سحر : يابني

انا : نعم قولي قولي انها سمعتنا و كلام الناس و الجو ده اقولك انا تولع الناس بجاز وسخ اختي بتتعامل ازبل معامله و لما رحت اسلم عليه في الحفله كلمني باسلوب مش كويس جنب ده كله كان ها يمد ايده عليها قدام الناس و شوفي كام صحفي كان موجود و منشت ابنه المليونيره تعامل كما الجاريات و واحد تاني هند الخديوي زوجها يض*بها امام الجميع و واحد ثالث عوده الابن الضال قد سببت ازمه في بيت الخديوي تحبي اكمل وله اسكت

سحر : مش كده

انا : انا عارف بعمل ايه دي اختي و مستحيل اعمل حاجه وحشه فيها ها قولي هنسافر الجونه امته

سحر : بكره بس انا خايفه عليك اشرف بعد الي حصل ها يتشطب من النقابه

انا: طيب تقدري تقوليلي اشرف معاه منين يفتح عياده في زايد و يبقي عنده فيلا في التجمع منين اقولك منك انتي صح

سحر : صح

انا : خلاص زي ما دخل الجوازه دي بمجهوده يطلع بمجهوده بعد اذنك علشان عايز انام و تعبان

سحر : ماشي تصبح على خير

دخلت الحمام اخد دش و طلعت من الحمام لقيت هند في الاوضه

انا : يعني اعمل ايه في الاوضه دي احط بواب عليها خير يا هند

هند : انتا سبب في الي حصل لي اشرف

انا : ايوه انا السبب و ملكيش علاقه او كلمه في القصه دي و لو قلتي بحبه و عايزه يطلع ساعتها اقتلك و اغسل عاري هند مش عايزك ترجعي خطوه

هند : طيب و ريان

انا : ريان يعيش ملك معنا احسن ما يعيش مع اب د**ث زي اشرف و ده اخر كلامي تحبي تحطي اي حاجه

هند : (بصت في الارض) لا

انا : (رفعت وشها لي فوق) الي حصل حصل المهم الي جاي عندك استعداد تغيري حياتك للاحسن ماشي

هند : ماشي

انا : بعد اذنك عايز انام نفسي انام تعبان و كل ما اجي انام حد يدخل الاوضه

هند : هههههه معلش احنا بيت متعب شويه سلام

انا : سلام

طلعت بره و انا نمت على السرير شويه و دخلت علياء

علياء : مازن

انا : نعم

علياء : ممكن تخلي الي عمل البسبوسه دي تعمل منها تاني أصلها حلوه

انا : طيب بكره

علياء : ماشي

طلعت علياء و شويه و دخلت نغم

نغم : ميزو

انا : نعم

نغم : الوي فاي شغال عندك

انا : انا شغال بالباقة بتاعتي

نغم : طيب سلام

طلعت نغم و دخلت اميره بس اميره دخلت على الدرج عدل من غير اي استأذن و فتحت النور

انا : عايزه ايه

اميره : انتا تليفونك ايفون و انا عايزه الشاحن علشان بتاعي مش لقيه

انا : (طلعت الشاحن) اتفضلي بره علشان اتخمد

اميره : ماشي (طلعت بره و دخلت تاني) معكش الهاندفري بتاعك بالمره

انا : (حاطت المخده على دماغي مديت ايدي ادته ليها)

اميره : (طلعت و دخلت تاني) طيب جراب معاك جراب

انا : لا ده هزار بجد (قومت و هيا طلعت تجري بصيت بره لقيت الاربعه متجمعين) ايه يا جدعان عايز انام مش نظام ده

طلعه يجره و انا قفلت الباب و اترميت على السرير انام و نمت اخيراً لحد تاني يوم صحيت على الباب بيخبط و انا قافل بالمفتاح اصلاً كانت سحر

سحر : ايه كل ده نوم

انا : معلش

سحر : و قافل على نفسك ليه

انا : علشان بناتك طلعه عيني بليل

سحر : هههههه معلش يله جهزه هدومك علشان نتحرك

انا : طيب افوق بس و انزل وراكم

سحر : طيب

دخلت الحمام اخد دش افوق به و جهزت شنطه الهدوم و نزلت تحت

اميره : خلص يا بيه احنا مستنين من بدري

انا : انتي بالذات تسكتي دخله تسألي على جراب ليه محل تلفونات

نغم : طيب يله

انا : لا لزم افطر و اشرب القهوه

علياء : و احنا ها نقعد كل ده

انا : مش نمت متأخر و صحيت متأخر خلاص استحمله

سحر :الي تشوفه يا حبيبي خد وقتك براحتك

اميره : محدش ها يبوظ الواد غير دلعك يا سحر

سحر : ادلعه زي ما انا عايزه ابني و انا حره ها دلعه و انتي لا

انا : خلصته شغل العيال طيب انا في المطبخ

دخلت المطبخ فطرت الاول و بعد كده شربت القهوه و رخامه اخرت فيها و بعد كده ولعت سيجاره و خلصتها و طلعت

سحر : فطرت يا حبيبي

اميره : يا ولياه بلاش الكلام ده الواد ها يبوظ منك

انا : بطله هبل و يله

طلعنا بره ركبنا و رحنا المطار و ركبنا طياره خاصه كانت اول مره اركب طياره في حياتي فا كنت خايف جدا

نغم : (قعده جنبي و بعد كده نامت على رجلي) بطل هز في رجلك

انا : معلش

نغم : اول مره

انا : ايوه

نغم : ساعه و نوصل

انا : انا كده اطمنت يا نغم

نغم : هيا اول مره بس و بعد كده عادي جدا

انا : طيب اميره هاتي الهاندفري بتاعي

اميره : لا

انا : ايه الي لا ده بتاعي هات الهاندفري يا لص

اميره : لا و بطل صداع

نغم : تعاله يا غلبان معايا

قعدنا نهزر و بعد ساعه وصلنا مطار الجونه كان في عربيات مستانيه ركبناهم و اطلعنا بره المطار على القرية كانت تحفه بجد وصلنا و طلعنا الجناح كان جناح خاص زي الشقه كده و بعد شويه الباب خبط رحت افتح لقيت واحده ست بس ايه بطل الجمهوريه ?

انا : ايوه

ست : انتا مازن صح

انا : لو انتي الي بتسألي فا انا مازن جداً

ست : ههههه دمك خفيف انا لوران مديره القريه فين مامتك

انا : جوه تحبي تدخلي وله لا

لوران : طبعاً ادخل (دخلت لوران و قعدت في الصالون) فين سحر

انا : مش هنا

لوران : بس انتا قولت انها هنا

انا : (بنظره حمدي الوزير) عارف بس كنت بكذب علشان استفرد بالقمر الي قدامي ايه يا بطل (ميلت عليها رجعت لي وره مديت ايدي جنبها اخدت التلفون و رجعت اقعد تاني) هههههه ايه خوفتي

لوران : (بلعت رقها) لا ابدا

انا : لا خفتي يا سحر

سحر : (طلعت من الاوضه) ايوه يا ميزو لوران عامله ايه

لوران : كويسه يا سحر

انا : اسبكم تتكلمه براحتكم

سبتهم و راحت اوضه البنات خبط و دخلت

انا : بقلكم ايه يا بنات

نغم : قول

انا : مين لوران دي

علياء : دي صاحبه ماما و مديره القريه هنا

انا : بجد يعني صاحبه سحر

نغم : ايوه

انا : بس بطل ايه الجمدان ده

هند : بس يا قليل الادب

اميره : (رمت عليا المخده) عيل سافل

انا : ليه بس انا كذبت طيب بذمتكم بطل وله لا

اميره : دي كراش الطفوله

انا : بجد جامده هيا و مضيفه الطيران شوفته كانت عامله ازاي ولا الجيبه الي لبساها

قامه الاربعه و نزل فيا ضرب

انا : بس بس ايه معرفش اتكلم معاكم شويه

اميره : المضيفه يا سافل

هند : يعني لوران هيا الي كراش الطفوله حتي انتي

علياء : كلكم زباله عيب

انا : ماشي يا بتاعت العيب علشان نكون واضحين و على نور مفيش لبس مايوهات فاهمين علشان الي ها لقيها لبسه مايو ها دفنها على الشط وصلت

اميره : والا اظبط احنا اربعه و انتا واحد ها ممكن نقوم نزعلك

انا : بس ياض

اميره : ماشي يا معلم

نغم : متخفش ماما اتفقت معانا علشان خاطر فخامه حضرتك متزعلش خلاص مفيش زفت

انا : اهدي يا حاجه اهدي يا ماما ايه الاسلوب ده

نغم : كبت اعمل ايه

علياء : معلش هيا هرمونات بتاعتها مش مظبوطه

انا : هيا وصلت لي الهرمونات لالا انا امشي احسن

طلعت من الاوضه و رحت الصالون

سحر : و بعدين يا لوران دي مشكله

لوران : و غير كده الشرط الجزائي

انا : هو في ايه

سحر : مشكله في الشغل يا حبيبي متشغلش بالك انتا و خد الاجازه بتاعتك براحتك

انا : طيب هو انا ممكن اعرف

سحر : مش عايزه اشغلك

انا : بصي انا عندي اجتماع في مجلس الامن ها أجله و نتكلم ماشي

لوران : (كتمه ضحكتها)

انا : يا ستي انا صايع

سحر : الشريك الاجنبي عايز يفسخ ال*قد علشان القريه بتخسر

انا : طيب عايز يفسخ ال*قد هو الي يدفع مش انتي

سحر : في بند في ال*قد بيقول انه لو حصل اي تقصير من الاداره ال*قد يتفسخ و ياخده شرط جزائي

انا : و هو ايه الي حصل

سحر : اتنين سياح روسين عملو فينا شكوه و بعد كده فوج سياحي عمل نفس الشكوه

انا : روس برده

سحر : ايوه

انا : هو انتي مش واخده بالك من حاجه

سحر : ايه هيا

انا : كلهم من روسيا و السايح الروسي يدوبك معاه تمن الإقامه بتاعته مفيش مانع يعمل شكوه و ياخد فلوس كمان و يتفسح

سحر : مش ها يعمل كده ده فوج عدده 200 واحد

انا : (فتحت النت و عرفت سعر العمله) طيب لما كل واحد يرجع بلده و معاه الفين دولار و الدولار بالنسبه لي الروبل يسوي كتير الفين دولار يرجعهم بلدهم بمبلغ

سحر : طيب العمل ايه

انا : بصي انتي ترفعي عليهم قضيه تشهير تمام و الروسين بيتعمله في القضايا دي بصعوبه اكبر من قضايا الم**رات عندهم

سحر : ها تاخد وقت

انا : تاخد سنه اتنين او عشره المهم الشريك يشوف تحرك منك علشان يعرف انه محصلش و دي محاوله لي تشويه سمعتنا

لوران : هيا فكره حلوه

سحر : تفتكري ده حل

لوران : طبعا حل لما اتكلمت مع الشريك طلب يعرف احنا ليه مخدناش اي تحرك لما الكلام ده كذب

انا : هو انتي معاكي شركاء تاني غيرها

سحر : انا عمري ما دخلت شريك معايا ابداً غير في القريه دي

انا : اشمعنا

سحر : في الجونه يا تشارك نجيب يا تشارك غريب

انا : طيب ابدائي في الحل ده و شوفي النتيجه بتاعته

دخلت الاوضه لبست شورت و تي شرت و اخدت البنات و نزلنا نتمشي شويه في القريه و خليل و الحرس ورانا تقلت رجلي و شاورت لي خليل يجي

خليل : ايوه

انا : تعرف ايه عن الشريك الاجنبي في القريه هنا

خليل : هيا اسمها بترسين روسيا و شغلها في حاجات كتير جدا و في منها شغل عادي و في غسيل اموال بس القريه دي شغل عادي

انا : غسيل اموال ليه هيا شغاله في ايه اساسا

خليل : مصنع سلاح عندها مصنع سلاح من ابوها

انا : طيب طبيعتها هيا ايه

خليل : هيا ملقبه بالوردة الفتاكه

انا : اشمعنا

خليل : (شاور ليا من غير ما حد ياخد باله على ست قعده على البحر لبسه مايوه بكيني و بتاخد تان و حوليها حراس كتير) علشان دول الحرس الي معاها دول من المخابرات الروسية متقاعدين غير كده هيا الفتاه المحبوبه لي بوتن علشان علاقة ابوها به من زمان اصحاب فا بوتن بيوفر ليها الحمايه

انا : حرس روسي و علاقات مع رايس تاني اكبر دوله في العالم ها تكون صعبه

خليل : بتفكر في ايه

انا : كل خير بس اهم حاجه الرجاله جاهزه

خليل : جاهزين بس ليه

انا : ها تعرف دلوقتي (بصوت عالي) يا بنات ها نعلب كوره على الشط

المشهد العام

مازن مش لقي حل لي مشكله اخته هند علشان كده كان لازم اشرف يخرج من الصوره شويه و بعدها مشكله اخوه محمود بلاش تستغربه ايوه مازن لسه معتبر جمال و محمود اخواته و بعدها مشكله سحر مع الست دي بترسين ممكن تكون بدايه مشاكل جديده مع دوله كمله و ممكن تكون نهايه مشاكل كتير لسه قدام

يتبع....