“MAY naisip akong ideya,” biglang sabi ni Draco himbis na magpaalam na aalis na. Tapos na silang kumain at iyon ang akala ni Janine ay gagawin ng binata. Nasa loob sila ng inner office niya dahil kung sa outer office sila kakain ay malamang maiilang siya sa curious na tingin ng secretary niya. Actually, baka nga naitawag na nito sa mga kaibigan nitong empleyado na nasa loob ng inner office niya si Draco. Hindi naman kasi siya basta-basta nagpapapasok doon.
“Janine,” untag ni Draco.
“Ano?” sagot niya nang pasimpleng nahamig ang sarili. Nakatayo na siya sa gilid ng lamesa niya at akma na sanang uupo sa kaniyang swivel chair para magsimulang magtrabaho.
“It seems that me touching you is not doing anything to cure you. Nagpa-panic ka pa rin kapag lumalapit ako sa iyo at namumutla ka pa rin
