“SIR, hindi na namin ma-contact ulit si Mr. Agustin.”
Parang tumigil ang puso ni Daxton nang marinig ang ibinalita ng kanyang tauhan sa kanya.
“Kagabi, sinunod namin ang utos ninyo na ipaliwanag sa kanya na may kailangan kang ayusin at pupuntahan mo siya as soon as possible. Pero kaninang umaga pa kami tumatawag sa kanya at hindi niya sinasagot.”
Kung puwede lang ay binato na niya ang cellphone niya sa pader. Pero magigising si Octavia.
Halos hating-gabi na umuwi ang mga bisita nila kanina kaya ngayon lamang siya nagkaroon ng pagkakataon na matawagan ang tauhan niya.
At ngayon ay ito pa ang balita na madadatnan niya.
Gusto niyang sunggaban na lang si Octavia habang tulog ito at sakalin hanggang sa mabali na ang mga buto sa leeg nito.
Pero hindi siya mamamatay tao. Idadaan niya
