“MAY pupuntahan ako,” wika ni Maldita matapos ang mahabang katahimikan habang lulan sila ni Dax sa sasakyan.
“Kailangan kong makabalik ng Manila agad.”
“Sandali lang ako,” pilit niya. “Kahit ihatid mo na lang ako.”
“Saan ba?” may halo pa rin na pagkairita ang tono nito. Mukhang hindi pa rin nawawala ang inis sa ginawa niya kanina.
Binigay niya ang address kay Daxton at muling nanahimik. Kapwa sila malalim ang iniisip.
Matagal-tagal pa silang bumiyahe bago sila pumasok sa isang subdivision. Halatang luma na ang mga bahay doon. May iba na bungalow lamang pero mayroon ding nagpa-expand at ginawang second-floor ang bahay.
Simple lamang ang pamumuhay ng mga tao roon kumpara sa matagal nang nakagisnan ni Maldita pero para sa kanya ay napaka-espesyal ng lugar na iyon.
Mayamaya ay humin
