“TAMA na ‘yan.” Nilingon ni Daxton si Maldita na nasa passenger’s side ng sasakyan at sinubukang kuhanin ang hawak nitong beer-in-can pero iniwas ng dalaga ang mukha at kamay habang tumutungga ito.
Walang patid ang luha ng babae. Kanina pa ito umiiyak. Noong pauwi na sila ay nagpahinto ito sa isang convenience store. Hindi niya alam na puro beer-in-can pala ang bibilhin nito.
“Malalasing ka na niyan,” saway niya rito.
“F*ck you! Ano bang pakialam mo sa akin? Hindi kita tatay!”
Napabuntong-hininga na lang si Daxton saka itinuon ang atensiyon sa kalsada. Dapit-hapon na. Matagal silang nakauwi dahil marami pang ikinuwento si Dia kay Maldita tungkol sa buhay ng ama nito at ang naging buhay ni Jason simula nang makilala si Octavia.
Siguradong gabi na sila makakarating sa mansion. Kanin
