LORD, binigyan mo na naman po ako ng mas higit pa sa kahilingan ko sa inyo, ani Raven sa kaniyang isipan habang ang mga mata ay nakatutok sa unahan ng isang simbahan na dinaanan muna nila ni Lhorde bago magpatuloy sa pamamasyal ng araw na iyon. Wala po sa hinagap ko na muli ninyo kaming pagtatagpuin ni Lhorde sa pagkakataong hindi ko po inaasahan. Naawa po ba kayo sa akin? Kidding aside po, Lord. Gusto ko pong magpasalamat ng personal kaya po ako napadalaw ulit dito sa bahay ninyo. Maraming salamat po. Alam ko po, wala pa kami ni Lhorde sa tinatawag na permanent stage, pero heto po ako, gustong-gusto ko pong kumapit sa relasyon na muli naming binuo ngayon. Puwede po bang humiling na wala na pong bawian? Puwede po bang forever na ito? Kung okay lang po at hindi kalabisan para sa inyo. Sobra
