HABANG hinihintay nina Raven na lumabas ang kaniyang Schengen Visa ay sa Aronsdale muna sila namasyal. Hindi niya iyon nagagawa noon dahil ang buhay niya, nakatutok lang din sa pag-aaral at pagtatrabaho. Kaya para siyang turista sa bansa na tinirhan niya sa loob ng sampung taon dahil parang bago ang mga lugar sa kaniyang paningin. Lalo na iyong mga tourist destination sa bansang iyon.
Mahigpit na niyakap ni Lhorde si Raven habang nakaupo sila sa isang bench. Ang nasa harapan nila ay ang isang pamosong ilog na pasyalan sa bayang kinaroroonan nila.
“Kung hindi pa tayo mamamasyal dito, hindi ko alam na may magandang ilog dito,” nangingiting wika ni Raven kay Lhorde.
Dahil malamig din ang panahon doon, kaya naman balot na balot din silang dalawa ni Lhorde.
“I understand, hindi naman kasi i
