“BAKIT HINDI MO i-open ang phone mo? Baka mamaya, panay na ang tawag sa iyo ng mommy mo,” ani Raven kay Lhorde matapos nilang maghapunan.
Umiling si Lhorde. “Natitiyak ko na hindi ko magugustuhan ang sasabihin niya. O kaya naman, pipilitin niya akong bumalik sa amin. Maalin lang naman ‘yon sa dalawa.”
“Hindi mo ba gugustuhin na bumalik sa inyo?”
“Ng hindi ka kasama? For what?”
Napabuntong-hininga si Raven. “What if, makipagkasundo sa iyo ang mommy mo?”
Pumihit si Lhorde paharap kay Raven. “What if,” gaya nito sa kaniyang sinabi. “Offer-an ka ni mommy ng one billion, layuan mo lang ako? Tatanggapin mo ba?”
Sandaling hindi nakapagsalita si Raven. Lumunok pa siya nang makabawi. “Love, tingin mo ba, o-offer-an ako ng mommy mo ng ganoon kalaking halaga?”
“Para layuan ako? Oo. Gagawin niy
