KATULAD NG nais mangyari ni Lhorde, uuwi silang dalawa sa Pilipinas. Hindi nawala-wala ang kaba sa dibdib ni Raven habang sakay silang dalawa ni Lhorde sa eroplano na pag-aari mismo nito. Ang Ellison Air.
Mahigpit namang hawak ni Lhorde ang kaniyang kamay at ni hindi binibitiwan. Gusto nitong iparamdam sa kaniya ang presensiya nito. Na hindi siya nito iiwan.
Sa kabila ng kaba at takot na namamahay sa kaniyang dibdib sa mga posibleng mangyari ay sinikap naman ni Raven na kalmahin ang kaniyang sarili.
Iniisip na lamang niya na nariyan naman si Lhorde para sa kaniya. Handa siya nitong ipaglaban sa magulang nito. Lalo na sa Mommy Berenice nito.
Sampung taon…
Panahon na para naman manindigan siyang muli para sa lalaking minamahal niya.
“Love,” agaw ni Raven sa atensiyon ni Lhorde na ang t
