“Ang tabletas na iyan ay isang uri ng medisina na may kakayahang pigilan o pahintuin ang enerhiya mo para dumaloy sa `yong katawan. Gamit ito, hindi na ito makapagpatuloy na kainin ang enerhiya mo. Siyempre, hindi gano’n kasimple na alisin ito sa katawan mo lalo na’t matindi ang kapit nito sa systema mo,” aniya saka kinuha nito ang isang syringe at isang maliit na bote mula sa kawani.
Habang kinukuha nito ang likidong gamot sa maliit na bote gamit ang syringe, ang isang babaeng kawani naman ay lumapit sa kanya at pinunasan ang kanyang noo gamit ang malinis na tuwalya.
Maya’t maya, pinahiga siya ni Dr. Vrarnos at tinurok nito ang syringe sa noo niya. Ilang sandali, gumana naman ang medisinang tinurok nito at `di kalaunan napansin niyang medyo namamanhid siya. Kinuha ni Dr. Vrarnos ang s
