#BetweenYouAndHim
EPISODE 9
Kasalukuyang naglalakad ngayon sa hallway ng condominium si Khiro. Papunta ito ngayon sa condo nila ni Howard para kumuha ng mga bago at malilinis na damit. Bitbit sa magkabilang kamay ang dalawang paper bag na naglalaman ng maruruming damit niya at ni Howard. Mamaya ay dadalhin niya ito sa laundry shop para palabhan.
Napahinto si Khiro sa tapat ng katabing pinto ng condo nila ni Howard ng makarinig ng tugtog ng isang pamilyar na awitin. Sa kanyang palagay, nanggagaling ang tunog na iyon sa gitara na tinutugtog ng kung sino. Biglang sumagi sa isipan niya si Kameon. Naalala niya na katabi lang pala ng condo na tinitirhan nila ang condo nito.
Napatingin siya sa katabing pinto ng pinto ng condo nila na nasa kaliwang bahagi. Nakita niya ang room n
