HINDI MAKAPANIWALA si Samuel na buhay pa pala ang kapatid na kanyang ipinagluksa. Hindi niya maipaliwanag ang sayang nararamdaman dahil sa pagbabalik nito.
"Bakit hindi mo man lang sinabi sa akin ang mga plano mo? Ipinagluksa pa naman kita," wika niya kay Patrick este Oliver William. Ibang-iba na ito ngayon. Kahit saang anggulo mo ito tingnan ay hindi mo mahahalata na ito ang dating kapatid niya.
"Dahil alam kong hindi ka mapapalagay kapag nalaman mo na buhay ako. Inayos ko lang ang dapat na ayusin at ito na nga, binalikan kita."
Kumakain sila ng mga oras na iyon habang nag-uusap.
Napailing siya sa sinabi ng kapatid.
"May magbabago ba kung nakalaya na ako? Wanted din naman ako. Siguradong may patong na ang ulo ko ngayon," sagot niya sa kapatid habang kumakain.
"At bakit naman hindi?
