KINIKILIG na tinawagan ni Patricia si Becca at Alani. Mayroon silang group chat na tatlo. Ibinalita niya sa mga ito na ibinili siya ng sasakyan ni Markus. Nanlaki ang mga mata ni Alani sa kanyang sinabi. Hinarap niya pa ang camera ng cellphone sa sasakyan na binigay sa kanya.
“Wow!” bulalas ni Becca. “Ang haba ng hair mo!” dagdag pa nito.
“Ano pa nga ba!” sabat naman ni Alani na kinikilig. “Ibang klase rin manligaw si Markus ano? Kaya kung ako sayo kapag nag-alok ng kasal sumagot ka kaagad ng I do!”
“Loka!” natatawa niyang wika. “Nag-aalangan nga akong tanggapin ang sasakyan na ito at baka umusok na naman ang ilong ni Mark. Kung kailan na magkasundo na kami,” sagot niya.
“Hindi naman pera niya ang ipinambili ng BMW so bakit mo siya iisipin mo? Isa pa malinis ang hangarin ni Markus nan
