NILAPITAN si Mark ng kanyang ama. Alam nitong uuwi siya kung kaya hinintay siya nito bago umalis.
"Anong balita? Nalinis mo na ang kalat ng kapatid mo?" tanong sa kanya ng ama. Nagsalin siya ng alak sa baso bago siya sumagot. Naririndi na siya dahil paulit-ulit na lamang ang kanyang naririnig.
"Yun naman talaga ang dapat kong gawin hindi ba? Ang linisin ang kalat ng paborito ninyong anak?" tanong niya sa ama na may pagtatampo. “Napapagod na ako sa kakalinis ng kalat ni Markus.”
"Abogado ka, Mark. May kakayahan ka na linisin ang kalat niya at isa pa kapatid mo siya. Ikaw lang ang maaasahan namin ng Mama mo."
Huminga siya ng malalim.
"Sana makumbinsi mo siyang bisitahin naman kami ng Mama mo," dagdag pa nito.
"Hindi na magbabago si Markus, Pa. Lalo lamang siyang lumalala. May babae na
