“COME ON, ATHENA. LET’S PARTY!”
Hinawakan ni Kristy ang kamay ni Athena at saka hinila papunta sa gitna ng malaking sala kung saan nagsasayawan ang mga kaibigan nito.
“Come, on! Let’s dance!” Nakatawang yakag ni Kristy kasi halos hindi gumagalaw si Athena.
Kasalukuyan silang nasa beach house ng pamilya nito kasama ang mga kaibigan nito sa Costa Fuego at maging ang mga kaibigan nito na galing pa ng Manila.
Sa tantiya ni Athena ay nasa mahigit singkuwenta ang mga bisita ng babae. Lahat ay nagsasaya, lahat ay nag-iinuman.
First time niyang makadalo sa ganoong klase ng party. Hindi siya pinapayagan noon ni Yaya Elina. Kaya naman isa ito sa pangarap niya. Ang makadalo sa kasiyahan na pawang kasing-edad niya ang kadalo.
Ngunit ngayong andidito na siya, hindi niya alam kung bakit hindi s
