CHAPTER SEVENTEEN
“HINDI MO BA AKO sasamahan bukas sa birthday ni Kristy?” malambing na tanong ni Athena habang naka-unan ang ulo sa dibdib ni Jeric.
Kasalukuyan silang nasa kuwarto ni Athena at nakahiga sa malambot niyang higaan. Nakagawian na nilang pasekretong nagtatagpo sa kuwarto niya tuwing tulog na ang lahat ng mga tao sa mansion. Doon dumadaan si Jeric sa trellis sa may gilid ng balkonahe ng kuwarto ni Athena.
Kadalasan ay iyon na lamang halos ang libreng oras nila upang magkita simula nang magbukas ang school year at naging student body president si Jeric. Subsob na ito sa pag-aaral at pagtatrabaho sa hacienda.
Ngunit mas nauuna pa ring matulog si Athena kaya madalas ay nakakatulogan niyang nakaunan kay Jeric. Ngunit pagkagising naman niya sa umaga ay wala na ito sa tabi niy
