بتجوط عشان تترتب?

الحلقه ال ٢٠

#بتجوط عشان تترتب

بقلم :ريم اسامة

الحلقه:20

هاله: خديجه انا عاايزه اقول ليك حاجه

خديجه: اها قولي خير

هاله : والله انا نفسي شديد عبير دي تبقه بتي❤ نفسي اتبنها ❤ اعمل اي شئ بس تكون معاي❤?

خديجه : تتبنيها كيف يعني? مالها ما عندها اهل وﻻ قرايب ? عشان عندك قروش نبيع ليك عيالنا وﻻ كيف يعني?

عيسى كان واقف وسامع الكلام كلو طوالي جا مسك خديجه وقعدها وقال لي هاله معليش ي استاذه انا حا اتفهم معاها☺✋?

خديجه قالت لي عيسى زح مني كده والله ده الفاضل ابيع الحاجه الوحيده الفضلت لي من اختي?? انتو م عندكم قلب

خديجه نزلت قعدت في الجنينه البره وبقت تبكي جاها عيسى هايج وقال ليها اسمعي الكلام ده ي مراة وفتحي عيونك عشره عشره المرأة دي زوله جيبها تقيل وقالت حا تدفع لينا قروش حتي بعد م تشيل البت في قروش شهريا حا تدينا ليها غير كده البت حا تعيش في نعيم خديجه قالت ليو انت باقي لي جنيت? انا م ببيعي بت اختي ??✋? لو مت عيسى مسكها من يدها وقال ليها انتي كان م بعتيها انا حا ابيعك ?? خديجه قالت ليو ما تبيع كان بعت اصلو انت قعادك ذي عدمو? وطير محل م تطير عيسى قال ليها م تكوني مفكره البيت القاعدين فيو ده لسع حقك? ي السمحه انا ب**تك من يوم جات اختك وعرفت انو انتي ممكن تخليني خديجه ختت يدها في راسها وقالت ليو ب**تني كيف قال ليها والله ب**تك على انو انتي متنازله لي من البيت وحتي خليتي لي تربيه العيال? واصلا ماف زول حا يشك ويقول انو انتي ليه م وقعتي عديل وده ﻻنك اميه ما شاء الله?

خديجه مسكتو من قميصو بيدينها اﻻتنين وقالت ليو متين عملت كده وليه وكيف?

عيسي: والله حبه منوم ومسحت اثر البصيم وبس? اما ليه دي عشان امسكك من يدك البتوجعك وا**ب البيت لي ومتين دي اظن قلتها ليك? ويلا ي السمحه عندك خيارين ي بت اختك ي بيتك وعيالك وابو عقل بعرف يميز?

عيسى طلع من المستشفى وهو مبسوط وبضحك وخديجه بقت تبكي لمن وقعت في اﻻرض وم كانت قادره تمسك نفسها وبقت قاعده في مكان واحد اكتر من تلاته ساعات وبتفكر تعمل شنو? كل الناس البيجو مارين بي عندها كانو بعينو ليها بي استغراب وكلهم خايفين يسالوها لحد م جات مرا عمرها في 70 ماسكه عكاز وﻻبسه توب ابيض جات وجرت ليها كرسي وقالت ليها مالك ي بنيتي? من قبيل شايفاك بتبكي احكي لي انا ذي امك وما عاجبني حالك اﻻنتي فيو ده? خديجه رفعت راسها وقالت ليها والله ي خالتي انا حالتي اكعب من انها تتوصف?? وم قادره اتكلم? انا زوله دايما القدر م منصفني اصلو? الحاجه الكبيره قاطعت خديجه وقالت ليها صحي ي بتي انا زوله م متعلمه وكﻻمي علي قدري بس اصلوا القدر م بظلم زول مدام بحركو رب العباد الناس هي البترمي اللوم كلو علي القدر والزمن بس لو فكرو بلقو القدر جايب ليهم الشئ السوه بي يديهم زمان.. اما معصيه او اختيار خاطئ او اختبار من الله بس خليك عارفه ي بتي (لا يكلف الله نفسا الله وسعها)

خديجه: ونعم بالله ي خاله بس انا واقعه بين نارين وم عارفه اختار شنو والاتنين مهمين ??

الخاله قالت ليها ختي نارينك ديل في ميزان واﻻهم عندك هو البتختاري المهم اﻻذى يكون في الجهه اﻻقل وقومي بعد ده العشاء اذن ادعي ربك يسهل امرك وييسر دربك وبعده الله بسهلها من عندو❤

خديجه قامت من النجيله وقالت للخاله شكرا ي خالتي❤ وطلعت فوق مشت شافت عبير لقت هاله قاعده جنبها وماسكه ليها يدها اول م خديجه دخلت هاله زحت منها خديجه جاءت باستها في خدها ودموعها نزلو في عبير خديجه م قدرت تقعد مع هاله فقعدت برها وكانت خاته يديها في راسها وبقت صاحيه لحدي الصباح وذي الساعه 8 كده جا عيسى داخل وقف جمبها وض*بها بي رجلو نظام تشوفو اول ما رفعت راسها اتن*دت ونزلت معها دمعة عيسى قال ليها اها بقيتي علي شنو خديجه قالت ليو وحا اقول لي الناس شنو? اقول ليهم بعت بت اختي عشان حبت قروش عيسى قال ليها يقرش حلقومك الجنو بكه ده حبه شنو دي حا ترفعنا السماء وبالنسبه لناس حا نقول ليهم ماتت وهي اصﻻ عيانه ولو قعدت معانا بالجد حا تموت يرضيك تموت بي سببنا ? خديجه قامت من مكانها ومشت لي هاله وقالت ليها توعديني انك تهتمي بيها? وما تاذيها ابدا? هاله من الفرحه قامت من كرسيها وبقت تحضن في خديجه وتقول ليها اشيلها جوا قلبي ?❤ خديجه قالت ليها البت دي بقت امانه في رقبتك? وانا لولا الظروف م كان عملت كده والله بس هو العارف معزتها عندي قدر شنو??

خديجه مشت شالت عبير وحضنتها وقالت ليها والله غصبا عني?? وان شاء الله حا تعيشي حياه سعيده? وتاني ختتها وطلعت

عيسى قال لي هاله انا اﻻقنعتها ليك ولو م انا م كان وافقت?

هاله قالت ليو تمام وحقك بصلك

وطلع وراء خديجه وهاله بقت مبسوطه وبتعاين لي عبير وبتقول ليها ي بتي ي بتي❤

خديجهه رجعت البيت وكان فيو ناس مستنينها عشان يعزوها بس هي م وقفت لي اي زول ودخلت الغرفه وقفلتها عليها عيسى قال لي الناس ي جمعا الفاتحه في بت فاطمة الناس الفي كلها بقت مخلوعه? عيسى قال ليهم الجنازه دفنها من المستشفي طوالي قبل تلاته ساعات ? والله يرحمها ..

الناس دي بقت تعاين لي بعض ساااي وما قدرت تفتح خشمها وكلهم رجعو بيوتهم ﻻنو شايفين تصرف خديجه غلط وكانها بتطردهم واصﻻ ماف زول غيرها ممكن يعزوهو وجزء تاني كان شايف تصرفها طبيعي لأنها في يومين فقدت اختها وبتونس اختها

خديجه قاعده جواه الغرفه بتاعتهم الما فيها نور وﻻ مروحه وبقت تبكي وتكفت في نفسها وتقول اعفي لي ي فاطمه اعفي لي ي اختي?? م بيدي والله ?

.

في المستشفي هاله اتذكرت يادوب انو م كلمت حسام راجلها لكن هي عارفه انو اصلا م بﻻحظ انها رجعت البيت زاتو لكن بينا وبين نفسها قالت احسن اض*ب ليهو

مشت شالت تلفون المستشفي واتصلت بي رقم البيت ماف رد حاولت تاني برضو ماف رد واصﻻ البيت م فيهو غيرها هي وحسام وخديجه وعمو عباس البواب هاله قالت اكيد معنها م بات في البيت ختت التلفون ورجعت لي عبير وبقت تفكر ح تعمل شنو !؟

شويه وجا حسام داخل وزهجان قال ليها مشيت البيت لقيتك ماف انتي لسع مع البت دي خليها لي أهلها وارجعي?

هاله: البت دي بقت بتي?

يتبع....