بتجوط عشان تترتب?

الحلقه ٢١

عشان تترتب

بقلم :ريم اسامة

الحلقه :21

هاله: البت دي بقت بتي

حسام : شنو? كيف يعني بقت بتك انتي جنيتي واﻻ شنو?

هاله: ﻻﻻ م جنيت وذي م قلت ليك عبير بقت بتي وانا من الليله ولي قدام مسؤوله عنها

حسام: كيف تعملي حاجه ذي دي بدون م تاخدي موافقتي انتي قايلاها حاجه ساهله?

هاله بقت بتبكي وقالت ليو نحن من زمان نفسنا في طفل❤? هسع الله جابها لينا عليك الله م تحرمني منها ي حسام?

حسام: اااي كان نفسنا في طفل ? بس طفل مني ومنك من دمي يشيل اسمي م من الشارع وﻻ من ناس تانيه?✋?

هاله: ﻻﻻ ي حسام ? اﻻم واﻻبو هم البربو وبيسهرو علي اوﻻدهم ما اﻻ البيلدوهم?

حسام: ﻻﻻ انا ما داير البت دي والنقاش انتهى ?✋? وﻻ كلمه زياده فاهمه✋?

هاله بقت بتبكي? وماسكه في حسام وبتقول ليو انت كده بتحرمني من اني ابقه ام ?

حسام زعل زياده ومسكها من يدها ورمها علي الكرسي وقال ليها قاصده تذكريني انو العيب مني موش? انا اصﻻ من زمان قلت ليك لو دايره بطلقك وتشوفي حياتك لكن فكره انو انا اربط اسمي بي طفل م عندي بيو عﻻقه امسحيها من راسك

حسام طلع من المستشفي ومشه البيت وكان زعلان شديد? وم قادر حتي يقعد بقه يمش ويجي ويتكلم بينو وبين نفسو هي كيف تعمل كده? م عندي كلمه انا? وﻻ م موجود يعني جايبه لي بت م عارف من وين وتقول لي دي بتك? استغفر الله ?

....

هاله كانت قاعده في المستشفي وبتبكي وبتقول حسام ح يوافق حسام ح يوافق? ي رب يوافق وعاينت لي عبير وقالت ليها ده كلو عشانك انتي ي رب تسهل لي وتبقه بتي?

...

في بيت ناس خديجه

خديجه لسع كانت قافله الباب عليها وبتبكي? وشايله توب فاطمه اختها? وحاضنهو عليها

بت خديجه الكبيره طقت الباب لي امها وقالت ليها امي خليني ادخل ي امي امي مالك??

خديجه قامت فتحت ليها الباب ومسكت بتها وقعدت تبكي معها? وتقول ليها عبير خﻻص عبير م حا تجي ?

وبتها زاتها حاضنها امها بي قوه وبتبكي معها واول مره كان تشوف امها بتبكي بوجع قدر ده مع انو عيسى كان مشبعها ض*ب واهانات لكن م كانت بتبكي قدام اوﻻدها?

......

حسام قاعد في البيت وقدامو تﻻته كبابي قهوة واعصابو شبه هدت ❤ وبقه يقول بينو وبين نفسو انو هل دي انانيه مني وﻻ انا م غلطان.. شويه كده وجاءت هاله داخله البيت براها وجرت لمن قعدت تحت رجليو قالت ليو عليك الله ي حسام م تحرمني من احساس اﻻمومه ده? انا ح اموت لو انت م ساعدتني ?

حسام: دي م بتنا م بتنا ي هاله?

هاله: ﻻﻻ دي بتي ي حسام عليك الله م تحرمني منها واﻻنت عايزو كلو انا بدي ليك ح اتنازل من نصيبي في الشركه

حسام: طيب انا لو وافقت انتي ح تقولي لي الناس البت دي جبتيها من وين?

هاله: انا حا اعمل ليها شهاده واسفرها معي اي بلد اعالجها هناك وانت هنا قول لي الناس انو انا حامل في الشهر الفلاني وقالو ﻻزم تكون تحت رعايه وعشان كده هي سافرت وانا حا ارجع بعد سنتين او تﻻته وانا متنازله ليك بي اي قرش عندي?

حسام: شكلك مرتبه لي الموضوع من بدري?

هاله : ﻻﻻ بس كل همي م اتخله عن بتي?

حسام : طيب..... انا موافق بس م عندي اي علاقه بالبت دي وﻻ بي الحا تعملي وقبل م اشوف التنازل م ح تسافري

حسام بعد الكلام القالو ده طوالي طلع علي الشركه وكان مبسوط ﻻنو حسه انو رضاها و**ب الشركة كلها ليو

بس هاله قلبها وجعها اكتر من اﻻول ﻻنها كانت مفتكره انو حسام رفض عبير علي مبدئ معين ولكن اول م جابو سيره القروش غير رايو? هاله بقت م عارفه تبكي علي حبيبه الغيرتو القروش وﻻ تفرح بي بتها ❤

هاله طوالي بدات في اﻻجراءت وقررت انها حا تسافر بعد تلاته ايام وفي الوقت ده بدأت تنشر خبر انها حامل في الشهر الخامس وكانت متاكده انو ماف زول حا يشك فيها لانها ليها فتره م اختلطت بي الناس واصلا هي م كان عندها اهل كتار ? وحتي الفي م حا يكونو ﻻحظو ليها

......

قبل يوم السفر هاله كلمت خديجه وقالت ليها انا بكره حا اسافر ولو عايزة تشوفيها تعالي

خديجه جاءت بيت ناس هاله وشكلها كانت عيانه اول م وصلت طوالي جرت شالت عبير وبقت تبكي وحاضنها شديد ? لحد م هاله شالتها منها وقالت ليها براحه علي البت✋?

هاله قالت لي خديجه انا بكره مسافره وما حا ارجع اﻻ بعد كم سنه

خديجه قالت لي هاله بس طلب لو سمحتي م تغيري اسم عبير ? هاله قالت ليها م بغيروا اصلا اﻻسم عجبني وم تخافي بعد ارجع من السفر ح اجيبك تشتغلي هنا ان شاء الله عشان تشوفيها وم تخافي عليها ح اختها في عيوني وح تبقه كويسة أن شاءالله ?

خديجه قالت ليها شكرا ليك بس لو خليتني انوم الليله هنا تبقي م قصرتي معاي? هاله قالت ليها م مشكله? ده ذي بيتك? وانا م حا انسه جميلك ده نهااااي?

خديجه شالت التلفون وض*بت لي عيسي وقالت ليو انا الليله نايمه هنا في البدايه م وافق لكن لمن عرف انو ده اخر يوم ليهم في السودان قال ليها م مشكله

بعد خديجه خلصت التلفون هاله قالت ليها انا كلمت حسام ح يد*كم قروش كل شهر وحا تزيد لو المعيشه زادت خديجه م ردت عليها وهزت راسها ودخلت قعدت جمب عبير

..

الساعه 3 صباحا هاله كانت مجهزه شنطتها وجهزت كل اﻻوراق وطلعو قبل موعد الطياره بي 4 ساعات عشان م يشوفهم زول

خديجه لمن كانو طالعين بقت بتبكي وقالت لي هاله عليك الله ختيها في عيونك? هاله قالت ليها هي بقت عيوني?

ومرت تلاته سنين ولسع هاله ما رجعت السودان وحسام كل اجازة بمش يشوفهم وعبير بقت صحتها كويسه وهاله كان عاجبها الجو هناك وم كانت بتفكر ترجع قريب حتي سمعت انو راجلها عندو علاقة مع واحده في الشغل جاءت رجعت السودان طوالي وطلبت منو يطردها وفعلا طردها ورجعت حياتهم القديمة ذي م كانت بس بي طفل?

يتبع....