بتجوط عشان تترتب?

الحلقه ال ١٩

#بتجوط عشان تترتب

بقلم:ريم اسامه

الحلقه :19

في الغرفه الفوق صوت راجل بكورك هاله يا هاله وين جزمتي البنيه

ست البيت: جمب الكميدينو علي يدك اليمين ... لو م بتقدري تشتغلي الليله ي خديجه ممكن تجي بكره عادي

خديجه: ﻻﻻ بشتغل ماف مشكله

خديجه بدت تنضف مسكت الحماامات والصالون ومشت علي غرفه ست البيت شويه كده ماما خديجه بقت تبكي بكها كان من دون صوت وخاته يدها في خشمها بقت م عارفه تبكي علي اختها الخلتهاا وﻻ علي نفسهاا وﻻ علي اوﻻدها الخلتهم براهم?

صاحبه البيت جات داخله الغرفه شافتها بتبكي? جات سالتها مالك ي خديجه ?

خديجه؛والله حاسه نفسي م قادره كانو في زول ماسكني من رقبتي? وخايفه علي اختي وهمي تقيل واوﻻدي راجيني ارجع بالعيش ان شاء الله حاف? همي تقيل والله احساس الحاجه ? ب**ر الزول ? معليس والله م بيدي بس م قدرت امسك دمعي

هاله فتحت دوﻻبها وشالت منو 100 جنيه والميه زمان ذي الزول اداك مفتاح عربيه

ختتها ليها في يدها

خديجه: انا م حكيت ليك عشان تعطفي علي? انا م داايره قروش✋?

هاله: وانا قاصده اساعدك? م تظني انو انتي الوحيده الحزينه في الدنيا دي علي اﻻقل انتي بي اوﻻدك انا لي خمس سنين بحوم من دكتور لي دكتور االله شال منك المال واداك البنون ? م تزعلي وم تشيلي هم حالك والله كويس ☺ بس احمدي ربك وهو بيف*جها

خديجه : ونعم بالله❤

شويه التلفون اﻻرضي بتاع البيت ض*ب هاله مشت رفعت التلفون

هاله: التلفون ده ليك ي خديجه ده عيسي

خديجه حست انو قلبها وجعها ومسكت التلفون وهي بترجف بعد سمعت الكلام القالو ليها عيسي وقعت التلفون في اﻻرض وكانت بترجف كلها وبتمتم اختي اختي???? واااااي ي فااااطمه?? اااه فاااطمه مااتت ??? ﻻﻻﻻ اختي ? وااااي ي فااااطمه

هاله جرت عليها وحضنتها وخديجه بقت تكورك زياااده

واااي ي ناااس اختي حبيبتي فااتت وخلتني? اعمل شنو انا من غيرك???

هاله زاتها بقت بتبكي معهااا وخديجه هدومها قطعتها تاني هاله مسكتها وقومتها ونزلو من الغرفه وهاله وصلتها المستشفي خديجه اول م وصلت جرت لي دكتور عمر وقالت ليو ي دكتور? اختي ماتت!؟? .. والله اختي كانت كويسه .. مالها اختي وين انا دايره اشوفها?

الدكتور : البركة فيكم.. ربنا يرحمها ويغفر لها.. اختك لسع جوه اﻻجرات ما كملت

طوالي خديجه جرت علي الغرفه اول م وصلت لقت اختها مغطيه بي الملايه بتاعتها مدت يدها عشان تكشف وشها وهي كلها بترجف اول م فتحتها بقت تبكي زياده وحضنتها شديد وبقت تقول فاطمه? فاطمه حبيبتي اصحي ي اختي? فاطمه اتكلمي معااي ي فاطمه ردي علي? فاطمه م تقطعي قلبي ي بت امي?

جاء دكتور عمر مسكها وغط وش فاطمه وقال لي خديجه إنا لله وانا اليه راجعون

خديجه : ﻻﻻﻻﻻ ?? فكني? اختي?? اختي كانت كويسه مالها!؟

دكتور عمر طلعها برا الغرفه وهاله كانت واقفه مع عيسى عشان يطلعوا شهاده الوفاء?

بعد م خلصو شالو الجنازه باﻻسعاف وهاله كانت شايله عبير وركبت معها خديجه وعيسى

اول ما وصلوا البيت خديجه بقت تبكي زياده وتقول مشيت معها وجيت براي? واااي ي اوﻻدي رجعت بلا خالتكم خالتكم الطيبه??

في اقل من دقائق البيت كلو اتمله وغسلو الجثمان اول م طلعو الجثمان خديجه بقت تقول سوقيني معاك وم تخليني?? مخلياني لي منو ي اختي? لحقتي امك وابوك وراجلك وخليتيني?? وااااي ي اختي واااي?

كل الناس كانت بتبكي وزعلانين علي فراق فاطمه برغم من انهم م بعرفوها شديد بس كانو عارفنها طيبه وبغض النظر عن انهم بيعرفوها او ﻻ كونو يكون شايلين قدامك جثمان ملفوف بي كف وريحت المسك طاقه ليك في انفك لمن تدخل راسك بي**رك المنظر ده وكانو بقول ليك الدور ليك في يوم ....

بعد اليوم انتهه هاله لسع كانت شايله عبير وكانت حاسه انها م عاايزة تقوم عشان م تخلي البت الصغيره دي ❤ قامت هاله من مكانها ومشت لي خديجه

هاله: انا استاذن? لكن لو ممكن ابيت البت معاي الليله عشان البيت ملياان ناس وماف مراوح وهي اصﻻ عيانه

خديجه : قالت ليها صاح عندك حق .... خديجه شالت عبير وحضنتها شديد وبقت تبكي وباستها وادتها لي هاله

هاله اول م وصلت البيت دخلتها غرفه مليانه حاجات اطفال هاله كان عندها عشم كبير في ربنا انو يديها طفل وعندها ملابس اطفال دوﻻب فيو ملابس اوﻻد والجزء التاني ملابس بنات ختت عبير في سرير اﻻطفال وبقت تحرك فيها لحدي م نامت? وهاله زاتها نامت جمبها

الساعه 3 صباحا جا حسام راجلها داخل صحها وقال ليها دي منو هي حكت ليو الموضوع وسالتو مالك اتاخرت قال ليها كان عندنا اجتماع هاله م صدقتو وم كانت عايزة تنكد علي نفسها لانها فرحانه شديد بالبت❤ شويه كده عبير صحت من النوم وكانت م قادره تتنفس

هاله: مالها دي

حسام : شكلها م قادره تتنفس

هاله بقت مخلوعه شديد وهي اصلا م عندها اي معرفه بي تربيه اﻻطفال حتي م كان عندها اخوان

هاله قالت لي حسام ﻻزم نمش المستشفي

حسام : هسع?

هاله: اي هسع?

لبسو وساقو عبير المستشفي وركبو ليها او**جين

الدكتور جا قال ليهم هي هسع كويسه والحمدلله بس ﻻزم انها تبعد من الكتمه خصوصا انو بنيتها شويه ضعيفه ولمن شاف هاله متوتره قال ليها م تخافي بتك ح تكون كويسه وح تطلع بعد 24 ساعه... حسام قال لكن دي ما .... وهاله سكتتو وقالت لي الدكتور شكرا

بعد فات الدكتور هاله قالت ليو م ضروري يعرف انو دي م بتي

حسام: شكلو عجبك الوضع!؟

هاله م ردت عليو ومشت وقفت جمب عبير وبتعاين ليها وهي جوها احساس انها م**وره وفي نفس الوقت مبسوطه مع خايفه جاها احساس انو ده شعور اﻻم لمن واحد من اوﻻدها يمرض حست انها خايفه عليها شديد

......

الصباح جا السواق بتاع هاله لي خديجه وقال ليها انو عبير في المستشفي طوالي خديجه طلعت وعيسى كان واقف برا اول م شاف خديجه جا ركب وهو بيسال في خديجه وهي م قادره ترد

....

اول م وصلو المستشفي

خديجه: وين عبير بتي ?

هاله: كويسه❤

هاله ورتها عبير وقالت ليها م كنت عايزه اقول ليك عشان م تخافي بس قلت من حقك تعرفي

خديجه بعد اطمنت عليها هدت شويه

هاله: خديجه انا عايزه اقول ليك حاجه ..

يتبع.....