بتجوط عشان تترتب?

الحلقه ال ١٨

# بتجوط عشان تترتب

بقلم: ريم اسامة

الحلقة :18

في بيت ماما خديجو كان الصوت عالي وفي كوراك حاصل?

عيسي : انا قلت ليك ﻻ مستحيل تكلميهاااا

ماما خديجه وهي بتبكي ? ﻻ انا حا اكلمها ولو حصل شنو داك انا السبب?? ﻻزم احكي ليها

عيسي: انا حذرتك لو مشيتي حكيتي للبت دي الحقيقه والله ح تندمي ﻻنو انا م ناااقص تجيني مصااايب

.......

قبل 19 سنه تقريبا في بيت ناس ماما خديجة

ماما خديجة : اصبري اصبري ي فاطمه هسع الدايه بتجي? شدي حيلك بس

فاطمه : ما قادره ي خديجه بطني واجعني شديد?? وااااي

خديجة : الله يقومك بالسﻻمه ??

شويه والباب دقه

الداية : واااي اعفوا لي مع المطره دي يا الله قدرت اصل .. خديجة محضرة الحاجات

ماما خديجه :اااي شئ جاااهزة

الديه : تمااام اهاا ي بتي شدي حيلك

فاطمة ماسكه في خديجة

شويه ونسمع صوت واااااااه واااااه

الدايه شالت الطفل ورفعتو مبررروك مبرررروك ي فاااطنه بت ذي قمر 14

فاطمه م كانت قااادره تتكلم حتي

خديجه قالت لي الدايه فاااطمه دي شكلهااا تعبااانه شديد

الدايه: اااي طبيعي

شالو البت ونضفوهاا وغطوها وجابوها لي امهااا

خديجة: اهااا حا تسميهااا منو?

فاطمة : عبير? ﻻنها ذي العبير ❤

الدايه :عاااشت اﻻسامي❤ فاااطمه بقت تبكي ?

خديجه :مالك بتبكي?

فاطمة : ابوها الله يرحمو كان نفسو يسميها عبير

خديجة: م تبكي واترحمي عليو?

فاطمة الله يرحمو?

في صوت من بره بناادي ي خديجه ي خديجه

ماما خديجه جات سرعه اها مالك ي عيسي

عيسي : شنو هو المالي? التﻻجه دي ما فيها وﻻ اكل اها اكلتي لي اختك كلو ان شاء الله بالسم ليها ولي شافعها انا قادر علي نفسي عشان تجبي لي اختك? وشات اﻻبريك الجمبو

ماما خديجه : بقت تبكي عليك الله ي عيسى م تعلي صوتك م تسمعني هي تعبانه?

عيسي: انا مالي ومالها انا اعمل العايزو? ده بيتي فاااهمة

خديجة: عليك الله هسع اطلع والله بجيب ليك اﻻكل ذي م عااايز بس اصبر لي شويه

عيسي طلع من البيت وقفل الباااب بي أعلى صوت

ماما خديجه رجعت تاني لقت اختها بتبكي والدايه طوالي استاذنت وبعد م طلعت

فاطمه:خديجة اناا ماااشة ? انا عملت ليكم مشاكل كتيره ?

فاطمه قامت من السرير وكانت حاسه بي دوخة قويه طوالي وقعت

خديجه بقت تصحي فيها وهي ما واعيه نهااااي

خديجه رفعتها في السرير ولفحت توبها وطلعت الشارع مشت دقت باب جيرانهم فتح ليها ولد صغير

خديجه : السﻻم عليكم

الولد : وعليكم السﻻم

خديجه : دكتور عمر في

الولد : ﻻﻻ ماف والله هسع بكون في الشغل

خديجه : عليك الله لمن يجي خليو يجيني

خديجه رجعت البيت وفي الشارع جمب الدكان لقاها عيسى واقف ومولع سجارتو فكرت تمش تكلمو لكن قالت اكيد م حا يساعدني وﻻ بعمل لي شئ? بقت ماشه بي سرعه دخلت البيت شالت بصله شممتها لي فاطمه شويه فتحت عيونها بس م قادره تتكلم لسع

خديجة : فاطمه انتي كويسه ?

فاطمه بقت تاشر علي بتهاااا

ماما خديجه : مالك ي فاااطمه

فاااطمة دموعها نازله وشها ده اصفر

وبعد ساعتين جاء دكتور عمر داخل

ماما خديجه: ي دكتور اختي دي ولدت قبل شوية ولمن حاولت تقوم وقعت طوالي?

الدكتور : طيب استني

الدكتور بعد م انتهه عاين لي ماما خديجه وقال ليها يبدوا انها نزفت دم كتير وكان ﻻزم تحولوها للمستشفي✋?

خديجه: اااي ي دكتور هو اصﻻ ده م وقت وﻻدتهاااا

الدكتور: وعشان كده ﻻزم تدخلوها المستشفي عشان ما تحصل ليها مضاعفات والطفل زاتو ﻻزم يتخته في حضااانه ضروري

ماما خديجه : والله ي دكتور حق المستشفي م عندنا? وانت عارف حالتنا?

دكتور عمر قال ليها انا هسع حا اطلب اﻻسعاف واوديها المستشفي الشغال فيها

ماما خديجة: كتر خيرك ي دكتور??

ماما خديجه جهزت فاطمه وجاءت اﻻسعاف وماما خديجه ركبت معهم والدكتور حصلهم بي عربيتو

في المستشفي ماما خديجه كانت خااايفه شديد وبتبكي

دكتور عمر قال لي ماما خديجه م تخاااافي كلو حا يكون تمااام دخلو الطفله الحضانه وقالو يدو فاطمه دم بدل النزفتو ده واصﻻ فاااطمه زوله ضعيفه شديد وعمرها كبير واصﻻ الدكتور كان محزرها من الوﻻده لكن طبعا رغبتها في الوﻻده خلتها تاخد كل اﻻعشاب وتمش لكل الدكاتره رغم انو راجلها كان ما معترض علي قضاء الله لكن فااطمه كانت حاسه انو حزين فبعد فتره من الزواج امكن 13 سنه الله رزقها بي عبير وفي أول شهرين من الحمل راجلها مات بعد م كان وضعهم مستقر بقت م عندها حاجة خصوصاً بعد بيتها اتسرق واي شئ كانت داساو اتسرق ❤

بعد ساعات الدكتور جا قال لي ماما خديجه انو حاليا حالتها مستقره والحمدلله

ماما خديجه دخلت لي فاطمه الغرفه وقعدت جمبها

فااطمه : خديجه اوصيك علي عبير بتي عليك الله خليها ذي باقي اوﻻدك

خديجه : ليه بتقولي كده انتي حا تعيشس لمن تشوفيها عروس❤

فاطمة :ي ريت لكن انا حاسه انو عمري م طويل?

خديجه : بعد الشر الدكتور قال انو حالتك اتحسنت❤ وبقيتي كويسه وان شاء الله حا تطلعي من هنا علي رجليك❤

فاطمة : ان شاء الله ي رب

في بيت ناس خديجه جا عيسي داخل وبكورك ي خديجه خديجه جاتو بتو الكبيرة عمرها تسعه سنين

البت ي ابوي امي مشت المستشفي مع خالتو فاطمة من قبيل

عيسي : مستشفي شنو?

البت : المستشفي الشغال فيها دكتور عمر

عيسي طوالي ركب المواصﻻت ومشه المستشفي لقه فاطمه نايمة وخديجه في الكرسي الجمبها وخاته يدينا في وشها وبتبيكي مسكها من يدها وطلعها بره

ماما خديجه : مالك ي راجل

عيسي: اسمعيني انا ما حا ادفع وﻻ قرش في المستشفي دي

ماما خديجه فكت يدها منو وقالت ليو منو القال ليك ادفع?

عيسي: اها الحا يدفع منو

ماما خديجه : حا يدفعهم دكتور عمر انتي م تشيل هم?

عيسي : انا من بتين بشيل هم على اختك دي .. المهم اسمعي بكره تمشي لي الناس الشغاله معهم ديل وتجيبي حق يومتك جوعتينا من يوم اختك جات

ماما خديجه: انت جنيت ي راجل? دايرني اخلي اختي وامش اشتغل

عيسي : انا بجي الصباح ولو لقيتك قاعده وما مشيتي ما حا اخليك?✋?

وطوالي عيسي طلع ماما خديجه م كان الكلام فارق معها وكل همها اختها العيانه دي ومشت قعدت معها في الغرفه وفاطمه كانت حاسه انها شويه اتحنست فبقت تتونس معها ويحكو عن ايام الطفولة❤ والمراهقه لحدي م نااامو ?

.........

تاني يوم الصباح دكتور عمر جا داخل وسلم عليهم

فاطمه قالت ليو شكرا ليك ي دكتور☺

دكتور عمر: ﻻ شكر علي واجب انتي ذي اختي واحد? وبعد ده وقت الفطور ﻻزم تاكلي حاجات معذيه عشان تعوضي الدم ده

خديجه :اي هسع انا نازله اجيب ليها اكل من الكفتريا

دكتور عمر:امشي وكل اكل فاااطمة علي..

خديجه : ﻻﻻ كده كتير عليك ي دكتور❤

الدكتور: ﻻﻻ وﻻ يهمك انتو بنات حلتي

ماما خديجه نزلت تجيب الفطور لقت عيسى جاااي

عيسي:عرفتك م حا تمشي

ومسكها من يدهاااا وجاريها

خديجه: يااخ براحه الناس بتعااين لينا

عيسى : خليهم يعينو انا المهم عندي رزقنا م ينقطع ﻻ بي سببك وﻻ سبب اختها

وساق خديجه واستنها لمن دخلت البيت

خديجة: السلام عليكم

ست البيت: وعليكم السلام مالك غايبه ي خديجه والله فقدناك ان شاء الله خير?

خديجه : والله اختي ولدت وفي المستشفي هي وبتها

ست البيت: سالمتهم ياااخ ان شاء الله هسع تكون بقت كويسه

خديجه:والله الحمدلله???

في الغرفه الفوق صوت راجل بكورك هاله يا هاله وين جزمتي البنيه

يتبع.....