بتجوط عشان تترتب?

الحلقه ال ١٤

ط عشان تترتب

بقلم : ريم اسامه

ح(14)

لنا في البيت شالت قطعه من الكيكه وعجبتها وشالت واحده تانيه بعديها بدت تنضف في البيت وشويه كده وبطنها وجعتها وبقت تمسك في بطنها شديد وتكورك لحدي م وقعت

........

في الجانب التاااني اسراء مشت البيت بقت تفتش لي رقم اصف دخلت صفحتو وشالت الرقم بس كان مشغول وض*بت خمس مرات بجيها مشغول تاني ض*بت لي واحده صحبة براءة وسالتها من مكان شغل اصف في البدايه صحبتها ابت توريها بي حجه الشمار وانو لو ما ورتها هي عايزهو لي شنو م بتوريها لكن اسراء كوركت فيها وقالت ليها ي تديني العنوان ي تقفلي الخط طوالي البت ادتها العنوان واسراء طوالي طلعت

..........

اسراء جات داخله المكتب وهي خايفه

اصف: اسراء حسين? خير الجابك شنو

اسراء: عااين امش الحق مرتك براءه ختت ليها سم في اﻻكل ? والله انا م كنت عااارفه انها حا تعمل كده?

اصف: كيف يعني ??

اسراء: اااي بالله الحقهاا عليك الله اسرع ? وانا م بقدر اعمل ليها شئ غير اني اكلمك واﻻ على اخوي بقتلني?? الحقها عليك الله ي اصف

اصف شال مفااتيح عربتو ونزل من الشركه ووصل البيت لقي لنا غمرنااا حاول يصحيهاا وما فاقت طوالي شالها ووداها علي اقرب مستشفي

اول م وصل المستشفي كان في ناس كتار والمرضي ف

قاعدين في اﻻرض وحالها صعبها احمد بقه يكورك في الممرضة ويقول ليها وين الدكتور? والممرضه قالت ليو ﻻزم توقع علي الورق ده نحنا م بنقدر نستلمها منك اﻻ توقع احمد بقه يكورك شويه وجا الدكتور واستلمها

عملو لي لنا غسيل معده وبعد م انتهو من العمليه اصف دخل لي لنا في العنبر ال هي فيو

اصف: لنا بقيتي كيف??

لنا: كويسه انا حصل لي شنو?

اصف: حا افهمك بعدين هسع انا حا احولك من المستشفي دي?

لنا: ي ريت امش البيت عديل انا مضايقه هنا ي اصف?

اصف:لا م ينفع لازم نحول لمستشفى احسن من دي وبعد تبقي كويسه ممكن نود*ك البيت

طبعا المستشفي كانت قمه في اﻻهمال واللامباله من الدكاترة والممرضين كانو م مستشفي واﻻوسخ في كل مكان??وحالة الناس تحنن كلهم قاعدين في اﻻرض ودي حاله المستشفيات في السودان?? الحمدلله

اصف عمل إجراءات وحول لنا في نفس المستشفى الفيها عبير ذي م طلبت عشان تكون قريبه من عبير

اول م وصلو المستشفي لنا راسها داخ ومسكت يد اصف

اصف: مالك ي لنا الدوخه رجعت ليك تاني?

لنا: ااي

اصف: طيب حا نعمل ليك فحص عام

لنا: ﻻﻻ م ضروري

اصف: ﻻﻻ ﻻزم

لنا : طيب كويس

لنا واصف دخلو المستشفي ودخلو لنا غرفتها واصف قال ﻻزم يعملو ليها فحص عام وجا الدكتور وشاف حالة لنا وعملو ليها الفحص والنتيجه بعد ساعتين اصف استاذن من لنا وقال ليها شويه وحا ارجع اصف نزل طوالي ودور عربتو وصل بيت ناس عمو ابو براءه اول م وصل بقه يض*ب في الباب بي يديو ورجليو ام براءه جات جاريه

ام براءه : ايوا ايو استنا ي الفي الباب?

فتحت الباب

اصف: وين براءه دي??

ام براءه: اصف??مالك هايج فينا كده ??

اصف: بتك دي وين??

ام براءه: قاعده جوه في الغرفه

اصف وقف في نص الهول وبقه يكورك ويقول يا براءه اطلعي هنا قبل ما اطلع روحك?وكان قدامو طربيزه قزاز شاتها بي رجلو وبراءه كانت سامعه اي شئ من دقه الباب

ام براءه: اصف فهمني في شنو?

اصف:بتك المصونه حاولت تقتل مرتي ي خالتي ? وانا الليله م بخليها?

ام براءه: كيف يعني تقتلها انت جنيت ي اصف??

اصف: ﻻﻻ م انا الجنيت والله✋? بتك هي الجنت

ام براءه: ﻻﻻ انا بتي م بتعمل كده??

اصف دخل الغرفه الفيها براءه وشداها من شعرها لمن وقعدت ورفع اصبعو في وشها وقال ليها اسمعي هنا ي بت لنا دي مرتي✋? وحﻻلي وما ببدلها بي واحده تانيه وانتي لو كنتي اخر واحده في الدنيا دي مستحيل اعاين ليك ? عارفه ليه!؟ ﻻنو انتي واحده مريضه نفسيا?? وحاليا لنا اذا قالت نفتح فيك بلاغ م مشكله? ﻻنو دي جريمه قتل✋? وانتي كنتي واعيه لمن عملتي كده ولولا ستر الله كان ممكن تروح فيها ???

براءه مسكت رجل اصف وبقت تبكي وتقول ليو ﻻ والله? انا اسفه اسفه والله انا م عايزه اتسجن ي اصف?? اصف زح رجلو منها ولمن وصل الباب اتلفت عاين ليها وقال ليها بالمناسبه شكرا ليك عشان انتي السبب في زواجي من لنا❤ وقال ليها والله لو حاولتي تاذيها تاني ح اقتلك عديل.. اصف عاين لي ام براءه الكانت واقفه مصدومه وقال ليها موضوع العرس ده شئ تاني خليها توريك ليو??

.........

اصف حركه عربتو ومشه على المستشفي وهو داخل لقه احمد في وشو

احمد: اااااو اصف?

اصف: احمد كيفك?

احمد: تمام بس الجابك هنا شنو جاي تزور عبير!؟??

اصف: ﻻﻻ والله لنا هي العيانه وجبنها هنا

احمد: ي زول خير? الحصل عليها شنو امس كانت كويسه

اصف: اي والله ?? بس الصباح اكلت شئ غلط وعملو ليها غسيل معده

احمد: غسيل معده عديل?

اصف : ااي والله

احمد:طيب ارح وريني غرفتها وين?

اصف : طيب

اصف واحمد طلعو ففوق ووصلو غرفه لنا

احمد:السﻻم عليكم ..... العوافي ياااخ

لنا : وعليكم السﻻم ..... الله يعفيك?

احمد: هسع بقيتي كيف?

لنا: كويسه والله نحمدو? اهاا عبيرو كيف!؟

احمد : كويسه والله لكن لسع م صحت?

لنا: معقول ياااخ الساعه12

احمد: اصﻻ هي نوامه شديد?

لنا: انت حا تقول لي صحبتي وعرفها?

احمد :طيب انا حا امش اكلمها ?

لنا : طيب ... لكن م تخليها تجي عشان م تتعب?✋?

احمد : طيب

احمد مشه غرفه عبير اول م فتح الباب لقه عبير بتبكي ودموعها دي جاريه عشره عشره??

احمد: عبير مالك??

عبير : انا امي وابوي الحقيقين وين!؟?

احمد:م تبكي ي عبير ان شاء لله بنﻻقيهم الدموع م بتحل مشكله?

عبير قالت ليو معناها رموني وهم م عايزني.. انا ليه م عندي زول في الدنيا دي عايزني? انا حياتي زاتها طلعت مزيفه? خايفه انا م اطلع انا? انا راسي ده شاطب ي احمد ? م عارفه اعمل شنو ?انا اصلا حياتي كانت جايطه هسع انتهت وم قادره اعمل شئ ? كفاية الصدمه الدخلت فيني م اظن تطلع مني بسهوله ?

في اللحظه دي ماما خديجه كانت نايمه في الكنبه و صحت بي صوتهم وسلمت عليهم

ماما خديجه: مالك ي عبير بتبكي

عبير: ﻻﻻ ماف حاجه بس حسيت يدي وجعتني ☺?

ماما خديجه : سلامتك ي بتي ?

ماما خديجه طلعت من الغرفه ومشت بعيد منها وبقت تبكي وتقول ي رب تغفر لي انا السبب??

...........

ابرار كانت قاعده في بيتهم برها بعد م محمد طلع وخلها نضفت البيت كلو وقعت تحضر في التلفزيون شويه كده والجرس ض*ب ابرار فتحت الباب ولقتها نرجس

نرجس: صباحووو قلت الليله اجي افطر معاك

ابرار: طوالي? انا ﻻقيه

نرجس:تسلمي

نرجس وابرار اكلو ونرجس بقت تتونس معها وكل شويه تسال عن محمد وعامل شنو ووو

نرجس: انتي عارفه محمد م بحب اللون اﻻخضر عشان كده تاني ما تلبسي اللبسه دي?

ابرار:صحي? اول مره اعرف

نرجس: ااه المهم كلمتك?

ابرار: تمااام

نرجس يﻻ انا مااشه ☺ بعد كده دوامي حا يبدا في المستشفي

ابرار: هسه

نرجس: اي انا حا امش وايمن حا يجي?

ابرار: اااه كويس

نرجس: يﻻ سﻻم?

......

في المستشفي اصف مشه لي الدكتور

اصف: السﻻم عليكم

الدكتور:وعليكم السﻻم اتفضل

اصف : اها ي دكتور .. ان شاء الله خير

الدكتور :اتفضل اقعد لو سمحت

أصف قعد في الكرسي وقال ليو اها النتائج فيها شنو

الدكتور : والله صراحه ? لنا دي عندها ........

يتبع....