Joyce's POV
"Ate kailangan ko ng gown para sa gaganaping Senior prom namin. Lahat ng mga kaibigan ko may susuotin samantalang ako wala pa rin akong gown. Kahit sapatos wala pa ako." wika ni Celestine sa akin. Napabuntong hininga ako at napangalumbaba ako sa ibabaw ng table. Hindi ko pa kasi sweldo at ang perang natitira na lamang sa akin ay ang pambayad ko ng kuryente na hindi ko dapat gastusin sa ibang bagay dahil ayoko namang maputulan kami ng kuryente.
Hindi ko pinansin ang sinabi niya pero namomoblema talaga ako dahil pakiramdam ko ay pasan ko ang mundo ngayon. Kundangan naman kasi naningil pa ang tindahan sa amin. Dami ko kasing binayarang utang sa tindahan na umabot na ng apat na libo dahil sa kapatid ko.
"Ate naririnig mo ba ako? Kailangan ko ng gown, rent lang naman ang kailanga
