"Dad.." aniya sa ama at lumapit upang mag-mano.
"Buti naman ay nakapunta ka ngayon. Akala ko ay iiwasan mo na ako ngayon na nasa Buenavista ka na. At malaya nang gawin lahat ng nais mo." sarkastikong sabi nito sa kaniya.
Sa kaniyang isipan, ay sana nga ganoon. Sana nga pwede niyang gawin iyon pero alam niyang hindi.
"Hindi ko po gagawin iyon, Dad. Saka po, narito rin ako dahil nais ko kayong bisitahin ni Mommy." sagot niya sa kaniyang ama at malapad na ngumiti bago tumango.
"Mabuti kung ganoon. Bueno, mukhang nakapag-kamustahan naman na kayo ng iyong Mama. Kaya tara na at may pupuntahan tayo." sabi pa nito na ikinataka niya.
Nagkatinginan pa si Rose at ang kaniyang Nanay. Bumakas din naman sa mukha ng kaniyang ina ang pagtataka na tila hindi alam kung ano ang pinaplano ng asawa a
