Ipinarada ni Rose ang sasakyan sa garahe ng bahay ng mga magulang niya. Agad naman na sumalubong sa kaniya si Manang Marel na siyang dating yaya at ngayon ay kasambahay na rito sa bahay ng mga magulang niya.
"Iha! Nandito ka na!" Masayang bati ni Marel bago niyakap siya ng mahigpit. Yumakap rin si Rose lalo pa at nagigiliw din talaga siya sa kaniyang Yaya na itinuring na niyang ina. "Na-miss kita, iha!"
"Na-miss din kita, Yaya!" Aniya habang mapapad ang kaniyang ngiti. "Kamusta na po kayo rito? Si Mommy po? Nandyan ba?"
"Naku, ayos lang kami rito. Ang Mommy mo kanina ka pa rin hinihintay. Kabilin-bilinan niya na doon ka muna dumeretso sa study area para magkausap kayo. Naghihintay na siya doon. Teka akin na nga iyang dala mo, ano ba ito?" Sabi nito at kinuha ang box na dala niya.
"P
