Celestine’s POV
Nagsaslice ako ng sweet onions dahil ito raw ang gagamitin niya. Tapos na niyang maimarinate ang baka kaya gigisahin na niya ito.
Tutok na tutok lang ako sa gilid habang nagluluto si Xyler. Hindi ko maiwasang mamangha dahil hindi siya takot matalsikan ng mantika ikukumpara sa akin na gagawin pang shield ang takip ng kaldero.
“Ang bango naman niyan!” Nakangiti kong sambit habang inaamoy ang niluluto niyang bistek. Natatakam tuloy ako! Dadamihan ko talaga ang pagkain ng kanin mamaya!
“Ako pa,” arogante niyang sambit habang nakangisi sa akin. Tinapunan niya lang ako ng isang mabilis na tingin bago ulit nilaan ang kanyang buong atensyon sa kanyang niluluto.
Hindi ako tumutol sa kanya dahil dapat lang na maging proud siya ngayon, hindi kaya lahat ng lalake kayang magluto.
