Celestine’s POV
“Ano?! Ipapakasal ka kay Achilles?!” Hindi makapaniwalang saad ni Sasha sa akin. Andito na ako sa loob ng condo matapos akong ihatid ni Dominique.
Kakadating lang ni Sasha mula sa trabaho niya. Nagulat pa siya ng makita si Dominique na nandito sa loob at nakaupo kasama ko sa sala. Ang kaninang antok na antok niyang pagmumukha ay bigla nalang nawala at naging aggresibo.
“Alam mo ba ‘to Dom?” Tanong niya sa lalakeng katabi ko ngayon sa sopa.
“Oo, kinuwento sa akin ni Celestine kanina. And just like you, I also can’t believe it. Kailanman hindi pumasok sa utak ko na magagawa ‘to ni Tito Carlos kay Celestine.” Hindi ko maiwasang ikuwento ang nangyari sa akin kanina kay Dom habang nasa biyahe kami papauwi.
Hindi niya kasi ako titigilan hangga’t hindi ko masasabi sa kany
