Makalipas ang dalawampung minutong paglalakad ay narating nila ang silong kung saan inabutan nila ang mga tauhan ni Phillian na tulong-tulong na hinihila ang mga pump boats patungo sa dagat. Apat ang papalaot sa hapong iyon, samantalang ang dalawang bangka ay kasalukuyan pa ring inaayos at nasa loob ng silong.
Sa dami ng tao ay hindi mahanap ni Calley kung saan naroon si Phillian. Kabadong-kabado siya at hindi niya alam kung ano ang sasabihin dito kapag nagkita sila.
Pwede kaya siyang magpatay-malisya na lang at magpanggap na walang nangyari?
“Mahal!”
Nag-angat siya ng tingin at nakita si Ambong na nakangiting sumalubong sa kanila. Nilingon siya ni Nelly at kinuha mula sa kaniya ang hawak niyang isang box na pun
