Galit na galit si Kendra sa umaahong emosyon para kay Darius. Sana lang ay wala talaga itong alam sa deal na iyon kung hindi ay hindi niya ito mapapatawad.
Hinamig muna ang sarili saka nakipagtitigan rito. "Tandaan mo Mr. Mauritius, dignidad ng pamilya ko ang nawala. Sana lang ay wala ka talagang alam dahil hindi ko alam kung—" putol ni Kendra saka tinitigan ito sa mata. Naiiyak siya pero ayaw niyang sabihing nasasaktan din siya sa kaniyang bibitawang salita. "Hindi ko alam kung kaya kitang patawarin!" madiing turan sabay hablot sa brasong hawak nito at walang lingon-lingon na nilisan ang opisina nito.
Kitang-kita ni Darius ang nag-aapoy na mata ni Kendra. Damang-dama ang nag-aalab nitong galit. Bumaling siya at nakita ang sekretarya. Mukhang shock din ito sa ginawa ng kaniyang accounta
