Hindi alam ni Kendra kung papatulan ba ang imbitasyon ng babae pero gusto niyang matigil ang panggugulo nito sa kaniya kaya kahit ayaw niya ay pupuntahan ito. Sabado naman iyon ng gabi kaya mapaghahandaan niya kung haharapin man ito.
Hindi pa man nag-iinit ang puwet sa upuan ay tinawag siya mi Mrs. Fernandez na noon ay kababa lang ng telepono sa desk nito. "Miss Singson, Mr. Mauritius wants to talk to you," wika nito.
Awtomatikong napakunot-noo siya sa narinig na sinabi ng ginang ngunit na-excite siya nang maalala ang dokumentong ibibigay nito. Mas lalong napangisi ng naisip na baka dinala na iyon ng boss. At hindi na kailangan pang sumama sa condo nito. Agad na tumayo at inayos ang suot. Bahagyang na-conscious sa sarili at pasimpleng sinilip ang mukha sa kaniyang salamin sa kaniyang sho
