Natigilan si Darius sa sinabing iyon ni Kendra. Malalim ang iniwan nitong salita pero parang gusto niyang suwayin ito. Gusto niya itong ariin ngunit papaano iyon gagawin.
"Kendra!" agad na tawag rito. Nakita itong natigilan sa paghakbang papalabas. Lumapit siya rito saka hinawakan ang balikat nito.
Pigil ang paghinga ni Kendra nang maramdaman ang palad ng boss sa kaniyang balikat. Nakatalikod pa rin siya dito at natatakot siyang sa pagharap ay tuluyang bumigay ang depensa. Ngunit ilang segundo na silang nasa ganoong posisyon pero hindi pa rin nagsasalita ang boss.
"Kung wala kang sasabihin Sir, aalis na ako." Buntong-hininga niya upang palayain ang kabang nadarama. Akmang hahakbang ulit siya ng magsalita ito.
"A—alam kong pangit kung paano tayo nagkakilala at ang unang nagkita. Alam ko
