Binalik ni Darius ang mga mata sa dalawa ngunit wala na sila roon. Hindi malaman kung bakit inis na inis siya sa isiping may ibang kasama si Kendra lalo na at ang dating kasintahan pa nito.
“Salamat talaga sa’yo Sir Darius,” agaw pansin ni Mang Reden sa kaniya.
“Wala iyon, masaya akong matulungan ka. Hayaan niyo po at dadalaw ako minsan sa ospital,” saad dito.
Muling nakita ang pagsilay ng ngiti sa labi nito. Tanda ng pag-asa para rito.
Gustuhin mang sundan sina Kendra at ang dating kasintahan nito ay hindi na niya ginagawa. Hindi rin naman alam kung saan nagpunta ang mga ito at minabuting umuwi na lamang sa kaniyang condo dahil wala naman siyang balak lumabas pa. Tila nanamlay siya sa ibang babae at iisang babae na lamang ang nais niyang makasama at iyon ay si Kendra.
Habang nasa loo
