SA KOMEDOR ay bahagyang napatigil si Wendy ng makita ang dating matalik na kaibigan. 'Saki,' aniya sa isipan. Naroroon ang pag-asam na yakapin ito pero nagpipigil siya.
"Madam, umupo na po kayo," untag nito habang ubod tamis ng ngiti.
"Ah..eh..thank you.." aniya ng makabawi. Hindi niya namalayang nakatitig lang pala sa dating kaibigan.
Maya-maya ay pumasok naman roon si aling Guada ang ina ng kaibigang si Saki. Awtomatikong ngumiti ito ng makita siya. "Kumusta Iha, naku! Ang ganda-ganda mo nga talaga sa personal noh, napapanood lang kita sa tv noon kapag pinapanood ka nitong si Lira," masayang wika nito. "Sana magustuhan mo ang mga inihanda ko." Dagdag pa nito.
Ngumiti siya bilang tugon. "It look so good, tiyak kong masasarap ang mga ito. Salamat po." Magalang namang tugon.
Nang maay
