PAGKALABAS NIYA ng ospital na iyon ay agad na tinungo ang kaniyang sasakyan. Habang pinapakalma ang sarili ay agad na hinalungkat ang bag.
"Hello ma'am.." tinig ni Pau.
"Pau, search for Dra. Catherine Lagdameo of Lorma Medical Hospital. Ask me an appointment day after tomorrow.." utos sa kaniyang magaling na sekretarya.
"Sure ma'am. Anything else.." anito.
"No more.." aniya saka nagpaalam.
Nang kumalma siya ay nilisan na rin ang lugar. Habang nagda-drive ay hindi niya muling maiwasang mapadaan kalapit sa kubo. Muli niyang inihinto ang kaniyang sasakyan at mula roon ay nakamasid lamang siya. Maya-maya ay nakitang lumabas roon ang isang babae.
"Tita Matilda..." anas ng makita ang babaeng may malaking bilao sa ulo na puno ng gulay. Tantiya niya ay pupunta ito sa palengke. Tumigil mun
