NANG MAKALABAS siya ng opisina ng doktora ay napangiti siya. Unti-untiin niya ang mga taong kasampat ni Lira upang pagtakpan ang nagawa nitong kasalanan. Gaya ng sabi niya sa doktora, tinutulungan niya lamang ito para makalabas sa isang malaking kasalanan na maaaring idulot ng pagkakabunyag ng trahedyang kinasangkutan limang taon ang nakakaraan.
Pagkatapos roon ay naisipan niya ring sumaglit sa opisina ni Vince tutal ay malapit lang doon. Gusto niya kasi itong surpresahin. Gusto niyang mahumaling ito ng husto sa kaniya para mas madaling ipadama kay Lira ang pait ng mga ginawa nito. Iyong tipong malilito si Vince kung sino sa kanila ang pipiliin nito.
Tuwid ang direksyon tinahak. Kilala na rin siya ng mga tao sa building na kinaroroonan ng opisina nito. Kaya hindi na niya kailangan pa ng
