The Unbeatable Superstar
By: Joemar Ancheta
Chapter 33
Huminga siya ng malalim. Tumingin ako sa kaniya. Gusto kong magtanong kung anong nangyayari. Hinawakan ko ang kamay niya. Inilayo niya iyon. Tumulo ang kaniyang luha. Mabilis kong pinunasan. Hanggang sa hinila niya ako at niyakap ng mahigpit. Pumatak ang mga luha niya sa aking leeg. Niyakap ko din siya. Kahit wala pa man siyang sinasabi ay alam kong may mabigat siyang pinagdadaanan. Kasabay ng aming yakapan ang biglang pagsulpot ng isang taong hindi ko inaasahang darating.
Si Erin.
Nakita ko ang pagkabigla sa kaniyang mukha ngunit mabilis na pinalitan iyon galit.
Lumuwang ang pagkakayakap ko kay Brad. Matalim ang mga mata ni Erin na nakatingin sa akin. Tinanggal na din ni Brad ang kaniyang mga bisig na nakayakap sa akin. Ni
