CHAPTER 32
"Maupo ka nga muna anak at mag-usap lang tayo sandali?" maalumanay na pagsisimula ni Mama Sheine.
Umupo ako. Nakayuko.
“Pag-uusapan natin ngayon dinang tungkol dito.” Nakita kong hawak ni Papa Zayn ang copy ng grades ko na pinadala ng aming registrar. Huminga ako ng malalim. Kinakabahan na ako kahit pa sabihing napaghandaan ko na iyon. Hinihintay ko na lang ang pagkakataon na mangyari ito at nandito na nga. Hindi ko maiharap sa kanila ang aking mukha.
"Anak, nang pumayag kami na makipagrelasyon ka kay Brad, iyon ay pagpayag lang na maranasan mong maging masaya ang iyong kabataan at para matutunan mong maging responsableng harapin kung ano ang mahalaga sa'yo na hindi naming kailangan pang panghimasukan. Pinagkakatiwalaan ka namin, kaya ayaw naming dumating sa puntong ganito.”
