CHAPTER 59
Anong karapatan kong magmalinis sa'yo, gayung hiniwalayan na kita. Saka nagtapat ako noon sa’yo kung saan ako galing. Kung paanong nakarating ako sa pedestal ko ngayon. Nasa isip mong gano’n ako dahil gano’n ako noon. Kaya nga nang gusto kong kausapin ka at ipaliwanag ang sarili ko, alam kong nahusgahan mo na ako. Mas pinaniniwalaan mo na ang nakaraan ko kaysa sa sasabihin ko. Mas maniniwala ka na sa bulong ng isip mo kaysa sasabihin ng labi ko. Anong silbi ng pagpapaliwanag ko kung nakipaghiwalay naman na ako sa'yo? Inisip ko na lang at tinanggap na sana makatulong ang nakita mong iyon para kamuhian mo ako. Shan, hindi madaling akuin ang isang kasalanang iniisip ng iba na hindi mo naman talaga ginagawa ngunit sa mga panahong iyon, mabuti nang maging masama ako sa paningin m
