SA KABILA ng mga nangyari, sinigurado ni Kurt na mae-enjoy niya ang dalawang linggong bakasyon nila sa Tagaytay. Inilibot siya nito sa halos lahat ng magagandang lugar. Nang lumuwas ito ng Maynila, sina Kate at Joey na ang kasa-kasama niya. Simula nang gabing dumating ang mga magulang niya ay hindi na nila uli napag-usapan ang mga ito. Kahit ang mga kasama nila sa bahay ay iniiwasang pag-usapan ang mga nangyari.
Huling gabi na ni Aya sa Tagaytay. Si Kurt ay nasa Maynila na dahil may biglaang meeting ito na hindi pwedeng ipagpaliban. Dalawang gabi na niya itong hindi katabi sa pagtulog at dalawang gabi na rin siyang nangungulila rito. Bukas ay susunduin na siya nito dahil magsisimula na ang klase nila sa susunod na linggo.
Madaling araw na nang makaramdam si Aya nang matinding gutom. Ila
